Leikskólinn Lækjarbrekka auglýsir eftir leikskólakennurum eða leiðbeinendum til afleysinga á vormánuðum 2014. Við leikskólann er unnið metnaðarfullt starf þar sem barnið er í brennidepli. Leitað er eftir duglegum og samviskusömum starfskrafti sem hefur gaman af vinnu með börnum, býr yfir góðri samskiptahæfni og hefur ríka þjónustulund. Einnig er skipulagshæfni og jákvæðni mikilvægur kostur. Æskilegt er að viðkomandi geti hafið störf sem fyrst....
Meira

Á morgun, miðvikudaginn 22. janúar, verður hópur starfsfólks frá Barna- og unglingageðdeild staðsettur í Strandabyggð á vegum Foreldrafélags Grunnskólans á Hólmavík. Yfir daginn mun hópurinn starfa með unglingum sem og fagfólki sem starfar með börnum í Standabyggð og nærsveitum.

Opinn fundur fyrir alla áhugasama verður svo í Félagsheimilinu kl 18:00 sama dag. Þar mun eiga sér stað fræðsla um starfsemi BUGL auk sameiginlegrar fræðslu ætlaða foreldrum, forráðamönnun, fagfólki og unglingum þar sem fjallað verður meðal annars um kvíða/þunglyndi, sjálfskaðandi hegðun og einelti auk umfjöllunar um það sem brennur á áheyrendum.

Öll velkomin!

Í kvöld fer söngkeppni samVest fram á Hólmavík. Keppendur eru hæfileikaríkir unglingar víðs vegar að á Vestfjörðum en þar á meðal eru tvö glæsileg atriði frá Félagsmiðstöðinni Ozon, skipuð unglingum úr Strandabyggð og Kaldrananeshreppi.

Viðburðurinn er haldinn árlega einhversstaðar á Vestfjörðum og hljóta keppendur sem hafna í tveimur efstu sætunum keppnisrétt á söngkeppni Samfés sem haldin er í Laugardalshöllinni í Reykjavík í mars. Að þessu sinni er Samvest söngkeppnin haldin á Hólmavík. Þetta árið er hún sérdeilis glæsileg og er alfarið skipulögð af nemendaráði og öðrum ungmennun í Ozon sem eiga lof skilið fyrir vinnusemi sína, hugmyndaauðgi og dugnað. Því er ekki síður spennandi að koma á keppnina til að sjá afrakstur þeirra í viðburðastjórnun og stiðja við þeirra góða starf en að njóta tónlistar og skemmtiatriði, hvort tveggja sýnir fram á að framtíðin sé björt og að ungu fólki á Vestfjörðum sé margt til lista lagt.

Keppnin hefst klukkan 19:00 og er aðgangseyrir 1000 krónur, en frítt er fyrir börn undir grunnskólaaldri. Sjoppa og samlokusala verður á staðnum en ekki er tekið við kortum. Öll hjartanlega velkomin.

Hörmungardagar á Hólmavík verða haldnir í fyrsta skipti 14.-16. febrúar næstkomandi. Um er að ræða nýja menningarhátíð þar sem hugmyndin er að gefa listum, tilfinningum og tjáningu sem sjaldnast fær rými tækifæri til að líta dagsins ljós. Tilveran er fjölbreytileg og margslungin og listsköpunin sömuleiðis; tónlist getur verið drungaleg, upplifun getur verið yfirþyrmandi og tilfinningar geta verið það sem við köllum neikvæðar, jafnvel þótt þær séu ekki alslæmar. Þarna gefst tækifæri til að njóta, miðla og taka þátt í viðburðum og listum sem sjaldan fá næga athygli, svo sem erfiðum upplifunum, svokölluðum neikvæðum tilfinningum og alls konar niðurdrepandi skemmtun, allt eftir hugarrfóstri hvers og eins....
Meira