Hamingjuhlaupið svokallaða fór fram í þriðja skipti á nýafstöðnum Hamingjudögum. Í ár var hlaupið frá Gröf í Bitrufirði til Hólmavíkur, alls 35,5 km, og stóð Stefán Gíslason að venju fyrir hlaupinu. 

Alls hlupu 16 manns í hlaupinu, þar af sjö frá upphafi til enda. Tekið var á móti hlaupurunum með mikilli viðhöfn á hátíðarsvæðinu á Hólmavík og fékk Stefán þann heiður að skera fyrstu sneiðina af Hnallþóruhlaðborði Hamingjudaga.

Að sögn ofurhlauparans Gunnlaugs Júlíussonar sem tók þátt í hlaupinu hefur hann aldrei lokið hlaupi þar sem jafn mikill fjöldi fólks fagnar hlaupurum að leiðarlokum.

Hér má lesa frásögn Stefáns Gíslasonar af Hamingjuhlaupinu 2011.
Hér má lesa frásögn Gunnlaugs Júlíussonar af Hamingjuhlaupinu 2011.

Hér er myndaalbúm með myndum úr Hamingjuhlaupinu 2011.
 

 Auglýst er í annað sinn eftir starfsfólki á leikskólann Lækjarbrekku haustið 2011:

Vilt þú vinna í skemmtilegu og líflegu umhverfi við bæði gefandi og skapandi starf? Spennandi tímar eru framundan í leikskólanum Lækjarbrekku. Starfsfólk leikskólans er að hefja stefnumótunarvinnu fyrir skólann og er fyrirhugað að innleiða nýja leikskólastefnu næsta vetur. Leikskólinn Lækjarbrekka auglýsir tvö störf haustið 2011:...
Meira

Minnum á viðtalstíma byggingarfulltrúa, Gísla Gunnlaugssonar, fimmtudaginn 7. júlí milli kl. 13:00 - 15:00 á skrifstofu Strandabyggðar.
 

Menningarverðlaun Strandabyggðar árið 2011 hlýtur Þjóðfræðistofa fyrir Skelina. Skelin er lista- og fræðimannadvöl á Ströndum sem hefur nú verið starfrækt frá 1. nóvember 2010 en þá tók Þjóðfræðistofa á leigu húsnæði við Hafnarbraut 7 þar sem starfrækt er kaffihúsið Hólmakaffi yfir sumartímann. Umsóknir í Skelina fóru fram úr öllum vonum. Fjölmargir og góðir gestir hafa sótt í Skelina og hafa þeir eflt menningarlíf hér á Ströndum með fjölbreyttum hætti.
...
Meira

Menningarverðlaun Strandabyggðar voru veitt á Hamingjudögum. Í ár ákvað dómnefndin að veita sérstök heiðursverðlaun Strandabyggðar fyrir gríðarlega öflugt menningarstarf undanfarna áratugi. Heiðursverðlaunin hlýtur Leikfélag Hólmavíkur fyrir leikrit, leikferðir, hátíðir, búninga, ljósameistara, brellur og hlátur og fyrir að auðga mannlíf á Ströndum undanfarin 30 ár.

...
Meira