Tómstunda-, íþrótta- og menningarmálanefnd Strandabyggðar auglýsir eftir tilnefningum til Menningarverðlauna Strandabyggðar, en þau verða veitt á Hamingjudögum. Þetta er í sjöunda skiptið sem verðlaunin og verðlaunagripurinn Lóan verða veitt, en áður hafa Sigríður Óladóttir kórstjórnandi, Leikfélag Hólmavíkur, Sauðfjársetrið, Grunnskólinn á Hólmavík, Þjóðfræðistofa á Ströndum og Einar Hákonarson listamaður hlotið þau.

Verðlaunin eru veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári.

Tilnefningum má skila á skrifstofu Strandabyggðar eða á netfangið tomstundafulltrui@strandabyggd.is til miðnættis miðvikudaginn 22. júní. Tómstunda-, íþrótta- og menningarmálanefnd skipar dómnefnd sem velur úr innsendum tillögum.

Nú er skipulagning Hamingjudaga 2016 hafin.

Ef þú, þínir eða vinir þínir viljið leggja eitthvað af mörkum, standa fyrir uppákomu, sýna listir ykkar, opna húsið ykkar eða hvað eina er mögulegt að setja sig í samband við Íris Ósk á netfangið tomstundafulltrui@strandabyggd.is.

Hamingjudagar eru hátið fólksins en megintilgangur hátíðarinnar er að sem flestir taki virkan þátt í hátíðinni og öðlist með þeim hætti aukna hamingju og hugarró og fyllist af gleði og kærleika.

Dagskrá Hamingjudaga sem eru haldnir 30. júní - 3. júlí er komin á vefinn og hana má finna hér. 

Dagskráin er glæsileg í ár eins og áður þar sem við höldum fast í ákveðnar hefðir en beytum einnig út af vananum. Dagskrá á vegum sveitarfélagsins verður aðeins á laugardeginum en aðra daga hátíðarinnar munum við leyfa fyrirtækjum, félögum og einstaklingum að njóta sín. Í ár munum við prufa að sleppa formlegum hverfafundum. Við viljum samt sem áður hvetja fólk til að hafa snyrtilegt í sínu hverfi og skreyta. Gaman væri líka að sjá nágranna grilla saman yfir hátíðina og mun KSH bjóða upp á tilboð á eitthverju girnilegu á grillið.

 

Á næstu dögum munum við telja niður í hátíðina okkar með skemmtilegum upplýsingum hér á vefnum svo fylgist með. Ef það eru eitthverjar spurning hafið þá samband við Írisi Ósk tómstundafulltrúa í síma 846-0281 eða tomstundafulltrui@standabyggd.is

Menningarverðlaun Strandabyggðar 2015 voru veitt á opnunarhátíð Hamingjudaga í Hnyðju föstudaginn 26. júní. Að þessu sinni hlaut Sigríður Óladóttir menningarverðlaun fyrir aðkomu að menningarmálum í Strandabyggð. Öflugu kórastarfi með kvennakórnum Norðurljós og vegna uppsetninga á leikritum í samvinnu við stofnanir í Strandabyggð og nú síðast, frumflutnings á söngleiknum Eddi mörgæs bjargar heiminum, sem sett var upp í samstarfi við Leikskólann Lækjarbrekku og Grunnskólann á Hólmavík.           

Sérstök heiðursverðlaun hlaut Galdrasýningin sem hefur unnið brautryðjendastarf í  menningarmálum í Strandabyggð frá stofnun safnsins en það fagnar 15 ára afmæli sínu á árinu. Galdrasýning á Hólmavík er eitt af merkustu söfnum heims og hefur hlotið ýmsar viðurkenningar t.d.  Eyrarrósina. 

Tómstunda-, íþrótta- og menningarnefnd Strandabyggðar veitir Menningarverðlaun að fengnum  tilnefningum.  Verðlaunin eru veitt fyrir eftirtektarvert framtak á sviði lista og menningar á liðnu ári og er markmiðið að efla menningar og listastarf í Strandabyggð.   Nefndinni er einnig heimilt að veita sérstakar viðurkenningar og heiðursverðlaun vegna menningarmála.

Stefán Gíslason fékk sérstaka viðurkenningu og þakkir frá íbúum fyrir

Fyrir ómetanlegt starf við framkvæmd og umsjón með hamingjuhlaupinu, óbilandi jákvæðni og hvatningu við keppendur.

Við óskum þessu frábæru aðilum innilega til hamingju!

Hér má nálgast dagskrá Hamingjudaga 2015 í rafrænni útgáfu.

 

Ljósmyndasýningin Alvöru karlmenn opnar laugardaginn 27. júní í gamla Arionbanka húsinu kl 13:00

Það sem þykir karlmannlegt er ákaflega breytilegt eftir tíma, stað og hópum. Á meðan að vaskur sjómaðurinn er álitinn vera karlmannlegur á einum stað og tímabili, líta aðrir kannski frekar upp til jakkafataklædda skrifstofumannsins eða krúttlega lopapeysukarlsins. Sumarið 2014 vann Sæbjörg Freyja Gísladóttir, meistaranemi í þjóðfræði, verkefni á vegum Nýsköpunarsjóðs námsmanna þar sem hún kannaði birtingarmynd karlmennsku í ljósmyndum frá árunum 1914 til 2014. Verkefnið var unnið undir handleiðslu Valdimars Hafstein þjóðfræðings og fólst í því að skoða hvernig mismunandi líkamsstaða þykir karlmannleg á hverjum tíma fyrir sig og jafnframt hvernig það hangir saman við samfélagslegar breytingar.

Sæbjörg safnaði og greindi um eitt þúsund ljósmyndir frá Skjalasafni Austfirðinga og Skjalasafninu á Ísafirði frá fyrstu áratugum 20. aldar. Hún ljósmyndaði einnig þrjátíu karlmenn sem eru búsettir á Egilsstöðum, Reykjavík og Önundarfirði. Afrakstur þessa er ljósmyndasýning sem þegar hefur verið sýnd í sundlauginni á Flateyri, Sláturhúsinu á Egilsstöðum og Hamraborg á Ísafirði.  

Ynja Mist Aradóttir mun opna myndlistarsýningu í Ásgarði laugardaginn 27. júní kl 12:00  

Ynja Mist er fædd 23. nóvember árið 1996. Hún hefur teiknað mikið alla tíð og vakti strax athygli á leikskólaaldri. Á grunnskólaaldri tók hún nokkur námskeið í Myndlistarskóla Kópavogs og hóf svo 16 ára gömul nám á myndlistabraut í Fjölbrautaskólanum í Garðabæ. Hún fór einnig til Bandaríkjanna sem skiptinemi og tók þar listaáfanga í Onalaska High school. Hún útskrifast úr FG um áramótin og stefnir á nám í vöruhönnun við listaháskóla Íslands. Ynja seldi sína fyrstu mynd þegar hún var 11 ára gömul, hún hefur gert blýantsteikningar, vatnslitamyndir, akríl- og olíumálverk, styttur, skúlptúra, dúkristur og fleira. 

Á 10. ári Hamingjudaga verða tónleikar Gunnars Þórðarsonar í Bragganum laugardagskvöldið 27. Júní. Eins og flestum er kunnugt er Gunnar einn fremsti tónlistarmaður landsins. Tónleikarnir hefjast stundvíslega kl 21:00 og kostar 1500kr. inn. 

Bangoura Band mun koma fram á Hamingjudögum en hljómsveitin er níu manna sveit sem var sett saman í byrjun árs 2013. Bangoura Band spilar afrobeat,Afro jazz,mandingue og funk tónlist. Bangoura band hefur verið að koma fram síðan í apríl 2013 og búin að ferðast um landið og halda tónleika hér og þar.

Tveir meðlimir hljómsveitarinnar munu vera með námskeið í afrískum trommuleik á Hamingjudögum. Námskeiðið fer fram í Félagsheimilinu föstudaginn 26. júní frá kl 15:13 – 17:00 og laugardaginn 27. júní kl 11:30-13:00. Hægt er að skrá sig í eitt skipti en þá er verðið 3000 kr. eða í tvö skipti á 5000kr.

Hægt er að skrá sig á ingibjorgben@strandabyggd.is eða í síma 663 0497

Hér er komin dagskrá Hamingjudaga 2015

Miðvikudagur 24. Júní

14:00-16:00        Kassabílasmiðja fyrir fjölskylduna í Áhaldahúsinu

 

Fimmtudagur 25. júní

13:00-17:00        Náttúrubarnaskóli á Sauðfjársetrinu

14:00-16:00        Kassabílasmiðja fyrir fjölskylduna í Áhaldahúsinu

21:00-22:30        Sundlaugarpartý í Íþróttamiðstöðinni fyrir 13-17 ára. DJ TR spilar, frítt inn

 

Föstudagur 26. Júní

15:30-17:00        Trommunámskeið með Bangura band í félagsheimilinu, tímapantanir í síma 6630497       

16:00                Setning hátíðar og sýningaropnun í Hnyðju

                             Kvennasýning í tilefni 100 ára kosningarafmæli kvenna á Íslandi.

                              Brian Berg, konur og hnyðjur

                              Menningarverðlaun Strandabyggðar

18:00-20:00        Fiskihlaðborð á Café Riis

18:00                Vinabæjarleikur í fótbolta á Skeljavíkurvelli                       

20:00                Hamingjugolfmót á Skeljavíkurvelli

20:00                Íbúar gera sig klára í hverfum sínum fyrir göngu á hátíðarsvæði                                              

20:15                     Gengið saman úr hverfum-

20:15                Tónleikar í Hvamminum/Klifstúni - Heimamenn stíga á svið

21:00                Söngur og fjör með Jónsa ( söngvara hljómsveitarinnar í svörtum fötum) í Hvamminum/Klifstúni við                                    hafnarbakkann –

22:30                Hemúllinn spilar á Kaffi Galdri

23:00                DJ Yngvi Eysteins spilar á Café Riis

 

Laugardagur 27. júní

09:45                Hamingjuhlauparar leggja af stað frá Gillastöðum, hlaupaáætlun er birt á Hamingjudagar.is

11:00-16:00        Sýningar opnar í Hnyðju

11:00                María Játvarðardóttir heldur fyrirlestur um hamingjuríkt uppeldi í Hnyðju

11:00-16:00       Tomas Ponzi á Galdrasafninu og teiknar andlitsmyndir myndir.

11:30-13:00       Trommunámskeið með Bangoura band í félagseimilinu. Tímapantanir í síma 663 0497

12:00                Ynja Mist Aradóttir opnar myndlistarsýningu í kaffistofunni í Hlakkarhúsinu

12:00                Kassabílarallý við Galdrasafnið. Hjálmaskylda og lögreglan verður á staðnum
12:00                Forsýning Turtle festival kvikmyndasýningar í Bragganum 

12:30-16:00        Hoppukastalar á Galdratúninu

13:00-16:00        Hamingjumarkaður í Fiskmarkaðnum

13:00-17:00        Hamingjudagskrá í Hvamminum

                                               13:00 Hamingjutónar, íbúar bjóða upp á skemmtun

                                               14:00 Leikhópurinn Lotta sýnir Litlu gulu hænuna           

                                               15:00 Hamingjuhlauparar mæta

                                               Hamingjuhlaðborð í boði íbúa  

                                               15:30     Bangoura band

                                               16:15     Hamingjutónar

14:00 og 17:00    Forsýning Turtle festival kvikmyndasýningar í Bragganum 

17:00-19:00        Opið hús hjá gestgjöfum, nánar auglýst síðar

21:00-23:00        Gunnar Þórðarson í Bragganum

00:00-03:00        Opið á Café Riis, DJ Yngvi Eysteins

 

Sunnudagur 28. júní

11:00                Polla- og pæjumót í knattspyrnu á Skeljavíkurgrundum

11:00                Útifjölskyldumessa í Tröllatungu

12:00-18:00       Sýningar opnar í Hnyðju og Hlakkarhúsinu

13:00                Furðuleikar á Sauðfjársetrinu í Sævangi