A A A

Valmynd

Fréttir

Skólastarf

Sveitarstjórnarfundur nr. 1327

Salbjörg Engilbertsdóttir | 07. janúar 2022

Fundur nr. 1327 í sveitarstjórn Strandabyggðar verður haldinn þriðjudaginn 11. janúar 2022 kl. 16.00 í Hnyðju Höfðagötu 3, Hólmavík.

 

Fundardagskrá er svohljóðandi:

 

  1. Húsnæðisáætlun Strandabyggðar
  2. Viðmiðunarreglur um snjómokstur og hálkuvarnir í Strandabyggð
  3. Byggðakvóti fiskveiðiársins 2022-2023
  4. Endurskoðun samnings um embætti skipulags- og byggingarfulltrúa
  5. Erindi frá slökkviliðsstjóra varðandi drög að brunavarnaráætlun og framkvæmdaáætlun næstu 5 ára
  6. Vinnslutillaga Aðalskipulags Dalabyggðar 2020-2032, óskað umsagnar
  7. Styrkbeiðni frá Björgunarsveitinni Dagrenningu vegna flugeldasýningar 31.12.2021
  8. Fræðslunefndarfundur 20.12.2021
  9. Fundargerð Sambands Ísl.sveitarfélaga nr. 904 frá 10.12.2021
  10. Fundargerð stjórnar samtaka sjávarútvegssveitarfélaga nr. 64 frá 13.12.2021
  11. Fundargerð stjórnar Hafnasambands Íslands nr. 440 frá 3.12.2021

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Ásta Þórisdóttir

Guðfinna Lára Hávarðardóttir

Pétur Matthíasson

Jón Jónsson

 

 

Strandabyggð 7.janúar 2021

Jón Gísli Jónsson oddviti

Íţróttamanneskja Strandabyggđar 2021

Salbjörg Engilbertsdóttir | 06. janúar 2022
Íţróttamanneskja ársins 2020
Íţróttamanneskja ársins 2020

Auglýst er eftir tilnefningum um íþróttamanneskju ársins 2021 í Strandabyggð. Senda skal tilnefningar ásamt rökstuðningi á netfangið strandabyggd@strandabyggd.is, eigi síðar en 17. janúar 2022.

Allir mega senda inn tilnefningu og frjálst er að nefna fleiri en einn aðila, en íþróttafólkið þarf að hafa haft lögheimili í Strandabyggð á síðastliðnu ári. Vissulega hefur farið minna fyrir keppnum á árinu en gengur og gerist en það þarf ekki að þýða að afrekin og eljan hafi verið minni, þvert á móti má ætla að veglegan aukaskammt af metnaði og þrautseigju hafi þurft til að halda sér við efnið á árinu. 

 

Samkvæmt reglugerð um útnefningu á íþróttamanni ársins hefur Tómstunda-, íþrótta- og menningarnefnd umsjón með valinu á ári hverju. Upplýst verður um valið á síðar í mánuðinum.


Handhafi viðurkenningarinnar hlýtur til vörslu í eitt ár farandbikar sem íþróttafélag lögreglumanna á Hólmavík gefur.


Tómstunda-, íþrótta- og menningarnefnd Strandabyggðar hvetur alla til að nýta þetta tækifæri til að minnast þeirra afreka sem íþróttafólk okkar hefur unnið á liðnu ári.


Vetrarsól á Ströndum

Jón Jónsson | 05. janúar 2022
Hæglætishátíðin Vetrarsól á Ströndum sem er menningar- og listahátíð verður haldin síðustu helgi í janúar, 28.-30. jan. Væntanlega fer hún að langmestu leyti fram í streymi á netinu. 

Arnkatla - lista- og menningarfélag
stendur fyrir hátíðinni og hún hefur fengið stuðning frá Uppbyggingarsjóði Vestfjarða. Stjórnarfólk í Arnkötlu er Dagrún Ósk Jónsdóttir, Dagrún Magnúsdóttir, Jón Jónsson, Guðlaug G.I. Bergsveinsdóttir og Esther Ösp Valdimarsdóttir. Það var hópur listamanna syðra sem stóð fyrir hátíðinni til að byrja með, með aðstoð heimamanna. Þar voru og eru fremst í flokki Kristín Lárusdóttir og Svavar Knútur.

Þau sem vilja vera með innlegg og atriði eru beðin um að hafa samband við aðstandendur hátíðarinnar sem fyrst. Ef meiri tíma þarf til undirbúnings, þá vill stjórn Arnkötlu benda á að hátíðin Hörmungardagar er líka framundan, síðustu helgi í febrúar. Starfsvæði Arnkötlu er allar Strandir og Reykhólahreppur að auki - þannig að atriði frá listafólki og menningarvitum á öllu svæðinu eru vel þegin.

Auglýst eftir umsóknum í Sterkar Strandir - frestur til 31. jan. kl. 16:00

Jón Jónsson | 03. janúar 2022

Auglýst er eftir umsóknum um styrki í tengslum við Sterkar Strandir. Um er að ræða þriðju úthlutun í verkefninu, en verkefnið er hluti af byggðaþróunarverkefninu Brothættar byggðir í Strandabyggð.


Umsóknarfrestur er til kl. 16 mánudaginn 31. janúar 2022
.


Til ráðstöfunar eru 7 milljónir króna í þessari úthlutun. Verkefnum sem verða styrkt að þessu sinni þarf að vera lokið í síðasta lagi 28. febrúar 2023, og eru umsækjendur beðnir um að hafa það að leiðarljósi við gerð umsókna.

Meginmarkmið verkefnisins sem umsóknir þurfa að taka mið af:

  • Sterkir innviðir og öflug þjónusta
  • Stígandi í atvinnulífi
  • Stolt og sjálfbært samfélag

Á vefsíðu Byggðastofnunar má finna nánari útlistanir á gildandi reglum um styrkveitingar og markmiðaskjal verkefnisins.

Á vef Vestfjarðastofu, undir verkefninu Sterkar Strandir, má finna umsóknareyðublaðið og þar er sótt um.

Athugið að einungis er hægt að sækja um á netinu.

Ekki er krafist mótframlags frá umsækjanda. Samstarf aðila sem að jafnaði starfa ekki saman styrkir umsóknina. Umsækjendur eru hvattir til að lesa leiðbeiningar og leita sér aðstoðar hjá verkefnisstjóra. Vönduð umsókn sem styður við framtíðarsýn og meginmarkmið verkefnisins er líklegri til árangurs. Íbúar eru hvattir til að fylgjast með framgangi verkefnisins á netmiðlum, til að mynda á vef Vestfjarðastofu og á Facebooksíðu Sterkra Stranda.


Nánari upplýsingar og ráðgjöf veitir Sigurður Líndal verkefnisstjóri í síma 611-4698 eða á netfanginu sigurdurl@vestfirdir.is 

Áramót, brenna og flugeldasýning

Salbjörg Engilbertsdóttir | 29. desember 2021

Vegna ástandsins í þjóðfélaginu v. Covid 19 og tilmæla lögreglunnar á Vestfjörðum hefur áramótabrennu sem halda átti á Skeljavíkurgrundum verið frestað til betri tíma. 

Björgunarsveitin Dagrenning mun engu að síður halda flugeldasýningu á gamlárskvöld en skotið verður upp frá Hólmavíkurhöfn kl. 18.00. Athugið breytta tímasetningu og staðsetningu!

Við hvetjum íbúa til að fara varlega og gæta smitvarna og njóta samvista með sínu fólki eins og kostur er og innan gildandi takmarkana.  Við hvetjum alla til að styrkja okkar frábæru björgunarsveit með kaupum á flugeldum, rótarskotum eða með innleggi á bankareiknig 1161-26-290 550382-0249.

Sendum ykkur öllum hugheilar óskir um gleðilegt nýtt ár og þökkum samskiptin á árinu sem er að líða.
Síđa 1 af 376
Eldri fćrslur

Könnun

Facebook

Atburđadagatal

Nćstu atburđir

Vefumsjón