Félagsmiðstöðin Ozon verður með kökusölu og mannlegt bókasafn  í anddyri Kaupfélagsins í dag, miðvikudaginn 5. nóvember, milli klukkan 16 og 18. Tilefnið er félagsmiðstöðvardagurinn sem haldinn er hátíðlegur um land allt í dag. Markmið félagsmiðstöðvadagsins er að gefa áhugasömum færi á að kynnast því sem fer fram í félagsmiðstöðvum, unglingunum og þeim viðfangsefnum sem þeir fást við með stuðningi starfsfólks félagsmiðstöðvanna.

...
Meira

Ákveðið hefur verið að blása til smásagna- og ljóðakeppni í tilefni af bókmennta- og ljóðahátíðinni Bókavík sem haldin verður í Strandabyggð 17.-23. nóvember næstkomandi.

Dómnefndin er ekki af verri endanum en hana skipa Andri Snær Magnason rithöfundur og Eiríkur Örn Norðdahl rithöfundur og skáld en báðir hafa þeir unnið til Íslensku bókmenntaverðlaunanna fyrir verk sín. Auk þeirra mun strandastúlkan Bára Örk Melsted sitja í dómnefnd en hún sigraði einmitt í ljóðasamkeppni grunnskólabarna á Vestfjörðum í fyrravetur....
Meira

Eftirfarandi ályktun frá sveitarstjórn Strandabyggðar hefur verið send Sigurði Inga Jóhannssyni sjávarútvegs- og landbúnaðarráðherra ásamt formlegri ósk um fund til að fara yfir stöðu mála og til að leita lausna.

Efni: Ályktun sveitarstjórnar Strandabyggðar vegna alvarlegrar stöðu smábátaútgerðar í sveitarfélaginu
Sveitarstjórn Strandabyggðar vill vekja athygli sjávarútvegsráðherra á grafalvarlegri stöðu smábátaútgerðar í Strandabyggð en svo virðist sem atvinnuvegurinn sæti harðri aðför „kerfisins“ með fjölbreytilegum og margþættum aðgerðum sem miða að því að knésetja smáútgerðir í stórum stíl.

...
Meira

Gísli Sverrir Halldórsson dýralæknir í Búðardal, sinnir hreinsun á hundum miðvikudaginn 5. Nóvember n.k. í Áhaldahúsinu milli kl. 15 og 18.  Kattareigendur eru einnig minntir á nauðsyn þess að láta hreinsa ketti sína en það er þó ekki innifalið í leyfisgjaldi. Hunda og kattaeigendur í Strandabyggð eru hvattir til að mæta og nýta sér þjónustuna.

 

Þeir sem óska eftir annari dýralæknisþjónustu er velkomið að hafa samband við Gísla  í síma : 434-1122 eða 862-9005.

Vonbrigði og reiði lýsa best viðbrögðum og tilfinningum stjórnenda Strandabyggðar og íbúa sveitarfélagsins eftir að Arionbanki tilkynnti um lokun útibús bankans á Hólmavík. Þess má geta að útibúið á Hólmavík er eina útibú Arionbanka á Vestfjörðum. Starfsmönnum bankans sem missa störf sín í þessum aðgerðum er auðvitað illa brugðið og er staða þeirra mjög slæm þar sem ekki er um auðugan garð að gresja þegar kemur að lausum störfum í sveitarfélaginu....
Meira