Sveitarfélagið Strandabyggð leitar að starfsmanni til að leysa af tómstundafulltrúa sveitarfélagsins í u.þ.b ár vegna fæðingarorlofs. Starfið er fjölbreytt og skemmtilegt og hefur í för með sér mikil samskipti við starfsmenn og stofnanir sveitarfélagsins, íþrótta- og félagasamtök á staðnum sem og einstaklinga, auk ýmissra annarra samskipta við fólk og félög um allt land.

Markmið og verkefni starfsins felast m.a. í eftirfarandi:

• Þátttaka í áætlanagerð og stefnumótun á sviði tómstunda-, íþrótta- og menningarmála
• Að hafa umsjón með og leiða starf ungs fólks í sveitarfélaginu
• Stuðningi við félagasamtök varðandi skipulag og stjórnun
• Samningagerð
• Verkefna- og viðburðastjórnun
• Ýmsum öðrum verkefnum sem tómstundafulltrúa er falið af sveitarstjóra og fallið geta undir starfssvið hans

Menntunar- og hæfniskröfur:

• Háskólamenntun sem nýtist í starfi
• Skipulags- og stjórnunarfærni (verkefnastjórnun)
• Samskiptafærni  og geta til að geta tjáð sig í ræðu og riti
• Frumkvæði og hugmyndaauðgi
• Hvetjandi og góð fyrirmynd
• Færni í upplýsingatækni og tölvunotkun

Við leitum að ljúfum og ákveðnum einstaklingi sem hefur áhuga á fólki á öllum aldri, er fullur af allskonar hugmyndum og kemur verkefnum í framkvæmd. Viðkomandi þarf að geta hafið störf seinnihluta ágústmánaðar 2015 og starfað út júní 2016.

Umsóknarfrestur er til 16. júní 2015 og skulu umsóknir berast skrifstofu Strandabyggðar Höfðagötu 3, 510 Hólmavík eða á netfangið strandabyggd@strandabyggd.is.

Sveitarfélagið Strandabyggð er í vottunarferli EarthCheck ásamt Vestfjörðum öllum og tekur starfsemin mið af því.