Starf sveitarstjóra í Strandabyggð er laust til umsóknar og er leitað eftir kraftmiklum og áhugasömum einstaklingi til að takast á við krefjandi verkefni.

Í Strandabyggð búa rúmlega 500 íbúar og er Hólmavík þéttbýlisstaðurinn. Atvinnulíf í sveitarfélaginu er fjölbreytt og skólastarf öflugt, grunnskóli, leikskóli og tónskóli. Nánari upplýsingar um Strandabyggð er að finna á vefsíðunni www.strandabyggd.is.

Starfsvið sveitarstjóra:

• Daglegur rekstur sveitarfélagsins og ábyrgð á framkvæmd ákvarðana sveitarstjórnar
• Yfirumsjón með skipulagi og virkni stjórnsýslu sveitarfélagsins og starfsmannamálum
• Náið samstarf við sveitarstjórn, undirbúningur og upplýsingagjöf á fundum sveitarstjórnar
• Annast upplýsingamiðlun og samskipti við samstarfsaðila, stofnanir, samtök, fyrirtæki og íbúa
• Að gæta hagsmuna Strandabyggðar út á við, vera talsmaður sveitarstjórnar og vinna að framfaramálum
• Stefnumarkandi vinna og mótun framtíðarsýnar í ólíkum málaflokkum

 

Helstu kostir sveitarstjóra:

• Hæfni í mannlegum samskiptum
• Leiðtogahæfni, frumkvæði og hugmyndaauðgi
• Hæfni til að tjá sig í ræðu og riti
• Áhugi á uppbyggingu samfélagsins, kynningarmálum, ímynd og stefnumótun
• Reynsla af bókhaldi, stjórnun og rekstri
• Þekking á sveitastjórnarmálum og opinberri stjórnsýslu.
• Háskólamenntun sem nýtist í starfi

 

Nánari upplýsingar: Rannveig Jóna Haraldsdóttir, rannveig@hagvangur.is Umsóknarfrestur: Til og með 12.6.2012

Athugið: Í fyrstu auglýsingu Hagvangs var röng dagsetning, umsóknarfrestur er til og með 12. júní 2012 en ekki 11. júní eins og þar kom fram.