Sveitarstjórn Strandabyggðar samþykkti á fundi sínum 8. mars  2016 að auglýsa tillögu að nýju deiliskipulagi fyrir hluta jarðarinnar Nauteyri í Strandabyggð, fyrrum Nauteyrarhreppi samkvæmt  1. mgr.  41. gr. skipulagslaga nr. 123/2010 og umhverfisskýrslu, samkvæmt 7. gr. laga um umhverfismat áætlana nr. 105/2006.

Deiliskipulagstillagan er í samræmi við Aðalskipulag Strandabyggðar 2010-2022 sem  staðfest var 21. júní 2011 en samkvæmt því er skipulagssvæðið skilgreint sem iðnaðarsvæði I3, vatnsverndarsvæði I, landbúnaðarsvæði og verslunar- og þjónustusvæði.  Svæði fyrir þjónustustofnanir (kirkju) er einnig í landi Nauteyrar en utan skipulagssvæðisins. Annað láglendi á Nauteyri og aðliggjandi jörðum er skilgreint sem landbúnaðarsvæði en ofan þess eru skilgreind óbyggð svæði.

Markmið deiliskipulagsins er að skapa rými fyrir eflingu núverandi fiskeldis í landi Nauteyrar.

Deiliskipulagstillagan verður til sýnis á skrifstofu Strandabyggðar, Höfðagötu 3 á Hólmavík og á heimasíðu Strandabyggðar,  www.strandabyggd.is  frá og með 22. mars 2016 til og með 4. maí 2016.

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna.  Frestur til að skila inn athugasemdum rennur út 4. maí 2016.

Skila skal inn skriflegum athugasemdum á skrifstofu Strandabyggðar, Höfðagötu 3, 510 Hólmavík eða á netfangið strandabyggd@strandabyggd.is   

Þeir sem ekki gera athugasemdir við deiliskipulagstillöguna fyrir tilskilinn frest teljast samþykkir henni.

Sjá gögn hér:
a1-dskt-nauteyri-uppdr1
a1-dskt-nauteyri-uppdr2

a1-dskt-nauteyri-uppdr3
a4-dskt-nauteyri-grg

Hólmavík 18. mars 2016.

Gísli Gunnlaugsson

skipulags- og byggingarfulltrúi