Íris Ósk Ingadóttir hefur verið ráðin í starf Tómstundafulltrúa í Strandabyggð. Írisi þekkjum við frá því hún leysti fyrri tómstundafulltrúa af í eitt og hálft ár og er hún því öllum hnútum kunn í þessu starfi og hefur þegar tekið til starfa. Til að byrja með verður Íris í hlutastarfi en verður komin í fullt starf í lok janúar 2018. Við bjóðum Írisi velkomna í hópinn og hlökkum til samstarfsins.

Esther Ösp Valdimarsdóttir sem verið hefur tómstundafulltrúi í Strandabyggð lætur af starfi sínu í dag eftir fjögurra ára farsælt starf hjá sveitarfélaginu. Esther Ösp ætlar að snúa sér að nýjum verkefnum þar sem kraftar hennar fá að blómstra enn frekar og óskum við henni farsældar um leið og við þökkum henni fyrir góð og vel unnin störf.

Hér má nálgast ýmist efni varðandi Hamingjudaga á Hólmavík 2017

Til útprentunar:
Hamingjudagar á Hólmavík 2017 - Dagskrá
Happy days in Hólmavík 2017 - Program
Hamingjubingó 2017

Undanfarin ár hefur komið fyrir að starfsmaður á skrifstofu hefur þurft að gefa þýskum iðnnemum stimpil í vinnubók til að votta dvöl þeirra við vinnu og ýmis störf.  Sá siður er þekktur í Þýskalandi að iðnnemar þ.e. bakarar, trésmiðir, klæðskerar og fl. fari vissan radíus út fyrir sitt heimahérað i þrjú ár og 1 dag og vinni fyrir sér í sinni iðngrein. Áður var þetta skylda en er nú val hvers og eins.  Þetta eru aðallega handverksfólk, ekki iðnnemar í vélsmíði t.d.  Klæðnaðurinn er sérstakur og mismunandi eftir greinum og ekki er leyfilegt að nota síma eða nútíma tækni.  Skemmtilegur siður og gaman að hitta þau.

Sveitarfélagið Strandabyggð auglýsir laust til umsóknar starf tómstundafulltrúa. Um er að ræða fjölbreytt og skemmtilegt starf þar sem skapandi og skipulagðir einstaklingar sem hafa  unun af samskiptum og samstarfi við ungt fólk ættu að blómstra....
Meira