Keppnin um hvaða lag verður einkennislag Hamingjudaga árið 2011 fer fram í Félagsheimilinu á Hólmavík kl. 20:00 í kvöld. Nú liggur ljóst fyrir hverjir eru flytjendur og hvað lögin í lagasamkeppni Hamingjudaga heita. Lögin eru sex talsins, en áhorfendur í sal fá að kjósa á milli laganna. Aðgangseyrir er aðeins kr. 1.000.- fyrir fullorðna og 500 kr. fyrir börn á grunnskólaaldri. Atkvæðaseðill fylgir hverjum keyptum miða. Hér fyrir neðan gefur að líta hverjir flytja lögin í kvöld, hvað þau heita og hver dulnefni höfunda eru:...
Meira

 
  1.    Aðstoðarskólastjóri

 

Umsækjandi um stöðu aðstoðarskólastjóra þarf að hafa kennsluréttindi og kennslureynslu á grunnskólastigi. Þekking, reynsla eða menntun á sviði stjórnunar er æskileg. Áhugi á listgreinum er mikilvægur en áhugi á þróunarstarfi, teymisvinnu og kennsluháttum sem tengjast hugmyndafræði um einstaklingsmiðað nám er skilyrði. Umsókn skal fylgja greinargerð þar sem fram kemur reynsla og menntun umsækjanda, hvaða sýn hann hefur á skólastarf, nýbreytni og hlutverk aðstoðarskólastjóra í skólastarfi.

 

Laun fara eftir kjarasamningi LN og SÍ. Ráðning og upphaf starfs miðast við 1. ágúst 2011.

 

  2.    Tungumálakennari

100% staða tungumálakennara á unglingastigi, kennslugreinar danska og enska.

 

  3.    Tónlistakennari

100% staða tónlistarkennara. Kennslugreinar: píanó á grunnstigi, gítar, bassagítar og slagverk á grunn eða miðstigi auk tónfræðigreina.

 

  4.    Stuðningsfulltrúar

3 stuðningsfulltrúar til að sinna nemendum með sérþarfir og lengdri viðveru nemenda, stöðuhlutfall er frá 75 - 100%.

 

Laun eru samkvæmt kjarasamningum LN og KÍ vegna kennarastaða en samkvæmt kjarasamningum á almennum vinnumarkaði vegna starfa stuðningsfulltrúa.

 

Ráðning til auglýstra starfa miðast við næsta haust og þurfa umsækjendur að hefja störf eigi síðar en 15. ágúst 2011.

 

Umsóknarfrestur um allar stöðurnar er til 1. júní 2011.

 

Umsóknum ásamt ferilskrá og meðmælum skal skilað til:

Grunnskólans á Hómavík Skólabraut 20, 510 Hólmavík

Frekari upplýsingar veita:

Bjarni Ómar Haraldsson, skólastjóri, sími 892-4666 og 451-3129.

Hildur Guðjónsdóttir, aðstoðarskólastjóri, sími 451-3129 og 661-2010.

Netfang: skolastjorar@holmavik.is og vefur skólans er www.strandabyggd.is/grunnskolinn 

Sveitarstjórnarfundur verður haldinn í sveitarstjórn Strandabyggðar þriðjudaginn 24. maí n.k. Fundurinn verður haldinn á skrifstofu sveitarfélagsins að Höfðagötu 3 og hefst hann kl. 18:00.

Dagskrá fundarins má sjá hér.

Tómstunda-, íþrótta- og menningarmálanefnd Strandabyggðar auglýsir hér með eftir tilnefningum til Menningarverðlauna Strandabyggðar, en þau verða veitt á Hamingjudögum í sumar. Þetta er í annað skiptið sem verðlaunin eru veitt, en í fyrra fékk Tón- og grunnskólinn á Hólmavík þau fyrir uppsetningu á Grease. Verðlaunin eru veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári. Tómstunda-, íþrótta- og menningarmálanefnd skipar dómnefnd sem velur úr innsendum tillögum. Tilnefningum má skila á skrifstofu Strandabyggðar eða á netfangið skrifstofa@strandabyggd.is til miðnættis sunnudaginn 19. júní. 

...
Meira

Á morgun, föstudaginn 20. maí, rennur út frestur fyrir íbúa til að senda inn hugmyndir að verkefnum sem mögulegt væri fyrir Áhaldahús og Vinnuskóla Strandabyggðar að vinna að í sumar. Allar hugmyndir eru vel þegnar, fögnum sérstaklega hugmyndum sem kosta lítið en gera mikið! Margt smátt gerir eitt stórt. Einnig rennur út frestur á morgun fyrir þá unglinga sem hyggjast starfa í Vinnuskólanum í sumar.

Hugmyndir má senda á: strandabyggd@strandabyggd.is merkt Hugmyndatorg eða skila inn hugmyndum á skrifstofu Strandabyggðar fyrir 20. maí n.k. Íbúar eru hvatttir til að láta í sér heyra - engin hugmynd er of lítil!