Engir framboðslistar bárust kjörstjórn Strandabyggðar vegna sveitarstjórnarkosninga 26. maí  næstkomandi og verða því óhlutbundnar kosningar (persónukjör).
Allir kjósendur eru þá í kjöri nema þeir sem löglega eru undanþegnir skyldu til að taka kjöri og hafa fyrir fram skorast undan því. Innan skamms mun kjörstjórn auglýsa nöfn þeirra sem skorast hafa undan endurkjöri. Öllum öðrum sem eru kjörgengir, heilir og hraustir og yngri en 65 ára, er skylt að taka kjöri í sveitarstjórn við óbundna kosningu.

...
Meira

...
Meira

Strandabyggð auglýsir laust til umsóknar starf í þjónustumiðstöð sveitarfélagsins. Um er að ræða fjölbreytt og krefjandi starf þar sem kraftmiklir og úrræðagóðir einstaklingar sem hafa ánægju af góðum samskiptum ættu að blómstra. Umsóknarfrestur er til 15. maí og skulu umsóknir berast skrifstofu Strandabyggðar, Höfðagötu 3, 510 Hólmavík eða á netfangið strandabyggd@strandabyggd.is<mailto:strandabyggd@strandabyggd.is....
Meira

Strandabyggð hefur fest kaup á nýrri slökkvibifreið af gerðinni Man.  Einar Indriðason slökkviliðsstjóri og Sverrir Guðbrandsson starfsmaður Áhaldahúss sóttu bílinn í gær og komu honum í breytingu til Ósafls á Ólafsfirði en stefnt er á að hann verði tilbúinn haustið 2018. Þetta er mikið framfararskref enda núverandi bílafloti slökkviliðsins að nokkru kominn til ára sinna.

Kvennakórinn Norðurljós heldur sína árlegu vortónleika í Hólmavíkurkirkju kl. 14.00 þriðjudaginn 1. maí. Á dagskránni eru ýmis dægurlög, allt frá gömlum góðum uppáhaldslögum að eldhressum eurovisionslögurum.  Að venju er boðið upp á kaffihlaðborð í Félagsheimilinu á Hólmavík að tónleikum loknum. Stjórnandi er Sigríður Óladóttir og undirleik annast Viðar Guðmundsson, Gunnlaugur Bjarnason og Guðmundur Jóhannson. Aðgangseyrir er kr. 3000 fyrir 14 ára og eldri, 1500 f. 6-13 ára en frítt fyrir leikskólaaldur. Ekki er tekið við kortagreiðslum.