A A A

Valmynd

Fréttir

Skólastarf

Fundur um skátastarf í Hnyðju

| 07. nóvember 2012
Kynningarfundur um skátastarf verður haldinn í Hnyðju á Hólmavík í dag, miðvikudaginn 7. nóvmeber, kl 18:00. Á fundinn koma fulltrúar frá Bandalagi íslenskra skáta og skátafélaginu Stíganda í Dölunum og kynna skátastarf og skipulag þess. Ef áhugi reynist fyrir því hjá fundarmönnum, verður stofnun skátafélags á Hólmavík tekin fyrir í lok fundar.

Fundurinn er opinn öllum áhugasömum, bæði börnum og fullorðnum. Á fundinum verður börnum boðið að taka þátt í skemmtilegum leik - allir að mæta!

Kolaportið endurtekið á mánudagskvöld

| 04. nóvember 2012
Frá kolaportinu í dag - ljósm. JJ - tekin af strandir.is
Frá kolaportinu í dag - ljósm. JJ - tekin af strandir.is
Ákveðið hefur verið að hafa Kolaportið í Félagsheimilinu á Hólmavík einnig opið mánudagskvöldið 5. nóvember kl. 18:00-21:00. Frábærlega tókst til í dag, fjöldi manns lét sjá sig, söluaðilar hafa sennilega aldrei verið fleiri og varningurinn var fjölbreyttur og nóg að bíta og brenna.

Það er Félagsmiðstöðin Ozon sem stendur fyrir Kolaportinu að þessu sinni. Þetta kom fram á strandir.is.

Stóreflis Kolaport á sunnudegi

| 03. nóvember 2012
Mætum öll á Kolaport!
Mætum öll á Kolaport!
Kolaport verður haldið á morgun í Félagsheimilinu á Hólmavík, sunnudaginn 4. nóvember milli kl. 12:00-16:00. Það eru öflugir krakkar í Félagsmiðstöðinni Ozon sem standa fyrir viðburðinum sem er liður í fjáröflun fyrir starf miðstöðvarinnar í vetur. Í Kolaportinu verður líf og fjör. Það stefnir í að söluvarningar á boðstólum verði meiri en nokkru sinni fyrr, en meira en 20 aðilar hafa pantað pláss kolaportinu. Líklegt er því að söluaðilar dreifist því um allt hús.

Þeir sem vilja selja varning geta enn haft samband við Arnar Snæberg Jónsson í s. 894-1941 eða í netfangið tomstundafulltrui@strandabyggd.is. Eitt borð kostar kr. 1.000.- Söluaðilar geta mætt kl. 11:00 um morguninn til að stilla upp.

Baráttudagur gegn einelti í næstu viku

| 02. nóvember 2012
Fimmtudagurinn 8. nóvember nk. er baráttudagur gegn einelti hér á landi. Þá er þjóðin hvött til að standa saman gegn einelti í samfélaginu; samtök og vinnustaðir eru hvattir til að beina sjónum að jákvæðum samskiptum, jákvæðum skólabrag og góðum starfsanda. Í tengslum við daginn eru sem allra flestir hvattir til að skrifa undir þjóðarsáttmála gegn einelti sem er aðgengilegur á heimasíðunni gegneinelti.is. Grunnskólinn á Hólmavík hefur þegar ákveðið að taka þátt í deginum með áberandi hætti sem nánar verður skýrt frá í næstu viku. Strandabyggð hvetur fyrirtæki, samtök og stofnanir í sveitarfélaginu til að taka virkan þátt í deginum....
Meira

Unglingar í Strandabyggð vilja samveru með fjölskyldunni

| 02. nóvember 2012
Uppátækjasamir unglingar í Strandabyggð - ljósm. af vef Grunnskólans
Uppátækjasamir unglingar í Strandabyggð - ljósm. af vef Grunnskólans
Síðasta miðvikudag var Forvarnardagurinn haldinn um land allt. Hann var einnig haldinn í Grunnskólanum á Hólmavík, en þar unnu unglingar í 8. og 9. bekk ítarlega verkefnavinnu. Arnar S. Jónsson hafði umsjón með vinnunni sem fól það m.a. í sér að krakkarnir horfðu á myndbönd og unnu síðan í hópum þar sem farið var yfir hvað krökkunum finnst um samveru fjölskyldunnar, æskulýðs- og íþróttastarf og áfengisneyslu. Þar kom í ljós að samvera með fjölskyldunni er þeim ofarlega í huga - enda er hún ein besta forvörn sem til er.

Hægt er að sjá niðurstöður krakkanna úr Grunnskólanum á Hólmavík með því að smella hér
.
Eldri færslur

Könnun

Facebook

Atburðadagatal

Næstu atburðir

Vefumsjón