Innskráning

A A A

Valmynd

Fréttir

Skólastarf

Nefnd um málefni Stranda

22. febrúar 2024 | Bára Örk Melsted

Fréttatilkynning til íbúa Árneshrepps, Kaldrananeshrepps og Strandabyggðar


Forsætisráðherra hefur stofnað nefnd um málefni Stranda sem tekið hefur til starfa. Markmið með skipan nefndarinnar er að skapa vaxtarskilyrði fyrir samfélag og atvinnulíf með sjálfbærni að leiðarljósi. Nefndin skal gera tillögur um hvernig megi efla byggðaþróun á svæðinu, m.a. með tilliti til fjárfestinga, atvinnuframboðs og atvinnutækifæra í Árneshreppi, Kaldrananeshreppi og Strandabyggð. Skila á forsætisráðherra tillögum eigi síðar en 1. júlí nk.

Nefndin telur samráð við íbúa og aðila svæðisins afar mikilvægt og leitar því til þeirra sem vilja koma hugmyndum sínum og ábendingum á framfæri. Í fyrstu er óskað eftir því að þau sem vilja koma ábendingum eða hugmyndum til nefndarinnar sendi þær í tölvupósti á netfangið for@for.is.

Þá er stefnt að frekara samtali og samráði við íbúa þegar fyrstu drög að tillögum nefndarinnar liggja fyrir og verður það auglýst nánar síðar.

Nefnd um málefni Stranda er skipuð fulltrúum forsætisráðuneytis, innviðaráðuneytis, fulltrúum sveitarfélaganna þriggja, Byggðastofnunar og Fjórðungssambandi Vestfjarða.

 

Skođunaráćtlun eldvarnaeftirlits 2024.

20. febrúar 2024 | Bára Örk Melsted

Gerð hefur verið skoðunaráætlun fyrir eldvarnareftirlit Strandabyggðar fyrir árið 2024.Gert er ráð fyrir að árið 2024 verði lagt áherslu á byggingar í notkunarflokkum 4 og 5 skoðaðar.

Í þessum flokkum eru hótel og gistiheimili auk allra skóla á svæðinu. Þá eru einnig nokkrar byggingar í forgangsskoðun. Þetta eru 33 skoðanir.

Þá er gert ráð fyrir að skoða 22 aðrar byggingar í notkunarflokki 1 og 2. Það eru ýmis sveitabýli með mikinn húsakost, stór iðnaðarhúsnæði og samkomustaðir. Samtals er ráðgert að fara í að minnsta kosti 55 skoðanir.

Þess utan fara fram úttektir vegna öryggis og lokaúttekta auk umsagna vegna ýmissa tækifærisleyfa.

Hér má sjá skoðunaráætlun eldvarnaeftirlits fyrir árið 2024. Hér eru listaðar upp byggingar sem annað hvort þurfa skoðun árlega eða fjórða hvert ár. Við ákvörðun um skoðun er stuðst við byggingareglugerð og reglugerð um eldvarnir og eldvarnaeftirlit. Viðbúið er að fleiri byggingar en þær sem eru á listanum verði skoðaðar eftir því sem ástæða þykir til. Eldvarnaeftirlitið hefur samband við eigendur bygginga til að fastsetja skoðunartíma þegar kemur að skoðun. Eldvarnaeftirlit er mikilvægur þáttur í forvörnum og eru eigendur bygginga hvattir til að bregðast sem fyrst við athugasemdum ef einhverjar eru.

Benda má á að eigendur bygginga geta alltaf haft samband við eldvarnaeftirlitið til að fá upplýsingar og leiðbeiningar. Einnig geta eigendur bygginga óskað eftir því að fá eldvarnaeftirlitið í heimsókn ef þurfa þykir.

Ákvörðun notkunarflokks ræðst einkum af því hvort fólk sé staðkunnugt í húsnæði, hvort það sofi þar eða ekki og hvort það geti sjálft bjargað sér úr því við eldsvoða.

Ef húsnæði innan sama mannvirkis er í mismunandi notkunarflokkum og deilir flóttaleiðum eða áhættum, skulu eldvarnir miðast við þarfir hæsta notkunarflokks í viðkomandi mannvirki.

Slökkviliðsstjóri.

 

 

Góugleđi 2024

15. febrúar 2024 | Bára Örk Melsted
Góugleði verður haldin 2. mars næstkomandi í félagsheimilinu á Hólmavík. 
Stór stuðbandið Óðríki mun halda stuðinu uppi og Café Riis sér um veitingar.
Miðaverð er 10.000 kr. Frekari upplýsingar um miðakaup eru á plaggatinu og á facebook


 

Öskudagsball

13. febrúar 2024 | Bára Örk Melsted
Öskudagsball verður haldið í Íþróttahúsinu á Hólmavík þann 14. febrúar klukkan 16-17:15. Verið velkomin!

Sveitarstjórnarfundur í Strandabyggđ, nr. 1357, 13.2.24

09. febrúar 2024 | Ţorgeir Pálsson

Fundur nr. 1357 í sveitarstjórn Strandabyggðar verður haldinn þriðjudaginn 13. febrúar 2024, kl. 16.00 í Hnyðju Höfðagötu 3, Hólmavík.

 

Fundardagskrá er svohljóðandi:

  1. Innviðaráðuneytið, álit vegna kvörtunar Jóns Jónssonar vegna skipunar sveitarstjórnar á nefndarfulltrúum og veitingu tímabundinnar lausnar frá nefndarstörfum
  2. Greinargerð Strandabyggðar vegna stjórnsýslukæru Jóns Gísla Jónssonar vegna leikskólalóðar
  3. Greinargerð Strandabyggðar vegna álits A lista á stjórnsýslukæru Jóns Gísla Jónssonar vegna leikskólalóðar
  4. Vinnufundur sveitarstjórnar, minnisblað oddvita
  5. Breytingar T-lista á kjörnum fulltrúum, afgreiðsla kjörbréfs fyrir Þröst Áskelsson
  6. Forstöðumannaskýrslur fyrir janúar
  7. Verkefni sveitarstjóra í janúar
  8. Fundargerð TÍM nefndar frá 22.janúar
  9. Fundargerð US nefndar frá 8. febrúar
  10. Fundargerð FRÆ nefndar frá 8. febrúar
  11. Fundargerð Sorpsamlags Strandasýslu frá 9. febrúar 2024, ásamt rekstraráætlun og gjaldskrá
  12. Verknámshús við Menntaskólann á Ísafirði, beiðni Mennta- og barnamálaráðuneytis um mótframlag sveitarfélaga á Vestfjörðum
  13. Umsögn Strandabyggðar um drög að reglugerð um sjálfbæra nýtingu
  14. Svæðisskipulagsnefnd Vestfjarða, staðfesting starfsreglna svæðisskipulagsnefndar Vestfjarða
  15. Svæðisskipulagsnefnd Vestfjarða, staðfesting á afgreiðslu á beiðni um framlag til svæðisskipulagsgerðar
  16. Vestfjarðarstofa og Fjórðungssamband Vestfjarða, fundargerðir nr. 55 frá 30. ágúst 2023, nr. 56 frá 27. september 2023 og nr. 58 frá 17. nóvember 2023
  17. Samband Íslenskra sveitarfélaga, fundargerð 941 frá 12. janúar 2024 og 942 frá 26. janúar 2024
  18. Samband sveitarfélaga, boðun á XXXIX. landsþing sambandsins 14. mars 2024
  19. Hafnarsamband Íslands, fundargerð nr. 460 frá 15. janúar
  20. Hafnarsamband Íslands, boðun á Hafnarþing, 24.-25. október 2024 í Hofi á Akureyri
  21. Innviðaráðuneytið, upplýsingar til sveitarstjórna varðandi endurskoðun á reglum Jöfnunarsjóðs frá 9. janúar 2024
  22. Innviðaráðuneytið, beiðni um upplýsinga varðandi innheimtu innviðagjalda
  23. Umverfis-, orku- og loftslagsráðuneytið, úttekt á starfsemi og framtíðarfyrirkomulagi náttúrustofa
  24. Umhverfisstofnun, tilnefning í vatnasvæðanefnd
  25. Lögreglustjórinn á Vestfjörðum, samstarfsyfirlýsing verkefnisins; Vestfirðir saman gegn ofbeldi og öðrum afbrotum
  26. Foreldrafélag leik-, grunn- og tónskóla, erindi til sveitarstjórnar.

 

Gert er ráð fyrir að eftirtaldir sveitarstjórnarmenn sitji fundinn:

Þorgeir Pálsson

Sigríður Guðbjörg Jónsdóttir

Óskar Hafsteinn Halldórsson

Matthías Sævar Lýðsson

Hlíf Hrólfsdóttir

 

  

Strandabyggð  9. febrúar 2024

Þorgeir Pálsson, Oddviti.

Lífshlaupiđ hefst á morgun

06. febrúar 2024 | Bára Örk Melsted

Lífshlaupið hefst miðvikudaginn 7. febrúar. 

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til að hreyfa sig meira í sínu daglega lífi en stuðst er við ráðleggingar frá Embættis landlæknis um hreyfingu. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 150 mínútur á víku. En í Lífshlaupinu er miðað við 30 mínútur á dag fyrir fullorðna.
Í ár er nýr keppnisflokkur fyrir Hreystihópa 67+ hér má finna allt um Lífshlaupið https://lifshlaupid.is/

Strandir.is - fréttir

Könnun

Facebook

Atburđadagatal

Nćstu atburđir

Vefumsjón