Átak hefur verið gert í viðhaldi leiksvæða í Strandabyggð undanfarin misseri. Tómstundafulltrúi tók málaflokkinn yfir árið 2011 og áhaldahús Strandabyggðar vann mikið starf í viðhaldi og endurbótum síðasta sumar. Vorið 2012 var samþykkt í sveitarstjórn Rekstrarhandbók leiksvæða í Strandabyggð. Hana má sjá með því að smella hér. Með samþykkt hennar er ljóst að engin leiktæki verða sett niður nema þau séu vottuð og standist staðla. Aðalskoðun á leiksvæðum nú í haust leiddi í ljós samtals 65 athugasemdir, en árið 2010 voru þær 115 talsins. Hér fyrir neðan má sjá nýlegt yfirlit yfir þær endurbætur sem gerðar hafa verið á síðasta ári.

Til sölu er poolborð sem er staðsett í félagsheimilinu á Hólmavík. Borðið er selt í núverandi ástandi ásamt nokkrum kjuðum og tilheyrandi fylgihlutum. 

Áhugasamir vinsamlegast sendi tilboð á netfangið skrifstofa@strandabyggd.is fyrir 12:00 á hádegi fimmtudaginn 20. desember.