A A A

Valmynd

Fréttir

Skólastarf

Norska gesti vantar gistingu

| 04. desember 2012
Merki Hole og Strandabyggðar
Merki Hole og Strandabyggðar
Eins og fram hefur komið á vefnum okkar er von á góðum gestum í heimsókn um næstu helgi. Þá koma þrír Norðmenn frá vinabæjarsveitarfélaginu Hole í Noregi færandi hendi með fallegt jólatré sem verður sett upp á Hólmavík. Norðmennirnir verða á ferðinni dagana 9.-11. desember. Hér með er óskað eftir sjálfboðaliðum sem eru til í að taka þátt í móttökunni, t.d. með því að bjóða gistingu, bjóða í mat, skoðunarferðir eða aðra afþreyingu. Fólkið mun gista tvær nætur og vilja helst gista saman á heimili. Áhugasamir mega hafa samband í s. 865-3838, 451-3510 eða í netfangið salbjorg@holmavik.is.

Auglýsing um starf - Leikskólinn Lækjarbrekka

| 29. nóvember 2012
Leikskólinn Lækjarbrekka auglýsir eftir leikskólakennara/leiðbeinanda í 62,5% starf. Um er að ræða vinnutímann 8:00-13:00. Við leikskólann er unnið metnaðarfullt starf þar sem barnið er í brennidepli. Leitað er eftir öflugum starfskrafti sem hefur gaman af börnum, býr yfir góðri samskiptahæfni og hefur ríka þjónustulund. Einnig er skipulagshæfni og jákvæðni mikilvægur kostur....
Meira

Auglýsing vegna úthlutunar byggðakvóta á fiskveiðiárinu 2012/2013

| 27. nóvember 2012
Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 628/2012 um úthlutun byggðakvóta til fiskiskipa á fiskveiðiárinu 2012/2013...
Meira

Starfskynning hjá Tómstundafulltrúa Strandabyggðar

| 22. nóvember 2012
Rýnt í Excel - ljósm. JJ
Rýnt í Excel - ljósm. JJ

Í dag og á morgun er 9. bekkur  í Grunnskólanum á Hólmavík í starfskynningu víðsvegar um Hólmavík. Þrír piltar völdu að fara í starfskynningu til  Tómstundafulltrúa Strandabyggðar í Þróunarsetrinu. Að sögn Salbjargar Engilbertsdóttur er þetta í fyrsta skipti sem einhver hefur farið á skrifstofu Strandabyggðar í starfskynningu. Þetta voru þeir Ísak Leví, Sigfús Snævar og Guðfinnur Ragnar. Meðal þess sem drengirnir gerðu var að kynnast starfi allra á skrifstofunni nema sveitastjórans, af því að hann var ekki við, Ísak fann framtíðarstarfið sitt í gróðurkortagerð og þeir skrifuðu þessa frétt.

Félagsvist í kvöld á Sauðfjársetrinu í Sævangi

| 22. nóvember 2012
Mynd af spilum!
Mynd af spilum!
Félagsvist verður haldin í Sævangi í kvöld, fimmtudaginn 22. nóvember, klukkan 20:00. Þetta er fyrsta kvöldið í þriggja kvölda keppni sem fer fram næstu vikur á vegum Sauðfjárseturs á Ströndum. Annað kvöldið verður fimmtudaginn 6. desember og þriðja kvöldið verður haldið fimmtudaginn 13. desember. Spilamennskan hefst kl. 20:00 öll kvöldin og er aðgangseyrir kr. 800.- og eru þá veitingar innifaldar, djús, kaffi og kökur. Vinningar verða veittir fyrir hvert kvöld og einnig eru veglegir vinningar fyrir samanlagðan árangur öll þrjú kvöldin. Allir velkomnir, ungir sem aldnir.
Eldri færslur

Könnun

Facebook

Atburðadagatal

Næstu atburðir

Vefumsjón