Sveitarstjórnarfundur Strandabyggðar nr. 1380, 10.09.2025
Sveitarstjórnarfundur nr. 1380 í sveitarstjórn Strandabyggðar
Fundur nr. 1380 í sveitarstjórn Strandabyggðar var haldinn miðvikudaginn 10. september 2025 kl. 16:00 í Hnyðju, Höfðagötu 3, 510 Hólmavík. Eftirtaldir sveitarstjórnarfulltrúar sátu fundinn: Þorgeir Pálsson, Grettir Örn Ásmundsson, Matthías Sævar Lýðsson, Hlíf Hrólfsdóttir og Þórdís Karlsdóttir varamaður. Salbjörg Engilbertsdóttir ritaði fundargerð. Fundurinn var jafnframt tekinn upp í hljóðskrá.
Fundardagskrá er svohljóðandi:
Engin athugasemd er gerð við fundarboðið en Matthías Sævar Lýðsson leggur fram eftirfarandi bókun:
"Við breytingu á ritun fundargerða þar sem eingöngu virðist eiga að rita hver tekur til máls en ekki skoðun fundarmanna er aðstöðumunur oddvita og annarra sveitarstjórnarmanna mikill. Oddviti skrifar handrit að fundargerð og þar kemur iðulega fram hans skoðun á málum. Aðrir sveitarstjórnarmenn verða að koma fram með sérstaka bókun til að þeirra skoðun á málefni komi fram. Þetta misræmi er ólíðandi og verður að leiðrétta.
Í síðustu fundargerðum er textinn: "Oddviti kallar eftir samþykki sveitarstjórnarmanna" Þessi texti og aðgerð er sniðganga á hefðbundnum fundarsköpum. Oddviti getur kallað eftir að gengið verði til atkvæða og leitar þá eftir hverjir samþykkja tillögu og hverjir eru á móti."
Þorgeir Pálsson tók til máls og nefndi nýlega heimsókn stjórnar Sambands sveitarfélaga sem benti t.d. á fundargerðaformat sem finna má undir sveitarfélagaskólanum á heimasíðu Sambandsins. Við viljum alltaf gera betur og skoðum á næstunni hvaða leiðir eru góðar og að við sem kjörnir fulltrúar sjáum til þess að fundargerðin sé sem best úr garði gerð.
Enginn annar tók til máls
Þá var gengið til dagskrár:
1. Viðauki III við fjárhagsáætlun 2025
Oddviti rakti tilurð viðaukans og nefndi sérstaklega kostnað vegna leikskólalóðar, en einnig tillögur að frestun framkvæmda. Síðan gaf oddviti skrifstofustjóra orðið sem fór nánar yfir innihald viðaukans.
Framkvæmdir:
Framkvæmdir við Leikskólann Lækjarbrekku bera hærri kostnað en upphaflega var gert ráð fyrir t.d. vegna niðurrifs á húsgrunni gamla samkomuhússins sem ekki var fjarlægður á sínum tíma og var undir leiksvæðinu. Nauðsynlegt þótti að fjarlægja grunninn til að vatn hætti að safnast fyrir í lóðinni. Ekki var gert ráð fyrir lýsingu í upphaflegri kostnaðaráætlun en bætt hefur verið úr.
Upphafleg fjárhagsáætlun gerði ráð fyrir 24.700.000 en í viðauka II var áætlun hækkuð um 1.735.825 og því kr. 26.436.825 á áætlun. Hækkun á kostnaði stendur nú í 57.727.000 og má áætla að heildarkostnaður muni fara í kr. 66.500.000. Lagt er því til að hækka áætlun vegna framkvæmda á leikskólalóð um kr. 40.064.000.
Lagt er til að lækka framkvæmdaáætlun á móti á eftirtöldum deildum:
Skólabíll og skólaakstur:
Vegna breytinga í skólaakstri hefur sveitarstjórn keypt skólabifreiðina JJK86 á 6.000.000 og er samþykki sveitarstjórnar staðfest í þessum viðauka.
Lagt er til að tilfærslur vegna kaupanna verði á þennan hátt: Í áætlun 2025 var gert ráð fyrir samningi við verktaka kr. 16.000.000 og eldsneytiskaupum kr. 200.000. Samningur verktaka lækkar í 5.700.000 og gera má ráð fyrir rekstrarkostnaði m.a. eldsneyti og þjónustukaupum allt að kr. 1.500.000. Eignasjóður kaupir bílinn og færast 6.000.000 á deild 3176 og 3.000.000 færast sem hækkun launaliða hjá grunnskóla.
Matthías tók til máls og leggur fram eftirfarandi bókun A-lista:
"Sveitarstjórnarmenn A-lista telja að ekki sé við verktaka að sakast þó kostnaður hafi farið langt fram úr áætlun, heldur hafi undirbúningur hjá Strandabyggð ekki verið nægilega góður. Sá viðauki sem hér er lagður fram, er enn eitt dæmi um erfiða fjárhagsstöðu Strandabyggðar. Viðaukinn felur í sér stefnumörkun sem ætti að vera að öllu leiti á ábyrgð oddvita Strandabyggðar, en ekki skrifstofustjóra.
Enn einu sinni er verið að gera viðauka eftirá þrátt fyrir að slíkt sé óheimilt og ítrekað hefur verið gerð athugasemd við þannig gjörning í Stjórnsýsluskoðun. Þetta var gert þrátt fyrir að minnihlutinn hafi bent á það þetta væri óheimilt. Sveitarstjórnarmenn A-lista telja að nægur tími hafi verið til að taka ákvörðun um fyrirkomulag skólaaksturs, því legið hefur fyrir síðan í vor ap breytingar yrðu. Lagt er til í viðaukanum að lækka framkvæmdaráætlun um 40.064.000,- Lækkun kostnaðar vegna skólaakstur virðist vera 1.200.000,- Kostnaður vegna kaupa á skólabíl 6.000.000,- Hækkun á framkvæmdarkostnaði vegna leikskólalóðar virðist vera um 25.600.000,- Þarna munar 9.700.000,- Í hvað sú lækkun á framkvæmdaráætlun að fara?"
Oddviti tók til máls
Matthías tók til máls
Oddviti lagði til að viðaukinn yrði samþykktur. Samþykkt með fjórum atkvæðum, Matthías Sævar Lýðsson situr hjá.
2. Fjárhagsáætlun 2026-2029 forsendur og skipulag áætlunarvinnu
Oddviti ræddi forsendur og fyrirkomulag fjárhagsáætlunargerðar og lagðar til að hann og skrifstofustjóri myndu leggja til dagsetningar fyrir fundi og heimsóknir í stofnanir sveitarfélagsins.
Orðið gefið laust.
Matthías Sævar Lýðsson óskar eftir að leggja fram efitrfarandi bókun A-lista:
"Það verður ekki undan því vikist við gerð fjárhagsáætlunar fyrir næsta ár að ræða alvarlega fjárhagsstöðu Strandabyggðar og framtíðargetu þess til að standa undir lögbundnum verkefnum og sinna viðhaldi og uppbyggingu í sveitarfélaginu. Það er athyglisvert að í tímalínu sem fylgir með þessum lið er vísað til þess að skrifstofustjóri leggi fram gögn en ekki minnst á að sveitarstjóri leggi neitt fram."
Oddviti tók til máls og útskýrði verkefni síðustu ára sem voru óviðráðanleg vegna innviðaskuldar sem safnast hafi upp. Oddviti tók sömuleiðis fram að innviðir þurfi að vera í lagi til að bjóða upp á tækifæri í atvinnu og húsnæði sem verða tekjuskapandi fyrir sveitarfélagið.
Matthías Sævar Lýðsson tók til máls og benti á að bókunin snúi ekki að því að við höfum ekki reynt okkar besta en að við þurfum að vanda til verka.
Tillaga um fyrirkomulag fjárhagsáætlunargerðar er lögð fram til samþykkis sveitarstjórnar sem samþykkir samhljóða.
3. Álit siðanefndar Sambands íslenskra sveitarfélaga um meint brot á siðareglum Strandabyggðar 30. ágúst 2025
Oddviti rakti tilurð máls. Þorgeir Pálsson lagði fram bókun:
"Ég birti þessa bókun í mínu nafni og eiginkomu minnar, Hrafnhildar Skúladóttur, af augljósum ástæðum. Okkur þykir mjög miður að deilur og skoðanaskipti einstaklinga í sveitarfélaginu séu enn og aftur komin á borð sveitarstjórnar Strandabyggðar. Skoðanaskipti og deilur einstaklinga eiga ekki erindi inn á borð sveitarstjórnar. Á það hefur ítrekað verið bent. Eðlilegast hefði verið að útkjlá ágreining milli einstaklinga beint og var sannarlega boðið upp á það, en ekki var almennur vilji fyrir því. Við, eins og án efa fjölmargir í okkar góða samfélagi, hefðum kosið að þessum kafla í okkar samfélagssögu væri lokið. Vonandi lýkur honum hins vegar núna. Það er amk. okkar ósk og von. Við öll, verðum að bera virðingu fyrir starfsvettvangi sveitarstjórnar og þeim verkefnum sem sveitarstjórn ber að sinna samkvæmt lögum. Við þurfum að bera virðingu fyrir lýðræðinu og tjáningarfrelsinu. Og við þurfum að bera meiri virðingu fyrir hvert öðru. Álit Siðanefndar Sambandsins er skýrt hvað þetta varðar. Það er ljóst að orðræðan hefur sært og skaðað á báða bóga og verið engum til góðs. Okkur þykir það leið niðurstaða og hörmum hana. Hver og einn þarf að axla ábyrgð, eða eins og segir í lokaorðum álits Siðanefndar Sambandsins, tilvitnun hefst: Þegar deilur og ágreiningur eru uppi reynist okkur gjarnan erfitt að líta í eigin barm og taka ekki gagnrýni persónulega. Ekkert regluverk eða umgjörð getur þó tekið þá ábyrgð frá okkur."
Þorgeir Pálsson víkur af fundi og felur varaoddvita stjórn fundarins.
Grettir Örn Ásmundsson tekur við fundarstjórn og gefur orðið laust.
Matthías Sævar Lýðsson óskar eftir að leggja fram eftirfarandi bókun A-lista:
"Sveitarstjórnarmenn A-lista teljast að í áliti siðanefndar sniðgangi nefndin sín helstu verkefni sem eru samkvæmt skipunarbréfi hennar:
Enginn annar tók til máls.
Erindið annars lagt fram til kynningar.
Þorgeir Pálsson kemur aftur til fundarins og tekið við stjórn hans.
4. Samþykkt um búfjárhald, seinni umræða
Oddviti lagði til að afgreiðslu yrði frestað þar til eftir fund sveitarfélagsins með bændum síðar á árinu. Orðið gefið laust.
Hlíf tók til máls og spurði hvort athugasemdir hefðu borist, oddviti taldi svo ekki vera.
Tillaga oddvita borin undir fundinn og samþykkt samhljóða.
Þórdís Karlsdóttir vék af fundi.
5. Erindi frá bændum vegna niðurfellingar á fjallskilum
Oddviti rakti tilurð máls og vísaði þar í bókun ADH nefndar frá 20. júní s.l. og staðfestingu sveitarstjórnar frá fundi 1379 frá 12. ágúst s.l. Í bókun ADH nefndar er lagt til við sveitarstjórn að beiðnin verði samþykkt en að óskað verði eftir upplýsinga um hvernig til hafi tekist í haust. Í staðfestingu sveitarstjórnar er fallist á tillögu nefndarinnar en kallað eftir staðfestingu á staðsetningu girðinganna. Við eftirfylgni þeirrar beiðni sveitarstjórnar, breyttist fjöldi kinda í 200 og fjallskilum viðkomandi bænda því breytt og þeim gert að leggja til átta (8) manns að auki.
Ábendingar þeirra bænda sem sendu inn þetta erindi, eru réttmætar að mati oddvita og er þar komið inn á ýmis vafamál, sem oddviti telur rétt að leita svara við hjá Bændasamtökum Íslands og öðrum aðilum, gerist þess þörf.
Orðið gefið laust.
Matthías Sævar Lýðsson tók til máls og segir þetta bréf lítið gleðiefni. Ástæða bréfsins er fækkun bænda og bújarða og líklega blandast einhverjar deilur þar inn í. Hann hefur kynnt sér reglur og samþykktir sem tengjast málinu og hann telur að best sé að leita lausna með samtali. Hann óskar jafnframt eftir að leggja fram bókun A-lista:
"Sveitarstjórn hafi farið eftir lögum og samþykktum um afréttarmál, fjallskil og fleira. Samþykkt hennar þann 12. ágúst var rökstudd með vísun í þau lög og fjallskilasamþykkt Strandasýslu. Sveitarstjórnarmenn A-lista vilja koma með þá vinsamlegu ábendingu til bréfritara að til lengri tíma litið, er farsælla til að leita lausna á ágreiningi með því að fólk tali saman."
Oddviti tók til máls og tekur undir með A-lista. Oddviti leggur til að sveitarstjórn feli oddvita og formanni ADH nefndar að leita ráða hjá Bændasamtökunum og öðrum tilheyrandi aðilum og svara síðan bréfriturum.
Grettir Örn Ásmundsson tók til máls.
Sveitarstjórn samþykkir með fjórum atkvæðum.
Þórdís Karlsdóttir kom aftur inn á fundinn.
6. Staðfesting á svari sveitarstjórnar til Skipulagssstofnunar, varðandi ósnert víðerni
Oddviti rakti tilurð máls og kallaði eftir staðfestingu sveitarstjórnar á textanum, sem var sendur til Skipulagsstofnunar sem svar við athugasemdum stofnunarinnar við endurgerð aðalskipulags Strandabyggðar. Sveitarfélaginu er gert að móta skýra stefnu í gerð aðalskipulags á meðan að enginn lagarammi er til.
"Vestfirðir eru einstakt svæði til að njóta hreinnar náttúru og kyrrðar. Svæðið er fjölbreytt og framúrskarandi til búsetu, atvinnu og heimsókna. Þar er öflugt, vaxandi alþjóðlegt þekkingarsamfélag sem einkennist af kraftmikilli sköpun, sterkri sjálfsmynd og umhverfisvitund. Fjórðungurinn einkennist af samheldnum samfélögum með góðri þjónustu, fjölbreyttu atvinnulífi og blómstrandi menningu sem byggir á virðingu fyrir fólki, umhverfi og auðlindum.
Jafnvægi milli nýtingar og vernar, vöxtur atvinnugreina eins og ferðaþjónustu, iðnaðar og lagareldis þarf að fara fram á sjálfbæran hátt svo að náttúrufegurð, kyrrð og líffræðileg fjölbreytni haldist óskert eins og kostur er.
Náttúran er helsta aðdráttarafl Vestfjarða, grundvöllur atvinnulífs og uppspretta auðlinda. Henni er ógnað af loftlagsbreytingum og athöfnum mannsins. Því þarf að draga úr losun gróðurhúslofttegunda, auka bindingu kolefnis og aðlaga samfélögin. Það verður gert með því að finna jafnvægi milli verndar og nýtingar, orkuöflunar og friðunar með virðingu fyrir náttúru og samfélagi að leiðarljósi.
Strandabyggð leggur þó áherslu á að verndun og friðun komi ekki í veg fyrir framþróun innviða, enda sé ávallt gætt ítrustu varkárni við ósnert víðerni og náttúru og skal ávallt leitað leiða til að haga framkvæmdum með þeim hætti að raski sé haldið í lágmarki, náttúrunni í hag. Við framkvæmdir verði leitast við í hvívetna að nálgast orkuöflun með virðingu fyrir náttúru og tryggja að virkjanir og tengingar þeirra skerði sem minnst víðerni og mikilvægar landslagsheildir.
Strandabyggð býr yfir ómetanlegri auðlind í formi stórbrotins landslags sem hefur víðtæk áhrif á sjálfsmynd íbúa, lífsgæði og möguleika til útivistar. Landslagsvernd og skipulögð nýting eru lykilþættir í að tryggja sjálfbæra þróun svæðisins, þar sem náttúrufegurð, víðerni, víðsýni og aðgengi að náttúru mynda heildstæða upplifun fyrir íbúa og gesti."
Oddviti tók til máls.
Matthías Sævar Lýðsson tók til máls.
Hlíf Hrólfsdóttir tók til máls.
Grettir Örn Ásmundsson tók til máls.
Samþykkt samhljóða og texti ályktunar samþykktur.
7. Fjórðungsþing 16. september 2025, tillögur að ályktunum Strandabyggðar
Oddviti rakti tilurð máls og lagði til að sveitarstjórn myndi sameinast um tillögur að ályktunum auk þeirra sem tilgreindar eru í fundargögnum, í samskiptum sín í milli, næstu daga, en fela sveitarstjóra að senda inn endanlegan lista yfir tillögur Strandabyggðar fyrir vikulokin.
Orðið gefið laust.
Enginn tók til máls.
Sveitarstjórn samþykkir afgreiðsluna samhljóða.
8. Náttúrustofa Vestfjarða á Hólmavík
Oddviti gaf Matthíasi Sævari Lýðssyni, málshefjanda, orðið.
Matthías Sævar Lýðsson leggur fram eftirfarandi tillögu:
Til ársins 2021 var Náttúrustofan með tvö stöðugildi á Hólmavík. Frá þeim tíma hefur ekki verið fastur starfsmaður hjá Náttúrustofunni á Hólmavík, þrátt fyrir orð þar um. Sveitarstjórn Strandabyggðar óskar því eftir skýrum svörum frá stjórn og forstöðumanni Náttúrustofunnar hvort til standi að starfsstöð og stöðugildi verði í Strandabyggð. Sveitarfélagið Strandabyggð er þátttakandi í Náttúrustofu Vestfjarða og kemur til með að meta þátttöku sína í ljósi þeirra svara sem berast.
Oddviti tók undir með Matthíasi Sævari Lýðssyni.
Sveitarstjórn samþykkir samhljóða og felur oddvita að koma tillögunni á framfæri við stjórn Náttúrustofu Vestfjarða.
9. Sýning/vitundarvakning í Hnyðju vegna ástandsins á Gasa
Oddviti rakti tilurð máls og lagði til að tillaga hans um að samstarf sveitarfélagsins og leigjenda í Hnyðju um vitundarvakningu hvað varðar ástandið á Gasa stæði frá 18.8 til 18.9 n.k. Eftir það yrðu hlutaðeigandi að taka allt niður út glugga Hnyðju. Oddviti vísar í minnisblað meðal fundargagna.
Orðið gefið laust.
Hlíf Hrólfsdóttir tók til máls.
Matthías Sævar Lýðsson tók til máls og sagði að um væri að ræða opinbert húsnæði og að setja þurfi ramma um umgengni, hvort kvaðir ættu að vera á því hvað sé sjáanlegt í gluggum t.d. Jafnframt tekur hann fram að ekki sé hægt að tala um ástand og hann sé bæði ánægður með þann hug sem sýndur og jafnframt hryggur yfir ástæðum þess að fólk sýni tilfinningar sínar í gluggum í eigu sveitarfélagsins.
Oddviti tók til máls og sagði að málið snérist um að þetta væri opinber bygging og hvort nýta mætti bygginguna í þessum tilgangi. Það er mikilvægt að borin sé virðing fyrir eignum sveitarfélagsins og að beðið sé leyfis áður en hengdar eru upp auglýsingar eða annað. Oddviti tekur undir með Matthíasi að gott sé að fólk segi sína skoðun og sýni hluttekningu.
Tillaga oddvita er samþykkt samhljóða og sveitarstjóra falið að tilkynna hlutaðeigandi um niðurstöðuna.
10. Vinnuskýrsla sveitarstjóra
Orðið gefið laust.
Matthías Sævar Lýðsson óskar eftir að bera fram eftirfarandi spurningar:
a. Var tekið tillit til allra athugasemda við endanlega gerð fjallskilaseðils? Var hlutaðeigandi svarað um það sem ekki var tekið tillit til?
b. Hvaða svör bárust vegna slæms farsímasambands í Strandabyggð?
c. Hvað er að frétta af Sameiningamálum?
d. Hvað er að frétta af Framtíðarsýn Strandabyggðar ætlar oddviti að semja hana einn?
e. Heimsókn HVB verkfræðistofu vegna Brandskjóla.
i. Hvernig var staðið að vali á þessarrar verkfræðistofu?
ii. Hvaða verkfræðistofur fengu verðfyrirspurn?
iii. Hvað var tilboðið hjá þeim hátt? Hvað er búið að greiða fyrir þessa vinnu?
iv. Hvað á verkfræðistofan að gera þ.e.a.s. var gerður samningur? Á að leggja hann fyrir sveitarstjórn í samræmi við samþykkirnar? Hvenær á þá að gera það?
v. Var farið með þá á Vitabrautina til að kynna þeim aðstæður þar?
f. Getum við í sveitarstjórn fengið minnisblað um símafundinn vegna skoðunar á Byggðasögu Stranda?
g. Hvenær getum við átt von á að ný heimasíða komist í gagnið? Hver er áfallinn kostnaður við heimasíðuna núna? Er til samningur um þá vinnu? Var hann lagður fyrir sveitarstjórn? Í fundargerðum sveitarstjórnar var síðast spurt og fjallað um heimasíðuna í des 2023.
h. Við lauslega yfirferð á fundargerðum sveitarstjórnar Strandabyggðar kemur í ljós að á fleiri en einum stað hefur láðst að setja tengil við framlögð gögn.
i. Hvað er að frétta af framgangi mála sem kynnt voru í tillögum Strandanefndarinnar og á hvaða hátt hefur sveitarstjóri beitt sér í því máli,
j. Hvað er að frétta af Umferðarsamþykkt f. Strandabyggð sem samþykkt var 13. september að fela þér að gera?
k. Hvernig gengur að panta gangbrautarskilti?
Oddviti leggur til að sveitarstjóri svari spurningum formlega og birti svör sem fundargagn með þessum lið þegar fundargerð verður gerð opinber. Sveitarstjórn samþykkir samhljóða.
11. Félag fósturforeldra, styrkbeiðni frá 26. ágúst 2025
Oddviti lagði til að umbeðin styrkveiting félags fósturforeldra upp á kr. 25.000 verði samþykkt. Orðið gefið laust.
Hlíf Hrólfsdóttir tók til máls og nefndi að sveitarfélagið hafi ekki verið að styrkja félagasamtök undanfarið.
Oddviti útskýrði að viðkomandi félag hafi ekki fengið styrk áður og jafnframt væri þetta lág upphæð.
Borið undir atkvæði og samþykkt með þremur atkvæðum en fulltrúar A-lista sitja hjá.
12. Stígamót, styrkbeiðni og ársskýrsla frá 1. september 2025
Orðið gefið laust.
Matthías Sævar Lýðsson tók til máls og lagði til styrk til Stígamóta um 30.000 kr.
Tillaga samþykkt samhljóða.
13. HS orka, upplýsingar um birtingu matsskýrslu
Lagt fram til kynningar, en rétt að benda á tilgreindan umsagnarfrest til 17. október n.k. Skýrslan er aðgengileg á heimasíðu VesturVerks og hjá HSA samtökunum.
Matthías Sævar Lýðsson tók til máls.
Erindið annars lagt fram til kynningar.
14. Hornsteinar ársreikningur 2024 ásamt fundargerð aðalfundar og stjórnarfundar 29. ágúst 2025
Oddviti rakti tilurð máls, en gaf síðan Gretti Erni Ásmundssyni orðið.
Grettir Örn Ásmundsson tók til máls og fór yfir fundargerðina. Þar sem Strandabyggð hafði áður ákveðið að selja sinn hlut í félaginu var kosin ný stjórn Hornsteina. Eigið fé í árslok nam 25.000.000.
Oddviti tók til máls og sagði að Strandabyggð hafi ákveðið að auglýsa sinn hlut sem er 44.16% og hægt er að nálgast gögn á skrifstofu Strandabyggðar.
Enginn annar tók til máls.
Fundargerð og ársreikningur lögð fram til kynningar.
15. Sorpsamlag Strandasýslu, fundargerð aðalfundar 29. ágúst 2025 ásamt ársreikningi 2024
Oddviti, sem formaður stjórnar Sorpsamlagsins, rakti efni fundarins og umræðuna á honum.
Matthías Sævar Lýðsson tók til máls.
Að öðru leiti er ársreikningur og fundargerð lögð fram til kynningar.
16. Velferðarnefnd fundargerð frá 2. september 2025
Oddviti gaf formanni Velferðarnefndar orðið. Matthías Sævar Lýðsson tók til máls og útskýrði efni fundarins.
Að öðru leiti er fundargerðin lögð fram til kynningar.
17. Umhverfis- og skipulagsnefnd fundargerð frá 3. september 2025
Oddviti gaf formanni Umhverfis- og skipulagsnefndar, Matthíasi Sævari Lýðssyni, orðið. Formaður rakti efni fundarins.
Að öðru leiti er fundargerðin lögð fram til kynningar.
18. Vinnslutillaga um svæðisskipulag á Vestfjörðum
Um er að ræða fyrstu tillögu að svæðisskipulagi fyrir Vestfirði í heild. Umhverfis- og skipulagsnefnd leggur til við sveitarstjórn að samþykkja þá megindrætti sem lagðir eru fram í vinnslutillögunni.
Oddviti tók til máls.
Borið undir atkvæði sveitarstjórnar og samþykkt samhljóða.
19. Matsáætlun vegna Hvalárlínu Landsnets
Sveitarstjórn Strandabyggðar leggur til að afgreiðslu Umhverfis- og skipulagsnefndar verði frestað og að óskað verði eftir fundi með Landsneti og nærliggjandi sveitarfélögum til að ræða legu og matsáætlun Miðdals- og Hvalárlínu og jafnframt að afstaða Strandabyggðar varðandi aðalskipulagstillögu verði kynnt hlutaðeigandi,
Borið undir atkvæði sveitarstjórnar og samþykkt samhljóða.
20. Tillaga að verndarsvæði í byggð
Umhverfis- og skipulagsnefnd leggur til við sveitarstjórn að samþykkja og hefja innleiðingu verkefnisins.
Borið undir atkvæði sveitarstjórnar og samþykkt samhljóða.
21. Orkubú Vestfjarða erindi varðandi deiliskipulag á Skeiði
Umhverfis- og skipulagsnefnd felur byggingarfulltrúa að afgreiða erindið og benda Orkubúinu á að sækja um byggingarleyfi enda almennt ekki gert ráð fyrir deiliskipulagi fyrir stakar lóðir í þéttbýli.
Lagt fram til kynningar og byggingarfulltrúa falið að afgreiða erindið.
22. Orkuvinnslan, umsókn um stofnun lóðar í Hafnardal
Umhverfis- og skipulagsnefnd leggur til við sveitarstjórn að samþykkja umsóknina og fela byggingarfulltrúa stofnun lóðarinnar.
Borið undir atkvæði sveitarstjórnar og samþykkt samhljóða.
23. Umhverfis-, orku- og loftslagsráðuneytið, samráð v.máls nr. 113/2025
Umhverfis- og skipulagsnefnd leggst gegnn því að vindorkuver í Garpsdal verði fært í nýtingarflokk þar sem ekki liggur fyrir löggjöf um vindorkuver. Ekki er heldur gert ráð fyrir vindorkuverum í Vinnslutillögum um Svæðisskipulag fyrir Vestfirði.
Oddviti leggur til að afgreiða erindið á þann hátt að ekki sé hægt að taka formlega afstöðu til erindisins fyrr en löggjöf um vindorkuver liggi fyrir.
Borið undir atkvæði sveitarstjórnar og samþykkt samhljóða.
24. Hraðfrystihúsið-Gunnvör, umsókn um framkvæmdaleyfi á Nauteyri
Umhverfis- og skipulagsnefnd leggur til frestun á afgreiðslu umsóknarinnar skv. fundargerð nefndarinnar.
Samþykkt samhljóða.
25. Finna hótel, umsókn um byggingarleyfi að Borgabraut 4
Umhverfis- og skipulagsnefnd leggur til að umsókn sé hafnað og gefa umsækjanda kost á að skila inn gögnum skv. fundargerð nefndarinnar.
Samþykkt samhljóða.
Þorgeir Pálsson víkur af fundi og Grettir Örn Ásmundsson tekur við stjórnn fundarins.
26. Þorgeir Pálsson, umsókn um stöðuleyfi að Stóru-Grund
Umhverfis- og skipulagsnefnd leggur til að umsókn verði samþykkt.
Samþykkt samhljóða.
27. Þorgeir Pálsson, 2 erindi vegna Stóru-Grundar
Umhverfis- og skipulagsnefnd leggur til vegna liðar a) að afgreiðslu verði frestað þar til lóðamörk liggja fyrir. Varðandi lið b) að lóðarhafi geti kallað til matsaðila að eigin vali og beri þann kostnað sjálfur.
Samþykkt samhljóða.
Þorgeir Pálsson kemur aftur til fundarins og tekur við stjórn.
28. Við Fimm ehf. leyfi til að byggja smáhýsi á lóð Brekkugötu 4
Umhverfis- og skipulagsnefnd beinir því til umsækjanda að sækja um byggingarleyfi á grundvelli aðalskipulags og skila inn fullnægjandi gögnum sbr. Byggingarreglugerð.
Lagt fram til kynningar.
29. Reynir Snædal, umsókn um flutning á stöðuhýsi til Hallsstaða
Umhverfis- og skipulagsnefnd leggur til við sveitarstjórn að samþykkja flutning á húsinu gegn því að gögnum sé skilað til byggingarfulltrúa sbr. fundargerð nefndarinnar. Byggingarfulltrúi hefur þegar heimilað flutninginn.
Lagt fram til kynningar.
30. Magnús Steingrímsson, umsókn um byggingarleyfi á Stað í Steingrímsfirði
Umhverfis- og skipulagsnefnd leggur til við sveitarstjórn að samþykkja erindið og felur byggingarfulltrúa að afgreiða málið.
Samþykkt samhljóða.
31. Fjórðungsþing nr. 70 haldið 16. september 2025, þingskjöl til afgreiðslu
Oddviti minnti á Fjórðungsþing sem væri í næstu viku, 16.-17. september og bað þá sem þangað fara, að kynna sér vel þingskjölin. Erindið og umrædd gögn annars lögð fram til kynningar.
32. Samtök sveitarfélaga á köldum svæðum, fundargerð nr. 83 frá 20. júní 2025
Fundargerðin lögð fram til kynningar.
Matthías Sævar Lýðsson óskar eftir að leggja fram tillögu:
Sveitarstjórn Strandabyggðar samþykkir að fela sveitarstjóra að óska eftir svörum frá Orkubúi Vestfjarða hvenær standi til að halda áfram jarðhitaborunum á Gálmaströnd.
Tillagan er borin upp undir atkvæði og samþykkt samhljóða.
33. Hafnasamband Íslandsm fundargerð nr. 474 frá 22. ágúst 2025
Fundargerð lögð fram til kynningar.
Enginn tók til máls.
34. Samband íslenskra sveitarfélaga, fundargerð 983 frá 29. ágúst 2025
Fundargerð lögð fram til kynningar.
Enginn tók til máls.
35. Ársskýrsla Náttúrufræðistofnunar
Ársskýrslan lögð fram til kynningar.
Engin tók til máls.
Fleira ekki fyrirtekið, fundargerð lesin upp og fundi slitið kl. 19:42.
Hljóðupptöku fundar má finna hér.
Við mælum með að hlaða upptökunni niður og hlusta.
Fundur nr. 1380 í sveitarstjórn Strandabyggðar var haldinn miðvikudaginn 10. september 2025 kl. 16:00 í Hnyðju, Höfðagötu 3, 510 Hólmavík. Eftirtaldir sveitarstjórnarfulltrúar sátu fundinn: Þorgeir Pálsson, Grettir Örn Ásmundsson, Matthías Sævar Lýðsson, Hlíf Hrólfsdóttir og Þórdís Karlsdóttir varamaður. Salbjörg Engilbertsdóttir ritaði fundargerð. Fundurinn var jafnframt tekinn upp í hljóðskrá.
Fundardagskrá er svohljóðandi:
- Viðauki III við fjárhagsáætlun 2025
- Fjárhagsáætlun 2026-2029 forsendur og skipulag áætlunarvinnu
- Álit siðanefndar Sambands íslenskra sveitarfélaga um meint brot á siðareglum Strandabyggðar 30. ágúst 2025
- Samþykkt um búfjárhald, seinni umræða
- Erindi frá bændum vegna niðurfellingu á fjallskilum
- Staðfesting á svari sveitarstjórnar til Skipulagsstofnunar, varðandi ósnert víðerni
- Fjórðungsþing 16. september 2025, tillögur að ályktunum Strandabyggðar
- Náttúrustofa Vestfjarða á Hólmavík
- Sýning/vitundarvakning í Hnyðju vegna ástandsins á Gasa
- Vinnuskýrsla sveitarstjóra
- Félag fósturforeldra, styrkbeiðni frá 26. ágúst 2025
- Stígamót, styrkbeiðni og ársskýrsla frá 1. september 2025
- HS orka, upplýsingar um birtingu matsskýrslu
- Hornsteinar ársreikningur 2024 ásamt fundargerð aðalfundar og stjórnarfundar 29. ágúst 2025
- Sorpsamlag Strandasýslu, fundargerð aðalfundar 29. ágúst 2025 ásamt ársreikningi 2024
- Velferðarnefnd fundargerð frá 2. september 2025
- Umhverfis- og skipulagsnefnd fundargerð frá 3. september 2025
- Vinnslutillaga um svæðisskipulag á Vestfjörðum
- Matsáætlun vegna Hvalárlínu Landsnets
- Tillaga að verndarsvæði í byggð
- Orkubú Vestfjarða erindi varðandi deiliskipulag á Skeiði
- Orkuvinnslan, umsókn um stofnun lóðar í Hafnardal
- Umhverfis-, orku- og loftslagsráðuneytið, samráð v. máls nr. 113/2025
- Hraðfrystihýsið-Gunnvör, umsókn um framkvæmdaleyfi á Nauteyri
- Finna hótel, umsókn um byggingarleyfi að Borgabraut 4
- Þorgeir Pálsson, umsókn um stöðuleyfi að Stóru-Grund
- Þorgeir Pálsson, 2 erindi vegna Stóru-Grundar
- Við fimm ehf. leyfi til að byggja smáhýsi á lóð Brekkugötu 4
- Reynir Snædal, umsókn um flutning á stöðuhýsi til Hallsstaða
- Magnús Steingrímsson, umsókn um byggingarleyfi á Stað í Steingrímsfirði
- Fjórðungsþing nr. 70 haldið 16. september 2025, þingskjöl til afgreiðslu
- Samtök sveitarfélaga á köldum svæðum, fundargerð nr. 83 frá 20. júní 2025
- Hafnasamband Íslands, fundargerð nr. 474 frá 22. ágúst 2025
- Samband íslenskra sveitarfélaga, fundargerð 983 frá 29. ágúst 2025
- Ársskýrsla Náttúrufræðistofnunar
Engin athugasemd er gerð við fundarboðið en Matthías Sævar Lýðsson leggur fram eftirfarandi bókun:
"Við breytingu á ritun fundargerða þar sem eingöngu virðist eiga að rita hver tekur til máls en ekki skoðun fundarmanna er aðstöðumunur oddvita og annarra sveitarstjórnarmanna mikill. Oddviti skrifar handrit að fundargerð og þar kemur iðulega fram hans skoðun á málum. Aðrir sveitarstjórnarmenn verða að koma fram með sérstaka bókun til að þeirra skoðun á málefni komi fram. Þetta misræmi er ólíðandi og verður að leiðrétta.
Í síðustu fundargerðum er textinn: "Oddviti kallar eftir samþykki sveitarstjórnarmanna" Þessi texti og aðgerð er sniðganga á hefðbundnum fundarsköpum. Oddviti getur kallað eftir að gengið verði til atkvæða og leitar þá eftir hverjir samþykkja tillögu og hverjir eru á móti."
Þorgeir Pálsson tók til máls og nefndi nýlega heimsókn stjórnar Sambands sveitarfélaga sem benti t.d. á fundargerðaformat sem finna má undir sveitarfélagaskólanum á heimasíðu Sambandsins. Við viljum alltaf gera betur og skoðum á næstunni hvaða leiðir eru góðar og að við sem kjörnir fulltrúar sjáum til þess að fundargerðin sé sem best úr garði gerð.
Enginn annar tók til máls
Þá var gengið til dagskrár:
1. Viðauki III við fjárhagsáætlun 2025
Oddviti rakti tilurð viðaukans og nefndi sérstaklega kostnað vegna leikskólalóðar, en einnig tillögur að frestun framkvæmda. Síðan gaf oddviti skrifstofustjóra orðið sem fór nánar yfir innihald viðaukans.
Framkvæmdir:
Framkvæmdir við Leikskólann Lækjarbrekku bera hærri kostnað en upphaflega var gert ráð fyrir t.d. vegna niðurrifs á húsgrunni gamla samkomuhússins sem ekki var fjarlægður á sínum tíma og var undir leiksvæðinu. Nauðsynlegt þótti að fjarlægja grunninn til að vatn hætti að safnast fyrir í lóðinni. Ekki var gert ráð fyrir lýsingu í upphaflegri kostnaðaráætlun en bætt hefur verið úr.
Upphafleg fjárhagsáætlun gerði ráð fyrir 24.700.000 en í viðauka II var áætlun hækkuð um 1.735.825 og því kr. 26.436.825 á áætlun. Hækkun á kostnaði stendur nú í 57.727.000 og má áætla að heildarkostnaður muni fara í kr. 66.500.000. Lagt er því til að hækka áætlun vegna framkvæmda á leikskólalóð um kr. 40.064.000.
Lagt er til að lækka framkvæmdaáætlun á móti á eftirtöldum deildum:
- Íþróttamiðstöð 686.000, lækkun framkvæmda
- Félagsheimili 3.400.000, ljós og sviðstjöld
- Sorpmál 10.000.000, botnlangastöðvar
- Brák 1.922.000, stofnhluti lægri kostnaður en raun
- Brandskjól, hótelreitur og uppbygging lóða 10.625.000
- Höfn 3.278.000, lækkun framkvæmda
- Vatnsveita 10.153.000, lækkun framkvæmda
Skólabíll og skólaakstur:
Vegna breytinga í skólaakstri hefur sveitarstjórn keypt skólabifreiðina JJK86 á 6.000.000 og er samþykki sveitarstjórnar staðfest í þessum viðauka.
Lagt er til að tilfærslur vegna kaupanna verði á þennan hátt: Í áætlun 2025 var gert ráð fyrir samningi við verktaka kr. 16.000.000 og eldsneytiskaupum kr. 200.000. Samningur verktaka lækkar í 5.700.000 og gera má ráð fyrir rekstrarkostnaði m.a. eldsneyti og þjónustukaupum allt að kr. 1.500.000. Eignasjóður kaupir bílinn og færast 6.000.000 á deild 3176 og 3.000.000 færast sem hækkun launaliða hjá grunnskóla.
Matthías tók til máls og leggur fram eftirfarandi bókun A-lista:
"Sveitarstjórnarmenn A-lista telja að ekki sé við verktaka að sakast þó kostnaður hafi farið langt fram úr áætlun, heldur hafi undirbúningur hjá Strandabyggð ekki verið nægilega góður. Sá viðauki sem hér er lagður fram, er enn eitt dæmi um erfiða fjárhagsstöðu Strandabyggðar. Viðaukinn felur í sér stefnumörkun sem ætti að vera að öllu leiti á ábyrgð oddvita Strandabyggðar, en ekki skrifstofustjóra.
Enn einu sinni er verið að gera viðauka eftirá þrátt fyrir að slíkt sé óheimilt og ítrekað hefur verið gerð athugasemd við þannig gjörning í Stjórnsýsluskoðun. Þetta var gert þrátt fyrir að minnihlutinn hafi bent á það þetta væri óheimilt. Sveitarstjórnarmenn A-lista telja að nægur tími hafi verið til að taka ákvörðun um fyrirkomulag skólaaksturs, því legið hefur fyrir síðan í vor ap breytingar yrðu. Lagt er til í viðaukanum að lækka framkvæmdaráætlun um 40.064.000,- Lækkun kostnaðar vegna skólaakstur virðist vera 1.200.000,- Kostnaður vegna kaupa á skólabíl 6.000.000,- Hækkun á framkvæmdarkostnaði vegna leikskólalóðar virðist vera um 25.600.000,- Þarna munar 9.700.000,- Í hvað sú lækkun á framkvæmdaráætlun að fara?"
Oddviti tók til máls
Matthías tók til máls
Oddviti lagði til að viðaukinn yrði samþykktur. Samþykkt með fjórum atkvæðum, Matthías Sævar Lýðsson situr hjá.
2. Fjárhagsáætlun 2026-2029 forsendur og skipulag áætlunarvinnu
Oddviti ræddi forsendur og fyrirkomulag fjárhagsáætlunargerðar og lagðar til að hann og skrifstofustjóri myndu leggja til dagsetningar fyrir fundi og heimsóknir í stofnanir sveitarfélagsins.
Orðið gefið laust.
Matthías Sævar Lýðsson óskar eftir að leggja fram efitrfarandi bókun A-lista:
"Það verður ekki undan því vikist við gerð fjárhagsáætlunar fyrir næsta ár að ræða alvarlega fjárhagsstöðu Strandabyggðar og framtíðargetu þess til að standa undir lögbundnum verkefnum og sinna viðhaldi og uppbyggingu í sveitarfélaginu. Það er athyglisvert að í tímalínu sem fylgir með þessum lið er vísað til þess að skrifstofustjóri leggi fram gögn en ekki minnst á að sveitarstjóri leggi neitt fram."
Oddviti tók til máls og útskýrði verkefni síðustu ára sem voru óviðráðanleg vegna innviðaskuldar sem safnast hafi upp. Oddviti tók sömuleiðis fram að innviðir þurfi að vera í lagi til að bjóða upp á tækifæri í atvinnu og húsnæði sem verða tekjuskapandi fyrir sveitarfélagið.
Matthías Sævar Lýðsson tók til máls og benti á að bókunin snúi ekki að því að við höfum ekki reynt okkar besta en að við þurfum að vanda til verka.
Tillaga um fyrirkomulag fjárhagsáætlunargerðar er lögð fram til samþykkis sveitarstjórnar sem samþykkir samhljóða.
3. Álit siðanefndar Sambands íslenskra sveitarfélaga um meint brot á siðareglum Strandabyggðar 30. ágúst 2025
Oddviti rakti tilurð máls. Þorgeir Pálsson lagði fram bókun:
"Ég birti þessa bókun í mínu nafni og eiginkomu minnar, Hrafnhildar Skúladóttur, af augljósum ástæðum. Okkur þykir mjög miður að deilur og skoðanaskipti einstaklinga í sveitarfélaginu séu enn og aftur komin á borð sveitarstjórnar Strandabyggðar. Skoðanaskipti og deilur einstaklinga eiga ekki erindi inn á borð sveitarstjórnar. Á það hefur ítrekað verið bent. Eðlilegast hefði verið að útkjlá ágreining milli einstaklinga beint og var sannarlega boðið upp á það, en ekki var almennur vilji fyrir því. Við, eins og án efa fjölmargir í okkar góða samfélagi, hefðum kosið að þessum kafla í okkar samfélagssögu væri lokið. Vonandi lýkur honum hins vegar núna. Það er amk. okkar ósk og von. Við öll, verðum að bera virðingu fyrir starfsvettvangi sveitarstjórnar og þeim verkefnum sem sveitarstjórn ber að sinna samkvæmt lögum. Við þurfum að bera virðingu fyrir lýðræðinu og tjáningarfrelsinu. Og við þurfum að bera meiri virðingu fyrir hvert öðru. Álit Siðanefndar Sambandsins er skýrt hvað þetta varðar. Það er ljóst að orðræðan hefur sært og skaðað á báða bóga og verið engum til góðs. Okkur þykir það leið niðurstaða og hörmum hana. Hver og einn þarf að axla ábyrgð, eða eins og segir í lokaorðum álits Siðanefndar Sambandsins, tilvitnun hefst: Þegar deilur og ágreiningur eru uppi reynist okkur gjarnan erfitt að líta í eigin barm og taka ekki gagnrýni persónulega. Ekkert regluverk eða umgjörð getur þó tekið þá ábyrgð frá okkur."
Þorgeir Pálsson víkur af fundi og felur varaoddvita stjórn fundarins.
Grettir Örn Ásmundsson tekur við fundarstjórn og gefur orðið laust.
Matthías Sævar Lýðsson óskar eftir að leggja fram eftirfarandi bókun A-lista:
"Sveitarstjórnarmenn A-lista teljast að í áliti siðanefndar sniðgangi nefndin sín helstu verkefni sem eru samkvæmt skipunarbréfi hennar:
- "Að veita ráð um efni og framsetningu siðareglna og endurskoðun þeirra
- Að gefa út almennar leiðbeiningar til sveitarfélaga um túlkun siðareglna eftir því sem tilefni eru til.
- Að fjalla almennt um skýringar á ákvæðum siðareglna með það fyrir augum að málum verði beint í réttan farveg. Nefndin hefur ekki úrskurðarvald um hvort siðaregla hafi verið brotin í ákveðnu tilviki heldur beinist umfjöllun hennar að því hvernig hægt sé að færa mál til betra horfs í framtíðinni."
Enginn annar tók til máls.
Erindið annars lagt fram til kynningar.
Þorgeir Pálsson kemur aftur til fundarins og tekið við stjórn hans.
4. Samþykkt um búfjárhald, seinni umræða
Oddviti lagði til að afgreiðslu yrði frestað þar til eftir fund sveitarfélagsins með bændum síðar á árinu. Orðið gefið laust.
Hlíf tók til máls og spurði hvort athugasemdir hefðu borist, oddviti taldi svo ekki vera.
Tillaga oddvita borin undir fundinn og samþykkt samhljóða.
Þórdís Karlsdóttir vék af fundi.
5. Erindi frá bændum vegna niðurfellingar á fjallskilum
Oddviti rakti tilurð máls og vísaði þar í bókun ADH nefndar frá 20. júní s.l. og staðfestingu sveitarstjórnar frá fundi 1379 frá 12. ágúst s.l. Í bókun ADH nefndar er lagt til við sveitarstjórn að beiðnin verði samþykkt en að óskað verði eftir upplýsinga um hvernig til hafi tekist í haust. Í staðfestingu sveitarstjórnar er fallist á tillögu nefndarinnar en kallað eftir staðfestingu á staðsetningu girðinganna. Við eftirfylgni þeirrar beiðni sveitarstjórnar, breyttist fjöldi kinda í 200 og fjallskilum viðkomandi bænda því breytt og þeim gert að leggja til átta (8) manns að auki.
Ábendingar þeirra bænda sem sendu inn þetta erindi, eru réttmætar að mati oddvita og er þar komið inn á ýmis vafamál, sem oddviti telur rétt að leita svara við hjá Bændasamtökum Íslands og öðrum aðilum, gerist þess þörf.
Orðið gefið laust.
Matthías Sævar Lýðsson tók til máls og segir þetta bréf lítið gleðiefni. Ástæða bréfsins er fækkun bænda og bújarða og líklega blandast einhverjar deilur þar inn í. Hann hefur kynnt sér reglur og samþykktir sem tengjast málinu og hann telur að best sé að leita lausna með samtali. Hann óskar jafnframt eftir að leggja fram bókun A-lista:
"Sveitarstjórn hafi farið eftir lögum og samþykktum um afréttarmál, fjallskil og fleira. Samþykkt hennar þann 12. ágúst var rökstudd með vísun í þau lög og fjallskilasamþykkt Strandasýslu. Sveitarstjórnarmenn A-lista vilja koma með þá vinsamlegu ábendingu til bréfritara að til lengri tíma litið, er farsælla til að leita lausna á ágreiningi með því að fólk tali saman."
Oddviti tók til máls og tekur undir með A-lista. Oddviti leggur til að sveitarstjórn feli oddvita og formanni ADH nefndar að leita ráða hjá Bændasamtökunum og öðrum tilheyrandi aðilum og svara síðan bréfriturum.
Grettir Örn Ásmundsson tók til máls.
Sveitarstjórn samþykkir með fjórum atkvæðum.
Þórdís Karlsdóttir kom aftur inn á fundinn.
6. Staðfesting á svari sveitarstjórnar til Skipulagssstofnunar, varðandi ósnert víðerni
Oddviti rakti tilurð máls og kallaði eftir staðfestingu sveitarstjórnar á textanum, sem var sendur til Skipulagsstofnunar sem svar við athugasemdum stofnunarinnar við endurgerð aðalskipulags Strandabyggðar. Sveitarfélaginu er gert að móta skýra stefnu í gerð aðalskipulags á meðan að enginn lagarammi er til.
"Vestfirðir eru einstakt svæði til að njóta hreinnar náttúru og kyrrðar. Svæðið er fjölbreytt og framúrskarandi til búsetu, atvinnu og heimsókna. Þar er öflugt, vaxandi alþjóðlegt þekkingarsamfélag sem einkennist af kraftmikilli sköpun, sterkri sjálfsmynd og umhverfisvitund. Fjórðungurinn einkennist af samheldnum samfélögum með góðri þjónustu, fjölbreyttu atvinnulífi og blómstrandi menningu sem byggir á virðingu fyrir fólki, umhverfi og auðlindum.
Jafnvægi milli nýtingar og vernar, vöxtur atvinnugreina eins og ferðaþjónustu, iðnaðar og lagareldis þarf að fara fram á sjálfbæran hátt svo að náttúrufegurð, kyrrð og líffræðileg fjölbreytni haldist óskert eins og kostur er.
Náttúran er helsta aðdráttarafl Vestfjarða, grundvöllur atvinnulífs og uppspretta auðlinda. Henni er ógnað af loftlagsbreytingum og athöfnum mannsins. Því þarf að draga úr losun gróðurhúslofttegunda, auka bindingu kolefnis og aðlaga samfélögin. Það verður gert með því að finna jafnvægi milli verndar og nýtingar, orkuöflunar og friðunar með virðingu fyrir náttúru og samfélagi að leiðarljósi.
Strandabyggð leggur þó áherslu á að verndun og friðun komi ekki í veg fyrir framþróun innviða, enda sé ávallt gætt ítrustu varkárni við ósnert víðerni og náttúru og skal ávallt leitað leiða til að haga framkvæmdum með þeim hætti að raski sé haldið í lágmarki, náttúrunni í hag. Við framkvæmdir verði leitast við í hvívetna að nálgast orkuöflun með virðingu fyrir náttúru og tryggja að virkjanir og tengingar þeirra skerði sem minnst víðerni og mikilvægar landslagsheildir.
Strandabyggð býr yfir ómetanlegri auðlind í formi stórbrotins landslags sem hefur víðtæk áhrif á sjálfsmynd íbúa, lífsgæði og möguleika til útivistar. Landslagsvernd og skipulögð nýting eru lykilþættir í að tryggja sjálfbæra þróun svæðisins, þar sem náttúrufegurð, víðerni, víðsýni og aðgengi að náttúru mynda heildstæða upplifun fyrir íbúa og gesti."
Oddviti tók til máls.
Matthías Sævar Lýðsson tók til máls.
Hlíf Hrólfsdóttir tók til máls.
Grettir Örn Ásmundsson tók til máls.
Samþykkt samhljóða og texti ályktunar samþykktur.
7. Fjórðungsþing 16. september 2025, tillögur að ályktunum Strandabyggðar
Oddviti rakti tilurð máls og lagði til að sveitarstjórn myndi sameinast um tillögur að ályktunum auk þeirra sem tilgreindar eru í fundargögnum, í samskiptum sín í milli, næstu daga, en fela sveitarstjóra að senda inn endanlegan lista yfir tillögur Strandabyggðar fyrir vikulokin.
Orðið gefið laust.
Enginn tók til máls.
Sveitarstjórn samþykkir afgreiðsluna samhljóða.
8. Náttúrustofa Vestfjarða á Hólmavík
Oddviti gaf Matthíasi Sævari Lýðssyni, málshefjanda, orðið.
Matthías Sævar Lýðsson leggur fram eftirfarandi tillögu:
Til ársins 2021 var Náttúrustofan með tvö stöðugildi á Hólmavík. Frá þeim tíma hefur ekki verið fastur starfsmaður hjá Náttúrustofunni á Hólmavík, þrátt fyrir orð þar um. Sveitarstjórn Strandabyggðar óskar því eftir skýrum svörum frá stjórn og forstöðumanni Náttúrustofunnar hvort til standi að starfsstöð og stöðugildi verði í Strandabyggð. Sveitarfélagið Strandabyggð er þátttakandi í Náttúrustofu Vestfjarða og kemur til með að meta þátttöku sína í ljósi þeirra svara sem berast.
Oddviti tók undir með Matthíasi Sævari Lýðssyni.
Sveitarstjórn samþykkir samhljóða og felur oddvita að koma tillögunni á framfæri við stjórn Náttúrustofu Vestfjarða.
9. Sýning/vitundarvakning í Hnyðju vegna ástandsins á Gasa
Oddviti rakti tilurð máls og lagði til að tillaga hans um að samstarf sveitarfélagsins og leigjenda í Hnyðju um vitundarvakningu hvað varðar ástandið á Gasa stæði frá 18.8 til 18.9 n.k. Eftir það yrðu hlutaðeigandi að taka allt niður út glugga Hnyðju. Oddviti vísar í minnisblað meðal fundargagna.
Orðið gefið laust.
Hlíf Hrólfsdóttir tók til máls.
Matthías Sævar Lýðsson tók til máls og sagði að um væri að ræða opinbert húsnæði og að setja þurfi ramma um umgengni, hvort kvaðir ættu að vera á því hvað sé sjáanlegt í gluggum t.d. Jafnframt tekur hann fram að ekki sé hægt að tala um ástand og hann sé bæði ánægður með þann hug sem sýndur og jafnframt hryggur yfir ástæðum þess að fólk sýni tilfinningar sínar í gluggum í eigu sveitarfélagsins.
Oddviti tók til máls og sagði að málið snérist um að þetta væri opinber bygging og hvort nýta mætti bygginguna í þessum tilgangi. Það er mikilvægt að borin sé virðing fyrir eignum sveitarfélagsins og að beðið sé leyfis áður en hengdar eru upp auglýsingar eða annað. Oddviti tekur undir með Matthíasi að gott sé að fólk segi sína skoðun og sýni hluttekningu.
Tillaga oddvita er samþykkt samhljóða og sveitarstjóra falið að tilkynna hlutaðeigandi um niðurstöðuna.
10. Vinnuskýrsla sveitarstjóra
Orðið gefið laust.
Matthías Sævar Lýðsson óskar eftir að bera fram eftirfarandi spurningar:
a. Var tekið tillit til allra athugasemda við endanlega gerð fjallskilaseðils? Var hlutaðeigandi svarað um það sem ekki var tekið tillit til?
b. Hvaða svör bárust vegna slæms farsímasambands í Strandabyggð?
c. Hvað er að frétta af Sameiningamálum?
d. Hvað er að frétta af Framtíðarsýn Strandabyggðar ætlar oddviti að semja hana einn?
e. Heimsókn HVB verkfræðistofu vegna Brandskjóla.
i. Hvernig var staðið að vali á þessarrar verkfræðistofu?
ii. Hvaða verkfræðistofur fengu verðfyrirspurn?
iii. Hvað var tilboðið hjá þeim hátt? Hvað er búið að greiða fyrir þessa vinnu?
iv. Hvað á verkfræðistofan að gera þ.e.a.s. var gerður samningur? Á að leggja hann fyrir sveitarstjórn í samræmi við samþykkirnar? Hvenær á þá að gera það?
v. Var farið með þá á Vitabrautina til að kynna þeim aðstæður þar?
f. Getum við í sveitarstjórn fengið minnisblað um símafundinn vegna skoðunar á Byggðasögu Stranda?
g. Hvenær getum við átt von á að ný heimasíða komist í gagnið? Hver er áfallinn kostnaður við heimasíðuna núna? Er til samningur um þá vinnu? Var hann lagður fyrir sveitarstjórn? Í fundargerðum sveitarstjórnar var síðast spurt og fjallað um heimasíðuna í des 2023.
h. Við lauslega yfirferð á fundargerðum sveitarstjórnar Strandabyggðar kemur í ljós að á fleiri en einum stað hefur láðst að setja tengil við framlögð gögn.
i. Hvað er að frétta af framgangi mála sem kynnt voru í tillögum Strandanefndarinnar og á hvaða hátt hefur sveitarstjóri beitt sér í því máli,
j. Hvað er að frétta af Umferðarsamþykkt f. Strandabyggð sem samþykkt var 13. september að fela þér að gera?
k. Hvernig gengur að panta gangbrautarskilti?
Oddviti leggur til að sveitarstjóri svari spurningum formlega og birti svör sem fundargagn með þessum lið þegar fundargerð verður gerð opinber. Sveitarstjórn samþykkir samhljóða.
11. Félag fósturforeldra, styrkbeiðni frá 26. ágúst 2025
Oddviti lagði til að umbeðin styrkveiting félags fósturforeldra upp á kr. 25.000 verði samþykkt. Orðið gefið laust.
Hlíf Hrólfsdóttir tók til máls og nefndi að sveitarfélagið hafi ekki verið að styrkja félagasamtök undanfarið.
Oddviti útskýrði að viðkomandi félag hafi ekki fengið styrk áður og jafnframt væri þetta lág upphæð.
Borið undir atkvæði og samþykkt með þremur atkvæðum en fulltrúar A-lista sitja hjá.
12. Stígamót, styrkbeiðni og ársskýrsla frá 1. september 2025
Orðið gefið laust.
Matthías Sævar Lýðsson tók til máls og lagði til styrk til Stígamóta um 30.000 kr.
Tillaga samþykkt samhljóða.
13. HS orka, upplýsingar um birtingu matsskýrslu
Lagt fram til kynningar, en rétt að benda á tilgreindan umsagnarfrest til 17. október n.k. Skýrslan er aðgengileg á heimasíðu VesturVerks og hjá HSA samtökunum.
Matthías Sævar Lýðsson tók til máls.
Erindið annars lagt fram til kynningar.
14. Hornsteinar ársreikningur 2024 ásamt fundargerð aðalfundar og stjórnarfundar 29. ágúst 2025
Oddviti rakti tilurð máls, en gaf síðan Gretti Erni Ásmundssyni orðið.
Grettir Örn Ásmundsson tók til máls og fór yfir fundargerðina. Þar sem Strandabyggð hafði áður ákveðið að selja sinn hlut í félaginu var kosin ný stjórn Hornsteina. Eigið fé í árslok nam 25.000.000.
Oddviti tók til máls og sagði að Strandabyggð hafi ákveðið að auglýsa sinn hlut sem er 44.16% og hægt er að nálgast gögn á skrifstofu Strandabyggðar.
Enginn annar tók til máls.
Fundargerð og ársreikningur lögð fram til kynningar.
15. Sorpsamlag Strandasýslu, fundargerð aðalfundar 29. ágúst 2025 ásamt ársreikningi 2024
Oddviti, sem formaður stjórnar Sorpsamlagsins, rakti efni fundarins og umræðuna á honum.
Matthías Sævar Lýðsson tók til máls.
Að öðru leiti er ársreikningur og fundargerð lögð fram til kynningar.
16. Velferðarnefnd fundargerð frá 2. september 2025
Oddviti gaf formanni Velferðarnefndar orðið. Matthías Sævar Lýðsson tók til máls og útskýrði efni fundarins.
Að öðru leiti er fundargerðin lögð fram til kynningar.
17. Umhverfis- og skipulagsnefnd fundargerð frá 3. september 2025
Oddviti gaf formanni Umhverfis- og skipulagsnefndar, Matthíasi Sævari Lýðssyni, orðið. Formaður rakti efni fundarins.
Að öðru leiti er fundargerðin lögð fram til kynningar.
18. Vinnslutillaga um svæðisskipulag á Vestfjörðum
Um er að ræða fyrstu tillögu að svæðisskipulagi fyrir Vestfirði í heild. Umhverfis- og skipulagsnefnd leggur til við sveitarstjórn að samþykkja þá megindrætti sem lagðir eru fram í vinnslutillögunni.
Oddviti tók til máls.
Borið undir atkvæði sveitarstjórnar og samþykkt samhljóða.
19. Matsáætlun vegna Hvalárlínu Landsnets
Sveitarstjórn Strandabyggðar leggur til að afgreiðslu Umhverfis- og skipulagsnefndar verði frestað og að óskað verði eftir fundi með Landsneti og nærliggjandi sveitarfélögum til að ræða legu og matsáætlun Miðdals- og Hvalárlínu og jafnframt að afstaða Strandabyggðar varðandi aðalskipulagstillögu verði kynnt hlutaðeigandi,
Borið undir atkvæði sveitarstjórnar og samþykkt samhljóða.
20. Tillaga að verndarsvæði í byggð
Umhverfis- og skipulagsnefnd leggur til við sveitarstjórn að samþykkja og hefja innleiðingu verkefnisins.
Borið undir atkvæði sveitarstjórnar og samþykkt samhljóða.
21. Orkubú Vestfjarða erindi varðandi deiliskipulag á Skeiði
Umhverfis- og skipulagsnefnd felur byggingarfulltrúa að afgreiða erindið og benda Orkubúinu á að sækja um byggingarleyfi enda almennt ekki gert ráð fyrir deiliskipulagi fyrir stakar lóðir í þéttbýli.
Lagt fram til kynningar og byggingarfulltrúa falið að afgreiða erindið.
22. Orkuvinnslan, umsókn um stofnun lóðar í Hafnardal
Umhverfis- og skipulagsnefnd leggur til við sveitarstjórn að samþykkja umsóknina og fela byggingarfulltrúa stofnun lóðarinnar.
Borið undir atkvæði sveitarstjórnar og samþykkt samhljóða.
23. Umhverfis-, orku- og loftslagsráðuneytið, samráð v.máls nr. 113/2025
Umhverfis- og skipulagsnefnd leggst gegnn því að vindorkuver í Garpsdal verði fært í nýtingarflokk þar sem ekki liggur fyrir löggjöf um vindorkuver. Ekki er heldur gert ráð fyrir vindorkuverum í Vinnslutillögum um Svæðisskipulag fyrir Vestfirði.
Oddviti leggur til að afgreiða erindið á þann hátt að ekki sé hægt að taka formlega afstöðu til erindisins fyrr en löggjöf um vindorkuver liggi fyrir.
Borið undir atkvæði sveitarstjórnar og samþykkt samhljóða.
24. Hraðfrystihúsið-Gunnvör, umsókn um framkvæmdaleyfi á Nauteyri
Umhverfis- og skipulagsnefnd leggur til frestun á afgreiðslu umsóknarinnar skv. fundargerð nefndarinnar.
Samþykkt samhljóða.
25. Finna hótel, umsókn um byggingarleyfi að Borgabraut 4
Umhverfis- og skipulagsnefnd leggur til að umsókn sé hafnað og gefa umsækjanda kost á að skila inn gögnum skv. fundargerð nefndarinnar.
Samþykkt samhljóða.
Þorgeir Pálsson víkur af fundi og Grettir Örn Ásmundsson tekur við stjórnn fundarins.
26. Þorgeir Pálsson, umsókn um stöðuleyfi að Stóru-Grund
Umhverfis- og skipulagsnefnd leggur til að umsókn verði samþykkt.
Samþykkt samhljóða.
27. Þorgeir Pálsson, 2 erindi vegna Stóru-Grundar
Umhverfis- og skipulagsnefnd leggur til vegna liðar a) að afgreiðslu verði frestað þar til lóðamörk liggja fyrir. Varðandi lið b) að lóðarhafi geti kallað til matsaðila að eigin vali og beri þann kostnað sjálfur.
Samþykkt samhljóða.
Þorgeir Pálsson kemur aftur til fundarins og tekur við stjórn.
28. Við Fimm ehf. leyfi til að byggja smáhýsi á lóð Brekkugötu 4
Umhverfis- og skipulagsnefnd beinir því til umsækjanda að sækja um byggingarleyfi á grundvelli aðalskipulags og skila inn fullnægjandi gögnum sbr. Byggingarreglugerð.
Lagt fram til kynningar.
29. Reynir Snædal, umsókn um flutning á stöðuhýsi til Hallsstaða
Umhverfis- og skipulagsnefnd leggur til við sveitarstjórn að samþykkja flutning á húsinu gegn því að gögnum sé skilað til byggingarfulltrúa sbr. fundargerð nefndarinnar. Byggingarfulltrúi hefur þegar heimilað flutninginn.
Lagt fram til kynningar.
30. Magnús Steingrímsson, umsókn um byggingarleyfi á Stað í Steingrímsfirði
Umhverfis- og skipulagsnefnd leggur til við sveitarstjórn að samþykkja erindið og felur byggingarfulltrúa að afgreiða málið.
Samþykkt samhljóða.
31. Fjórðungsþing nr. 70 haldið 16. september 2025, þingskjöl til afgreiðslu
Oddviti minnti á Fjórðungsþing sem væri í næstu viku, 16.-17. september og bað þá sem þangað fara, að kynna sér vel þingskjölin. Erindið og umrædd gögn annars lögð fram til kynningar.
32. Samtök sveitarfélaga á köldum svæðum, fundargerð nr. 83 frá 20. júní 2025
Fundargerðin lögð fram til kynningar.
Matthías Sævar Lýðsson óskar eftir að leggja fram tillögu:
Sveitarstjórn Strandabyggðar samþykkir að fela sveitarstjóra að óska eftir svörum frá Orkubúi Vestfjarða hvenær standi til að halda áfram jarðhitaborunum á Gálmaströnd.
Tillagan er borin upp undir atkvæði og samþykkt samhljóða.
33. Hafnasamband Íslandsm fundargerð nr. 474 frá 22. ágúst 2025
Fundargerð lögð fram til kynningar.
Enginn tók til máls.
34. Samband íslenskra sveitarfélaga, fundargerð 983 frá 29. ágúst 2025
Fundargerð lögð fram til kynningar.
Enginn tók til máls.
35. Ársskýrsla Náttúrufræðistofnunar
Ársskýrslan lögð fram til kynningar.
Engin tók til máls.
Fleira ekki fyrirtekið, fundargerð lesin upp og fundi slitið kl. 19:42.
Hljóðupptöku fundar má finna hér.
Við mælum með að hlaða upptökunni niður og hlusta.