Lífland er meðal styrktaraðila Hamingjudaga þetta árið en þau gefa veglega vinninga í  Hnallþórukeppninni.

Lífland ræktar lýð og land. Þjónusta okkar sýnir ræktarsemi við grunnstoðir mannlífs um allt land. Með fjölbreyttu vöruúrvali og vísindalegum vinnubrögðum sköpum við góðan jarðveg fyrir hverskonar rækt; jarðrækt, búfjárrækt, nautgriparækt og hrossarækt....
Meira

Hinir árlegu Furðuleikar á Ströndum verða að venju haldnir á sunnudaginn um hamingjudagahelgina, þann 2. júlí og hefjast kl. 13:00. 

Þarna verður að venju mikið fjör og gleði fyrir alla fjölskylduna, Strandamenn, nærsveitunga og gesti sem koma saman og leika sér í furðulegum leikjum öllum til gleði og ánægjuauka. Skemmtilegar og árvissar keppnisgreinar eins og öskurkeppnin ógurlega og trjónufótboltinn verða á sínum stað og svo verður eitthvað nýtt og furðulegt í bland....
Meira

Árleg hefð hefur skapast fyrir messu í garðinum í Tröllatungu á Hamingjudögum.

Bændurnir í Tröllatungu réðust í mikla vinnu við að laga garðinn vegna viðhaldsleysis í mörg ár og vildu njóta þeirrar vinnu með öðrum.

Því messar séra Sigríður Óladóttir í Tröllatungu sunnudagsmorguninn 2. júlí kl 12:00. Mælt er með því að gestir taki með sér eigin stóla.

Á Hamingjudögum fer fram rallýkeppni sem Bifreiðaíþróttaklúbbur Reykjavíkur stendur fyrir.

Keppnin er önnur umferð Íslandsmótsins í ralli og reiknað er með um 20 áhöfnum að þessu sinni.  Eknar verða leiðir í nágrenni Hólmavíkur, Tröllatunguheiði ásamt leiðinni um Kaldrananes....
Meira

Húlladúllan yljar hátíðargestum á Hólmavík með eldheitu húllaatriði föstudagskvöldið 30. júní.

Á laugardeginum stígur hún svo á svið með stórskemmtilega húllasýningu og býður í kjölfarið viðstöddum að uppgötva dásemdir húllahringjanna í heljarinnar hamingjuhúllafjöri.

Húlladúllan verður með heila hrúgu af húllahringjum fyrir bæði stóra og litla og mun kenna öllum sem vilja að húlla.

Í lok húllafjörsins mun hún efna til keppni í húllaþrautakóngi og verður sigurvegarinn verðlaunaður með fallegum húllahring. 

Hljómsveitin Króm hefur skemmt landsmönnum með danstónlist í mörg ár enda vanur maður í hverju horni.

Lagavalið er fjölbreitt og fyrir flesta aldurshópa.

Króm verður í háspennustuði á Café Riis föstudags og laugardagskvöld á Hamingjudögum.
Miðaðverð er 2000 kr. og 18 ára aldurstakmark.

Mætið hress í partýgallanum og dansið með okkur fram á nótt!

Bókaútgáfan Salka var stofnuð í Reykjavík vorið 2000 og hefur síðan þá gefið út fjölda bóka um allt milli himins og jarðar. Hjá útgáfunni starfa Anna Lea Friðriksdóttir og Dögg Hjaltalín en þær eru jafnframt eigendur félagsins. 

Bókaútgáfan Salka mun veita verðlaun í Hnallþórukeppni Hamingjudaga þetta árið. Jafnframt mun útgáfan vera með sölubás á Hamingjumarkaðnum og standa fyrir bókakynningu ásamt Stefáni Gíslasyni um bók hans, Fjallavegahlaup.

...
Meira

Föstudaginn 30. júní klukkan 17:00 mun hátíðin Hamingjudagar sett í Steinshúsi á Snæfjallaströnd. 

Eftir setningu hátíðarinnar mun Gyrðir Elíasson stíga á stokk og lesa úr verkum skáldbróður síns jafnt sem sínum eigin. Gyrðir Elíasson hefur lengi verið í senn meðal virtustu og vinsælustu rithöfunda landsins, og á hann fjölbreyttan feril að baki....
Meira

Allt frá stofnun Kötlu, árið 1954, hefur fyrirtækið lagt áherslu á gæðavörur fyrir neytendur, en fyrirtækið sérhæfir sig einnig í framleiðslu og þróun lausna fyrir bakarí, kjötiðnað og fiskiðnað.

Katla mun veita verðlaun í Hnallþórukeppni Hamingjudaga eins og svo oft áður og þökkum við kærlega fyrir það.

...
Meira

DJ Dagur er á hraðri uppleið í heimi plötusnúða. Hann er aðeins 15 ára og er frá Jörva í Haukadal. Samhliða náminu, en hann verður brátt nemandi í VMA,  sinnir hann skátastarfi og starfi plötusnúðsins.

Dagur hefur til dæmis komið fram á SamVest og Samfestingnum í Laugardalshöll. Dagur spilar í sundlaugarpartýi fyrir unglinga á Hamingjudögum en það fer fram föstudaginn 30. júní.