Fundur var haldinn í fræðslunefnd mánudaginn 11. maí kl. 17.00 í Hnyðju. Eftirtaldir nefndarmenn mættu: Sigríður Guðbjörg Jónsdóttir, Steinunn Þorsteinsdóttir, Guðfinna Lára Hávarðardóttir og Vignir Rúnar Vignisson. Ágúst Þormar Jónsson mætti í forföllum Sigurðar Marínós Þorvaldssonar.

Fulltrúar beggja deilda skólans eru mættu kl. 17:00 en það eru Ingibjörg Alma Benjamínsdóttir aðstoðarleikskólastjóri, Kristín Anna Olsen fyrir hönd starfsmanna leikskóladeildar og Esther Ösp Valdimarsdóttir fyrir hönd foreldra.  Hrafnhildur Guðbjörnsdóttir skólastjóri, Kolbrún Þorsteinsdóttir fulltrúi grunn- og tónskóladeildar.

Dagskrá

Sameiginleg málefni deilda

1. Starfslýsingar og skipurit sameinaðs skóla – endurbætt útgáfa

Farið var yfir starfslýsingar skólastjóri, aðstoðarleikskólastjóra, umsjónarmanns sérkennslu og aðstoðartónlistarskólastjóra. Nefndin leggur til orðalagsbreytingar á starfslýsingu skólastjóra. Nefndin leggur til að sveitarstjórn samþykki starfslýsingarnar.

Skólastjóri kynnir lauslega starfslýsingar annarra starfa innan skólans sem eru í vinnslu. Ákveðið að klára lýsingarnar og taka þær aftur fyrir á næsta fundi í ágúst.

Skipurit skólans yfirfarið. Nefndin leggur til að matráði og ræstitækni verði bætt í skipuritið undir Önnur störf. Einnig að frístund verði breytt í frístundaleiðbeinanda. Nefndin leggur til að sveitarstjórn staðfesti skipurit sameinaðs skóla.

2. Niðurstöður úr innra mati grunnskóladeildar annar þáttur - úrbótaáætlun seinni hluti, drög að niðurstöðum.

Verkefnið er í vinnslu og segir skólastjóri stuttlega frá stöðu mála og áætluð lok í júní. Tafir hafa verið vegna Covid-19 en góður gangur er í verkefninu. Ytra mat á grunnskólanum átti að vera um miðjan mars en var frestað til haustins 2020. Vinna heldur áfram og verður tekið fyrir aftur á næsta fundi fræðslunefndar í ágúst.

3. Starfsáætlun fræðslunefndar 2020-2021 kynnt

Nefndin fór yfir áætlunina og verður henni fylgt 2020-2021.

4. Samningur um skólamáltíðir

Rætt um núverandi samning og mögulegt útboð. Meirihluti nefndarinnar vill semja aftur við Café Riis en leggur til smávægilegar breytingar á samningi. Nauðsynlegt er að fylgja bæði fyrirmælum er snúa að leik- og grunnskólabörnum s.s. Handbók um leikskólaeldhús. Einnig vill nefndin að reynt sé eftir fremsta megni að kaupa hráefni til matargerðar í heimabyggð sé þess kostur.

Grunnskóladeild

5. Niðurstöður samræmdra prófa

Samræmd próf voru tekin í mars. Niðurstöður eru komnar og eru þær í samræmi við landsniðurstöður.

Fleira ekki gert, fundi slitið kl. 18.14