A A A

Valmynd

Fréttir

Skólastarf

Sigurganga í Flandrasprettum

Esther Ösp Valdimarsdóttir | 23. mars 2017
Sigurvegarar stigakeppninnar ásamt skipuleggjendum
Sigurvegarar stigakeppninnar ásamt skipuleggjendum

Hlaupahópurinn Flandri í Borgarnesi stendur fyrir mánaðarlegum Flandraspretti þriðja fimmtudagskvöld í hverjum mánuði frá október til mars. Vegalengdin er 5 km með upphaf og endi við Íþróttamiðstöðina í Borgarnesi. Hlaupið er innanbæjar í Borgarnesi á upplýstum götum og gangstéttum, frá íþróttamiðstöðinni, áleiðis norður nesið og svipaða leið til baka. Keppt er í aldursflokkunum 18 ára og yngi, 19-39 ára, 40-49 ára og 50 ára og eldri. Keppt er í stigafjölda yfir allan veturinn og samanlagður stigafjöldi í öllum hlaupunum sex segir til um röðina í heildarstigakeppni vetrarins.

Þrátt fyrir vegalengdir og vetrarfærð hafa Strandamenn verið iðnir við þátttöku í Flandrasprettum, ekki síst hlaupahópurinn Margfætlurnar, enda er Strandamaðurinn Stefán Gíslason einn forkálfa Flandra. Í síðasta Flandraspretti tóku hvorki meira né minna en 10 einstaklingar búsettir á Ströndum þátt og voru sigursælir í þokkabót.

Eftirfarandi Strandamenn hlutu verðlaun í stigakeppnivetrarins:
Árný Helga Birkisdóttir varð stigahæst yfir árið í flokki stúlkna, 18 ára og yngri.
Stefán Þór Birkisson varð stigahæstur yfir árið í flokki drengja, 18 ára og yngri.
Vala Friðgeirsdóttir varð stigahæst yfir árið í flokki kvenna, 40-49 ára.
Auk þess hlutu Esther Ösp, Birkir og Vala öll útdráttarverðlaun.

Við óskum öllum sigurvegurum innilega til hamingju með árangurinn.

Könnun

Facebook

Atburđadagatal

« Júlí 2017 »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir

Vefumsjón