Kæru íbúar Strandabyggðar,

Sveitarstjórn Strandabyggðar hefur fundað undanfarið og rætt til hvaða aðgerðar sveitarfélagið gæti gripið, til að mæta erfiðri stöðu margra í samfélaginu.  Stuðst hefur verið við tilmæli stjórnvalda, Sambands íslenskra sveitarfélaga og einnig hefur verið haft samráð við fulltrúa atvinnulífsins í Strandabyggð.  Eftirfarandi aðgerðir eru nú virkar af hálfu sveitarfélagsins:

Niðurfelling leikskólagjalda og matarkostnaðar
Til að mæta skertri skólasókn var sveitarstjórn áður búin að samþykkja niðurfellingu leikskólagjalda og matarkostnaðar, þá daga sem ekki voru nýttir.

Reglur um frestun fasteignaskatta í Strandabyggð, 2020

Sveitarstjórn Strandabyggðar hefur samþykkt eftirfarandi reglur um frestun fasteignaskatta 2020:

1. Eigendur atvinnuhúsnæðis í Strandabyggð geta sótt um frestun fasteignaskatta.  Um er að ræða húsnæði í c- flokki, 3. grein (allar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu)
2. Umsækjendur skulu vera skuldlausir við sveitarfélagið hvað eldri gjalddaga varðar
3. Um er að ræða alla gjalda nema apríl gjaldaga.
4. Hægt er að sækja um frestun til að hámarki þriggja mánaða
5. Úrræðið nær til fasteignaskatta, þar með talið einnig eftirtalinna skatta: lóðarleigu, sorpgjöld, holræsagjöld og vatnsgjöld
6. Umsækjandi skal sækja um frestun fasteignaskatta með rafrænum eða skriflegum hætti til sveitarfélagsins og má senda umsókn á netfangið sveitarstjori@strandabyggd.is eða hringja í 451-3510 og bóka tíma til að skila inn umsókn.

Það má síðan rifja upp, að sveitarstjórn hafði áður stofnað til samstarfs við Rauða krossinn og sóknarprestinn um aðstoð til þeirra sem þurfa aðstoð í daglegu lífi og einnig óskað eftir sjálfboðaliðum á bakvarðalista Strandabyggðar, til að aðstoða náungann. 

Sveitarstjórn Strandabyggð vonar að þessar aðgerðir gagnist í því erfiða árferði sem við upplifum þessa dagana.  Áfram verður fylgst náið með þróun mála í mannlífi og atvinnulífi Strandabyggðar og eins hvetjum við íbúa til að hafa samband með sínar hugmyndir og/eða vangaveltur. 

Þetta er tímabundið ástand sem líður hjá.  Við höfum staðið vel saman í Strandabyggð hingað til og munum gera það áfram.

Kveðja,
Þorgeir Pálsson
sveitarstjóri

Hér er linkur á kynningarfundinn um Brothættar byggðir í Strandabyggð kl. 15 í dag, miðvikudaginn 29. apríl. Linkurinn er: https://us02web.zoom.us/j/88058988647

---English below---

Alþingi samþykkti í síðasta mánuði að efla verkefnið Brothættar byggðir með 100 mkr framlagi, sem hluta af verkefnum til að mæta heimsfaraldri kórónuveiru. Sveitarfélagið Strandabyggð tekur þátt í þessu verkefni frá síðustu áramótum. 

 

Ákveðið hefur verið að nýta þetta viðbótarfjármagn til að efna til sérstaks fjárfestingarátaks í Brothættum byggðum. Fjármagnið skiptist í tvo hluta, Frumkvæðissjóð og Öndvegissjóð. Í Frumkvæðissjóði verður fjárhæð sem skiptist jafnt á milli þeirra sjö byggðarlaga sem eru þátttakendur í verkefninu Brothættar byggðir. Í Öndvegissjóði verður sett fjárhæð í samkeppnissjóð sem verkefni úr byggðarlögunum sjö keppa um. 

...
Meira

Sæl öll,

Nú þegar styttist í sumarfrí námsmanna, sem öllu jöfnu vilja koma hingað heim í Strandabyggð á sumrin og vinna, er rétt að hugleiða stöðuna og hvað sé hugsanlega framundan í vinnumálum.  Það má búast við miklum samdrætti í mörgum atvinnugreinum, sérstaklega ferðaþjónustu, eins og komið hefur fram nú þegar.  Í Strandabyggð eru fjölmörg fyrirtæki sem öllu jöfnu byggja sumarmönnun sína á þessum námsmönnum.  Viðbúið er að þau störf verði ekki í boðið í sumar.

Sem leið til að finna önnur tækifæri, kallar sveitarstjórn hér eftir upplýsingum frá námsmönnum sem ætla að koma heim í sumar, en hafa ekki fengið staðfestingu á vinnu.  Okkur langar til að vita: 

• Hverjir ætla að koma heim í sumar?
• Hafa þeir fengið sumarstarf?
• Á hvaða sviði gætu þeir tekið að sér sumarvinnu?

Við óskum eftir skjótum viðbrögðum frá námsmönnum.  Hægt er að senda tölvupóst á sveitarstjori@strandabyggd.is eða hringja í síma 899-0020 (Þorgeir).

Kveðja
Þorgeir Pálsson
Sveitarstjóri Strandabyggðar

https://www.government.is/news/article/2020/04/14/Restrictions-to-be-gradually-lifted-starting-4-May-/