Sveitarstjórn Strandabyggðar samþykkti á sveitarstjórnarfundi 1190 sem haldinn var í gær, þær breytingar á samþykktum sveitarfélagsins að sveitarstjórnarfundir verði haldnir mánaðarlega, annan þriðjudag í mánuði og hefjast fundirnir kl. 16:00. Sveitarstjórn samþykkti einnig breytingar á nefndum sveitarfélagsins en þeim hefur verið fækkað úr 7 í 5. Sveitarstjórnarfulltrúar eru formenn nefndanna fyrir utan Velferðarnefnd, sem er sameiginleg nefnd sveitarfélaga á Ströndum og Reykhólahreppi. Markmið með breytingunum er að efla upplýsingaflæði milli nefnda og sveitarstjórnar, deifa ábyrgð, auka skilvirkni og ná fram sparnaði í rekstri sveitarfélagsins.

...
Meira

Dagana 23.-30. nóvember í Grunnskólanum á Hólmavík verða helgaðir fróðleik og vitundarvakningu nemenda og foreldra um ADHD; athyglisbrest og ofvirkni. Skipulagning hefur staðið yfir í skólanum undanfarna daga, en það eru þær Hildur Guðjónsdóttir og Jóhanna Hreinsdóttir sem annast undirbúninginn í samvinnu við starfsmenn skólans, foreldra og aðra áhugasama. Markmið með verkefninu er að auka fræðslu og skilning samfélagsins á ADHD röskun sem leiðir til betri hegðunar, líðan og viðhorfi allra í samfélaginu. Á vef Grunnskólans kemur m.a. fram að með þessu átaki sé ætlunin að byggja upp jákvætt og uppbyggjandi umhverfi fyrir einstaklinga með ADHD þannig að þeir fari út í framtíðina með góða sjálfsmynd sem er forsenda velgengni.

...
Meira

Þriðjudaginn 6. desember 2011 verður boðið upp á hundahreinsun á Ströndum. Hundahreinsunin fer fram í Áhaldahúsinu á Hólmavík milli kl. 17:00 - 18:30 og eru hundaeigendur hvattir til að mæta á staðinn með hundana sína.

Hundahreinsun á bæjum meðfram þjóðvegi 68
Hjalti Viðarson dýralæknir sér um hreinsunina. Hann mun keyra Strandirnar veg 68 norður til Hólmavíkur og býðst til að stoppa á bæjunum á leiðinni til að hreinsa hunda. Áhugasamir eru beðnir um að hafa samband við hann í síma 866-6528.

Hundahreinsunin er innifalin í hundaleyfisgjaldi í sveitarfélaginu Strandabyggð.

Kolaport verður haldið í Félagsheimilinu á Hólmavík sunnudaginn 20. nóvember milli kl. 12:00 - 16:00. Það eru öflugir nemendur í 8.-9. bekk í Grunn- og Tónskólanum á Hólmavík sem standa fyrir viðburðinum sem er liður í fjáröflun fyrir ferð þeirra til Danmerkur sem verður án efa lærdómsrík, þroskandi og skemmtileg.

Viðar Guðmundsson organisti og kórstjóri í Hólmavíkurkirkju með meiru hefur ýtt af stað söfnun til að kaupa og setja upp varanlegan útsendingarbúnað úr Hólmavíkurkirkju yfir í Heilbrigðisstofnunina á Hólmavík með möguleika á útsendingum í Bragganum. Með þessu gefst eldri íbúum tækifæri til að fylgjast bæði með athöfnum og þeim fjölmörgu viðburðum sem fram fara í Hólmavíkurkirkju á flatskjá í setustofunni á Heilbrigðisstofnuninni. Lionsklúbbur Hólmavíkur er einn af þeim aðilum sem munu leigja borð af Danmerkurförum í Kolaportinu og selja muni til styrktar söfnun Viðars....
Meira

Fundur 1190 í sveitarstjórn Strandabyggðar verður haldinn þriðjudaginn 22. nóvember 2011 á skrifstofu sveitarfélagsins að Höfðagötu 3 og hefst fundurinn kl. 16:00. Dagskrá fundarins má sjá hér.