A A A

Valmynd

Fréttir

Skólastarf

Umsóknir í Tónskólann fyrir nćsta skólaár - fyrir börn og fullorđna

Bragi Ţór Valsson | 11. maí 2021
Nú hefur verið opnað fyrir umsóknir fyrir nám í Tónskólanum á Hólmavík veturinn 2021-2022: http://tiny.cc/TonskSkraning2021
 
Lokað verður fyrir skráningu kl. 16:00 föstudaginn 28. maí 2021 og gengið frá nemendalistum fyrir haustið. Ef einhver pláss eru enn laus eftir það verður opnað aftur fyrir skráningar fyrrihluta ágústmánaðar. Vakin er athygli á því að þegar umsókn hefur verið samþykkt er nemandinn skráður í Tónskólann allt skólaárið, bæði haustönn og vorönn. Núverandi nemendur þurfa einnig að skila inn umsókn vilji þeir halda áfram tónlistarnámi.
 
Athugið að ekki er víst að hægt verði að koma öllum umsækjendum að á þau hljóðfæri sem þeir sækja um og reglan sem kemur til með að gilda er “fyrstur sækir um, fyrstur fær”. Nemendur á grunnskólaaldri hafa forgang af þeim sem skrá sig fyrir 28. maí en aðrir grunnskólanemendur (sem eru skráðir síðar) fara aftast á listann, fyrir aftan fullorðna umsækjendur sem sóttu um fyrir 28. maí.
 
Boðið verður upp á einkatíma fyrir elsta árgang leikskólans (eingöngu blokkflauta í boði), alla árganga grunnskólanna á Hólmavík og Drangsnesi (athugið mismunandi lágmarksaldur fyrir mismunandi hljóðfæri) og einnig fyrir fullorðna. Allir grunnskólanemendur í 4. bekk og eldri verða einnig í tónfræði einu sinni í viku. Hóptímar verða í boði sem áður fyrir leikskólanemendur.
 
Leikskólabörn fá einn sameiginlegan tíma í viku og einn einkatíma. Börn í 1. og 2. bekk fá tvo 20 mínútna tíma á viku og eldri börn og fullorðnir fá tvo 30 mínútna tíma á viku, ef miðað er við fullt nám.
 
Einnig verður skólakór í boði fyrir nemendur í 2. til 6. bekk, samspil fyrir nemendur í 1. til 4. bekk og rokkband fyrir nemendur í 7.-10. bekk.
 
Hljóðfæra- og söngnámið sem er í boði:
 
Blokkflauta
Fiðla
Gítar
Rafbassi (4.bekkur yngst)
Píanó
Popppíanó (5. bekkur yngst)
Einsöngur (3. bekkur yngst)
Klarinett (3. bekkur yngst)
Saxófónn (4. bekkur yngst)
Trommur (2. bekkur yngst)
Þverflauta (4. bekkur yngst)
 
Kostnaður við námið kemur fram í gjaldskrá Strandabyggðar: http://www.strandabyggd.is/stjornsysla/gjaldskrar/skra/2059/
 
Skráning fer fram hér: http://tiny.cc/TonskSkraning2021
 
Fyrirspurnum má beina til aðstoðartónlistarskólastjóra í tölvupóstfangið bragi (hjá) strandabyggd.is

Könnun

Facebook

Atburđadagatal

Nćstu atburđir

Vefumsjón