Innskráning

Strandabyggð gerir hér með verðfyrirspurn vegna frágangs á leikskólalóð við leikskólann Lækjarbrekku á Hólmavík.  Verkið snýst um að leggja niður jarðvegsefni samkvæmt teikningu, helluleggja og steypa göngustíg samkvæmt teikningu, staðsetja leiktæki, sandkassa og geymsluskúr samkvæmt teikningu.

 

Öll gögn eru aðgengileg hjá VERKÍS og ber áhugasömum að hafa samand við Jóhann Birki Helgason, sími 898-3772.  Skilafrestur er 13.5 n.k. kl 16:00 og ber að skila tilboðum til Jóhanns Birkis Helgasonar, VERKÍS, netfang: jbh@verkis.is

 

Strandabyggð áskilur sér rétt til að hafna öllum tilboðum eða taka því sem uppfyllir best væntingar og kröfur sveitarfélagsins.

Í dag, þriðjudag, er bíll frá Hreinsitækni á svæðinu. 

Ef það er stífla eða trekki í fráveitu eða niðurföllum má hafa samband við Hreinsitækni. Einnig eru þeir með myndavél. 

Ef óskað er eftir aðstoð frá þeim þá má hringja í síma 841-0136.

Fræðslufundur um málefni kirkjugarða

Boðað er til fundar þriðjudaginn 6. maí kl 15:00 í sal Menntaskólans á Ísafirði um ýmis málefni er varða skipulag og umhirðu kirkjugarða og samvinnu kirkjugarðsstjórna og sveitafélaga.

 

Fyrirlesarar: Ágústa Erlingsdóttir framkvæmdastjóri kirkjugarðaráðs og  Smári Sigurðsson framkvæmdastjóri Kirkjugarða Akureyrar.

Staðsetning: Menntaskólinn á Ísafirði

Tími: 6. Maí kl: 15:00

 

Á fundinn eru boðaðir fulltrúar sveitafélaga á Vestfjörðum, kirkjugarðsstjórnir og  fulltrúar stærstu trúfélaga á svæðinu.

 

Fjallað verður um eftirfarandi atriði:

Almennt um kirkjugarða

Kirkjugarðasjóð

Tekjur og gjöld kirkjugarða

Umhirðu og grafartöku

 

Öll áhugasöm um málefni kirkjugarða eru hjartanlega velkomin!

Kæru íbúar Strandabyggðar, 

Opinn fundur verður haldinn þriðjudaginn 6. maí n.k. kl. 17:00 - 19:00 um endurskoðun skólastefnu Strandabyggðar.   (smelltu til að skoða stefnuna).

Hafin er vinna við endurskoðun skólastefnu Strandabyggðar frá 2015. Verkefnið er fólgið í því að greina núverandi stöðu á gildandi skólastefnu og móta framtíðarsýn með skýrum viðmiðum um gæði menntastarfs. Rík áhersla er lögð á samráð við stjórnendur, starfsfólk, nemendur, foreldra og aðra íbúa sveitarfélagsins við endurskoðun skólastefnunnar. Opið ferli og samtal við samfélagið er mikilvægt svo vel takist til við mótun stefnu og innleiðingu enda er slíkt grundvöllur þess að sem mest sátt ríki um stefnuna.

Nú býður stýrihópurinn öllum sem áhuga hafa að mæta á íbúafund um endurskoðun stefnunnar þar sem íbúum gefst kostur á að leggja sitt af mörkum. 

Hvenær: Þriðjudaginn 6. maí

Tími: kl. 17:00-19:00

Hvar: Félagsheimilinu á Hólmavík

Dagskrá fundarins 

• Kynning á stýrihóp og verkefninu - Þorgeir Pálsson sveitarstjóri.

• Fyrirlestur - Gerð og mikilvægi menntastefnu sveitarfélaga - Gunnþór verkefnastjóri stýrihóps.

• Hópavinna - styrkleikar, veikleikar, ógnanir, tækifæri ofl.

• Samantekt, spurningar og næstu skref.

• Fundi lokið um 19:00.

Með von um gott samstarf og góða þátttöku

Stýrihópur um endurskoðun skólastefnu

 Þorgeir Pálsson, Grettir Örn Ásmundsson, Hlíf Hrólfsdóttir.

Sveitarstjórnarfundur nr. 1376 sem er aukafundur hjá sveitarstjórn Strandabyggðar verður haldinn föstudaginn 2. maí kl. 14:30 á skrifstofu sveitarfélagsins að Hafnarbraut 25, athugið nýja staðsetningu.

Fundardagskrá:

1. Ársreikningur Strandabyggðar 2024, fyrri umræða
2. Aðalskipulag Strandabyggðar 2024-2036, fyrri umræða

Gert er ráð fyrir að eftirtaldir sveitarstjórnarmenn sitji fundinn:
Þorgeir Pálsson
Júlíana Ágústsdóttir
Þórdís Karlsdóttir
Matthías Sævar Lýðsson
Hlíf Hrólfsdóttir