A A A

Valmynd

Fréttir

Skólastarf

Dansað í Strandabyggð

| 02. mars 2012
Komdu að dansa!
Komdu að dansa!
Vikan 5.-9. mars verður sannkölluð dansvika hér í Strandabyggð. Grunnskólinn á Hólmavík hefur fengið Jón Pétur Úlfljótsson frá hinum virta Dansskóla Jóns Péturs og Köru til samstarfs eins og í fyrra og munu grunnskólanemar hafa kost á að sækja dansnámskeið í Íþróttamiðstöðinni frá mánudegi til föstudags eins og hér segir: Kl. 13:10-14:00 (7.-10. bekkur), kl. 14:10-15:00 (1.-3. bekkur) og kl. 15:10-16:00 (4.-6. bekkur). Námskeiðin enda með danssýningu á föstudeginum. Verð er 4.200 kr. á nemanda (5 skipti) en 3.700 kr. fyrir systkini.

Dansnámskeið fyrir 16 ára og eldri verður haldið í Bragganum í samstarfi við tómstundafulltrúa Strandabyggðar. Þar verður dansað frá mánudegi til fimmtudags frá kl. 20:00-21:00. Athugið að hægt er að mæta á einstök kvöld eða öll kvöldin og kostar námskeiðið í heild 5.200 kr. eða hvert kvöld 1.300 kr. Námskeið Jóns Péturs sló í gegn í fyrra og því eru allir hvattir til koma og taka þátt í dansinum þar sem allir fá viðfangsefni við hæfi og getu hvers og eins. Nánari upplýsingar veitir Arnar S. Jónsson tómstundafulltrúi í s. 8941-941 og tomstundafulltrui@strandabyggd.is.

M Benz Sprinter 2003 til sölu

| 29. febrúar 2012
Sveitarfélagið Strandabyggð auglýsir til sölu M Benz Sprinter 2003 416. 16 farþegasæti eru í bifreiðinni + 1 + 1 (ökumaður og guide), bifreiðin er með 3 punkta beltum í öllum sætum og ekin 300 þús km. Gott viðhald hjá Öskju, er á tvöföldu að aftan, góð nelgd vetrardekk og sumardekk á felgum, sprautaður um jól 2010. Lítur vel út utan og innan, er í góðu lagi, 2 kastarar að framan, sparneytinn og góður bíll klár í akstur. Bifreiðin er staðsett á Hólmavík og er með hópferðaleyfi 2012. Nánari upplýsingar veitir Snorri Jónsson í síma 865-3014 eða verk@holmavik.is

 

Strandabyggð gerir samning við Umf. Geisla

| 28. febrúar 2012
Samningurinn undirritaður - ljósm. SE
Samningurinn undirritaður - ljósm. SE
« 1 af 2 »
Sveitarfélagið Strandabyggð hefur undanfarin misseri gert styrktarsamninga við félög og samtök í sveitarfélaginu. Á dögunum var skrifað undir samning við Ungmennafélagið Geislann á Hólmavík, en félagið hefur staðið fyrir öflugu íþrótta- og æskulýðsstarfi á starfssvæði sínu í marga áratugi með ræktun lýðs og lands að leiðarljósi. Félagið hefur á sínum snærum öfluga þjálfara og stendur fyrir æfingum í hinum ýmsu íþróttagreinum allt árið. Samningurinn milli Geislans og Strandabyggðar er til þriggja næstu ára og þar er kveðið á um rekstrarframlag til félagsins auk endurgjaldslausra afnota af húsnæði og íþróttavöllum í eigu sveitarfélagsins. Þá mun Umf. Geislinn taka að sér skipulagningu og framkvæmd á hátíðahöldöm á 17. júní út samningstímabilið, en því hlutverki hefur félagið einmitt sinnt undanfarin ár.


Undir samninginn skrifuðu Ingibjörg Valgeirsdóttir sveitarstjóri og Jóhann Áskell Gunnarsson úr stjórn Umf. Geislans. Einnig var Arnar S. Jónsson tómstundafulltrúi viðstaddur, en hann sá um samningsgerðina fyrir hönd sveitarfélagsins.

Strandakrakkar gera það gott í Vasa-göngunni

| 28. febrúar 2012
Frá Strandagöngunni 2011 - ljósm. Ingimundur Pálsson
Frá Strandagöngunni 2011 - ljósm. Ingimundur Pálsson
Ungir skíðamenn úr Strandabyggð gerðu það aldeilis gott í Svíþjóð nú fyrr í vikunni, en þar er staddur dágóður hópur úr Skíðafélagi Strandamanna sem hyggur á margvíslegar Vasa-skíðagöngur í þessari viku. Þau Númi Leó Rósmundsson, Branddís Ösp Ragnarsdóttir og Stefán Snær Ragnarsson kepptu í UngdomsVasa síðasta sunnudag og stóðu sig öll frábærlega. Branddís og Númi kepptu í flokki 13-14 ára, en sá aldurshópur gengur 7 km. Branddís endaði í 24. sæti af 73 keppendum í flokki stúlkna, en Númi lenti í 18. sæti af 82 keppendum í sínum flokki. Stefán Snær keppti í flokki 11-12 ára og lauk keppni í 89. sæti af 170 keppendum.


Þess má geta að krakkarnir af Ströndum voru einu íslensku keppendurnir í UngdomsVasa. Á vefsíðu Skíðafélags Strandamanna kemur fram að þau hafi öll verið mjög ánægð með daginn, veðrið hafi leikið við þau og göngufæri hafi verið afar gott. Sveitarfélagið Strandabyggð sendir krökkunum og öðrum keppendum í Vasagöngunni góða strauma og hamingjuóskir.

Tónlist fyrir alla

| 27. febrúar 2012
Hólmavíkurkirkja. Mynd af vefnum.
Hólmavíkurkirkja. Mynd af vefnum.
Í dag 27. febrúar munu tónlistarmennirnir Páll Eyjólfsson gítarleikari og Laufey Sigurðardóttir fiðluleikari flytja efnisskrá í tengslum við verkefnið Tónlist fyrir alla. Þau leika fyrir nemendur í Grunnkólanum á Hólmavík, Grunnskólanum á Drangsnesi og Finnbogastaðaskóla. Dagskráin fer fram í Hólmavíkurkirkju og hefst klukkan 11:10.

Upphaf skólatónleika á Íslandi - Tónlist fyrir alla má rekja aftur til ársins 1994, þegar íslensku þjóðinni barst peningagjöf frá Norðmönnum í tilefni af lýðveldisafmæli Íslands arið 1994 og skyldu þessir fjármunir notaðir til að efla tónlistar- og menningarstarf í grunnskólum á Íslandi. Allt frá árinu 1995 hefur verði staðið fyrir tónleikum á grunnskólum landsins þar sem boðið er upp á vandaða skólatónleika fyrir börn þar sem skemmtun og menntun haldast í hendur.
...
Meira
Eldri færslur

Könnun

Facebook

Atburðadagatal

Næstu atburðir

Vefumsjón