Stuðmanna söngleikurinn Með allt á hreinu verður frumsýndur í Félagsheimilinu á Hólmavík í kvöld kl. 20:00. Uppsetningin er samstarfsverkefni Grunnskólans á Hólmavík og Leikfélags Hólmavíkur og er í leikstjórn Arnars S. Jónssonar og tónlistarstjórn Borgars Þórarinssonar. Framkvæmdastjóri sýningarinnar er Bjarni Ómar Haraldsson. Það eru á þriðja tug nemenda í 8.-10. bekk sem taka þátt í söngleiknum ásamt félögum í Leikfélagi Hólmavíkur. Sveitarfélagið Strandabyggð óskar sýningarhópnum innilega til hamingju með daginn!

Börn og unglingar á Ströndum eru einstaklega öflug og setja sterkan svip á daglegt líf á svæðinu. Á síðasta sveitarstjórnarfundi samþykkti sveitarstjórn Strandabyggðar eftirfarandi bókun:

...
Meira

Aðalfundur hjá kvenfélaginu Glæðum á Hólmavík verður haldinn í húsi félagsins að Kópnesbraut 7, 510 Hólmavík, mánudaginn 26. mars 2012 og hefst hann kl. 20:00.

Dagskrá:  Venjuleg aðalfundarstörf

Þær konur sem hafa áhuga á félagsstörfum, handavinnu og fleiru endilega mætið og hafið með ykkur góða skapið.
Alltaf heitt á könnunni og eitthvað girnileg meðlæti.

Stjórnin.

Nú standa æfingar og undirbúningur fyrir Stuðmanna söngleikinn Með allt á hreinu sem hæst. Uppsetningin er samstarfsverkefni Grunnskólans á Hólmavík og Leikfélags Hólmavíkur og er í leikstjórn Arnar S. Jónsson leikstjóri og Borgar Þórarinsson er tónlistarstjóri. Það eru á þriðja tug nemenda í 8.-10. bekk sem taka þátt í söngleiknum ásamt félögum í Leikfélaginu. Bjarni Ómar Haraldsson fer með framkvæmdastjórnina og að hans sögn eigum við von á þrusugóðri sýningu sem gleður bæði augu og eyru eldri og yngri áhorfenda. Leiksýningin er byggð á samnefndri kvikmynd Stuðmanna.

 

...
Meira

XXVI landsþing Sambands íslenskra sveitarfélaga var haldið í Reykjavík í dag. Meginviðfangsefni landsþingsins að þessu sinni voru þau mál sem eru efst á baugi á vettvangi sveitarfélaganna og sambandsins. Skoðað var hvaða leiðir hægt er að fara til að efla íbúalýðræði í sveitarfélögum landsins en umræða um aukið lýðræði var mjög til umræðu í sveitarstjórnarkosningunum árið 2010. Þá var fjallað um eflingu sveitarstjórnarstigsins og þeirri spurningu velt upp hvaða þýðingu vaxandi hlutverk landshlutasamtakanna hefur og hvort þriðja stjórnsýslustigið sé með því að verða til. Að lokum var notendastýrð persónuleg aðstoð til umræðu en nefnd á vegum sambandsins hefur kynnt sér hvernig slíkri þjónustu er háttað í öðrum löndum og hvernig unnt er að koma slíkri þjónustu á hér á landi. Ingibjörg Valgeirsdóttir sveitarstjóri var fulltrúi Strandabyggðar á þinginu.

Gísli Gunnlaugsson byggingarfulltrúi Strandabyggðar verður með viðtalstíma á neðstu hæðinni í Þróunarsetrinu fimmtudaginn 12. apríl n.k. milli kl. 10:00-12:00. Fundur umhverfis- og skipulagsnefndar verður síðar þann sama dag. Einnig er hægt að hafa samband við Gísla í síma 892 3952 eða senda honum tölvupóst í netfangið gisli@tvest.is

Næsti fundur sveitarstjórnar Strandabyggðar verður haldinn þriðjudaginn 17. apríl 2012.