Á lýðheilsudegi Strandabyggðar miðvikudaginn 17. janúar sl. voru afhentar viðurkenningar fyrir afrek í íþróttum 2017 en árlega velur Tómstunda -íþrótta og menningarnefnd íþróttamann ársins að undangengnum tilnefningum frá almenningi.  Á sama hátt og nefndin velur íþróttamann ársins er heimilt að velja einstakling eldri en 12 ára sem hlýtur hvatningarverðlaun en þau eru veitt íþróttamanni sem sýnir ríkan áhuga á sinni íþróttagrein, er góður félagi og góð fyrirmynd. Hvor um sig hlýtur viðurkenningarskjal og blómvönd en auk þess veitir Íþróttafélag lögreglumanna á Hólmavík Íþróttamanni ársins farandbikar....
Meira

Lagning ljósleiðara í Strandabyggð, til bæja sunnan Hólmavíkur hefur staðið yfir síðan í vor. Nú er tengingum og skráningu lokið og þá eiga fasteignaeigendur kost á 100 Mb/s internettengingu, heimasímaþjónustu og gagnvirkri sjónvarpsþjónustu frá bæði Símanum og Vodafone....
Meira

Fundur nr. 1269 í sveitarstjórn Strandabyggðar verður haldinn í þriðjudaginn 9. janúar 2018, kl. 16.00 í Hnyðju, Höfðagötu 3 á Hólmavík. Fundardagskrá er svohljóðandi:

...
Meira

• Staða umsjónarkennara á miðstigi. Um er að ræða samkennslu í 5. - 7. bekk Meðal kennslugreina: íslenska, stærðfræði og náttúrugreinar. Lögð er áhersla á þemabundin verkefni. Umsækjandi þarf að geta hafið störf sem fyrst en í síðasta lagi 1. mars 2018. Umsækjendur þurfa að hafa réttindi til kennslu í grunnskóla. Leitað er eftir einstaklingi með góða skipulagshæfileika og mikla hæfni í mannlegum samskiptum. Reynsla af samkennslu árganga og áhugi á þróunarstarfi eru mikilvægir eiginleikar. Umsækjendur skulu hafa hreint sakavottorð.
• Staða tónlistarkennara. Meðal kennslugreina: gítar, rafmagnsgítar, bassi og trommur. Umsækjandi þarf að geta hafið störf sem fyrst. Leitað er eftir einstaklingi með réttindi til kennslu í tónlistarskóla, góða hæfni í hljóðfæraleik og mikla hæfni i mannlegum samskiptum. Umsækjendur skulu hafa hreint sakavottorð.
• Staða skólabílstjóra, bókavarðar og húsvarðar. Í starfi skólabílstjóra felst akstur með nemendur úr sveit og akstur innanbæjar. Leitað er eftir einstaklingi með aukin ökuréttindi til aksturs 16 manna rútu. Í starfi bókavarðar felst afgreiðsla á bókasafni, innkaup á bókum fyrir bókasafn og skóla, plöstun, flokkun og skráning í bókasafnskerfið Gegni og opnun að kvöld einn dag í viku. Í starfi húsvarðar felast minni háttar viðgerðir og viðhald í skóla og á skólavelli. Umsækjendur skulu hafa hreint sakavottorð og mikla hæfni í mannlegum samskiptum. Mögulegt er að skipta þessu starfi upp og telst þá starf skólabílstjóra 50%, bókavarðar 40% og húsvarðar 10%.

Umsóknarfrestur er til 30. desember 2017.
Nánari upplýsingar veitir: 
Hrafnhildur Guðbjörnsdóttir, skólastjóri, sími 451 3430, netfang skolastjori@strandabyggd.is

Umsóknir með starfsferilsskrá og afriti prófskírteina ásamt upplýsingum um meðmælendur sendist á skolastjori@strandabyggd.is eða Grunnskólinn á Hólmavík, Skólabraut 20-22, 510 Hólmavík.