A A A

Valmynd

Fréttir

Skólastarf

Umhverfis- og skipulagsnefnd - 16. október 2014

Fundur var haldinn í Umhverfis- og skipulagsnefnd Strandabyggðar  fimmtudaginn

16. október  2014,  kl. 17:00 á skrifstofu sveitarfélagsins.

Fundinn sátu:  Jón Gísli Jónsson formaður, Hafdís Sturlaugsdóttir, Valgeir Örn Kristjánsson, Hlíf Hrólfsdóttir, Jóhann Björn Arngrímsson og Gísli Gunnlaugsson byggingarfulltrúi sem ritaði fundargerð.

 

 

Á dagskrá fundarins var eftirfarandi:

 

  1. 1.      Brekkusel.

Erindi frá Sævari Benediktssyni þar sem hann fyrir hönd Bjarnveigar ehf. sækir um leyfi, til að deiliskipuleggja land við Brekkusel fyrir þrjú sumarhús og vinnustofu, samkvæmt meðfylgjandi afstöðumynd.

 

Umhverfis- og skipulagsnefnd samþykkir erindið en bendir á að líklegt sé að gera þurfi minniháttar breytingar á aðalskipulagi samhliða vinnu við deiliskipulagið.

 

  1. 2.      Hafnarbraut 11

Umsókn frá Aðalbjörgu þorsteinsdóttir þar sem hún sækir um leyfi til að breyta húsinu að Hafnarbraut 11 í íbúðarhús.  Húsið er byggt sem atvinnuhús (sögunarhús) en er nú skráð sem geymsla.

 

Umhverfis- og skipulagsnefnd samþykkir erindið.  Byggingarleyfi verður gefið út þegar borist hafa teikningar af húsinu, í samræmi við gildandi byggingarreglugerð.

 

  1. 3.      Hafnarbraut 15

Erindi frá Aðalbjörgu Þorsteinsdóttir eins eigenda Hafnarbrautar 15 vegna grenitrjáa sem standa á lóðinni Hafnarbraut 17 og ná yfir á lóðina við Hafnarbraut 15.  

 

Erindið lagt fram til kynningar.

 

 

  1. 4.      Skíðaskáli

Lagðar fram teikningar af skíðaskála sem Skíðafélag Strandamanna óskar eftir að fá að reisa á lóð sinni Brandsholti í landi Geirmundarstaða.

 

Erindið samþykkt.  Nefndin telur æskilegt að annað salernið verði þannig útbúið að það nýtist hreyfihömluðum.

 

 

                       

  1. 5.      Matjurtargarðar

Erindi frá 7 einstaklingum vegna útleigu á matjurtargörðum í Skeljavík.

 

Umhverfis- og skipulagsnefnd beinir því til sveitarstjórnar að starfsmönnum áhaldahússins verði falið að skipuleggja og útbúa matjurtargarða til útleigu.

 

  1. 6.      Önnur mál

Borgabraut 25.

Erindi frá Birgi H. Péturssyni þar sem hann tilkynnir byggingu 15 m2 geymsluhúss á lóð sinni Borgabraut 25 samkvæmt grein 2.3.5. í byggingarreglugerð.

 

 

 

Jón Gísli Jónsson

Hafdís Sturlaugsdóttir

Valgeir Örn Kristjánsson

Hlíf Hrólfsdóttir

Jóhann Björn Arngrímsson

Gísli Gunnlaugsson

Könnun

Facebook

Atburðadagatal

Næstu atburðir

Vefumsjón