A A A

Valmynd

Fréttir

Skólastarf

Skjalavarsla á Ströndum og Reykhólahreppi

| 13. september 2011
Mynd af vefnum frá hérađsskjalasafni.
Mynd af vefnum frá hérađsskjalasafni.

Nú stendur yfir námskeið um skjalavörslu á vegum Þjóðskjalasafns Íslands (ÞÍ) í Félagsheimilinu á Hólmavík fyrir sveitarfélög á Ströndum og Reykhólahreppi. Á námskeiðinu er meðal annars verið að fara yfir afhendingarskyldu á gögnum og frágang skjalasafna. Sveitarfélög og stofnunum þeirra ber skylda til að afhenda skjöl sín Þjóðskjalasafni Íslands ef þau eru ekki aðilar að héraðsskjalasafni. Aðeins 22 sveitarfélög á Íslandi eru ekki aðilar að héraðsskjalasöfnum og eru sveitarfélögin á Ströndum og Reykhólahreppur meðal þeirra. 

Nýjar reglur hafa verið settar um frágang og skráningu pappírsskjala og gerð geymsluskrár fyrir skilaskylda aðila og er hægt að nálgast þær á www.skjalasafn.is. Sveitarfélagið Strandabyggð er að innleiða erindakerfið One Systems sem er liður í að efla skjalavörslu og utanumhald um erindi og mál sem tekin eru fyrir í sveitarfélaginu. Mikil vinna er framundan við skráningu gagna.

Eftirfarandi aðilar eru einnig skyldir að afhenda skjöl sín til Þjóðskjalasafns skv. 5. gr. laga um ÞÍ: ,,Embætti forseta Íslands, Alþingi, Hæstiréttur, Stjórnarráðið og þær stofnanir sem undir það heyra, svo og aðrar stofnanir ríkisins, fyrirtæki í eigu ríkisins, félagasamtök sem fá meirihluta rekstrarfjár síns með framlagi á fjárlögum og félög sem njóta verulega styrks af opinberu fé". Þjóðskjalasafni Íslands er einnig heimilt að taka við gögnum annarra en afhendingarskyldra aðila.

Könnun

Facebook

Atburđadagatal

« Nóvember 2017 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón