A A A

Valmynd

Fréttir

Skólastarf

Húsnæði til leigu á Hólmavík

| 08. apríl 2014

Sveitarfélagið Strandabyggð auglýsir tvær íbúðir lausar til útleigu.

 

Annarsvegar er það íbúð að Hafnarbraut 19 (íbúð á annarri hæð ofan við Sparisjóð Strandamanna). Íbúðin er til útleigu í þrjá mánuði eða til 31. júlí 2014. Um er að ræða 151 m2 rúmgóða 5 herbergja íbúð. Íbúðin er laus nú þegar.

Jafnframt er íbúðin að Skólabraut 16, neðri hæð auglýst laus til umsóknar í ótilgreindan tíma. Í íbúðinni er hjónaherbergi og auk þess lítið aukaherbergi, baðherbergi með sturtu, þvottahús og alrými með stofu og eldhúsi. Íbúðin er laus nú þegar.

Umsóknir um leiguhúsnæði skulu berast skrifstofu Strandabyggðar Höðagötu 3, 510 Hólmavík eða í tölvupósti á strandabyggd@strandabyggd.is. fyrir kl. 12:00 þriðjudaginn 22. apríl 2014.  Umsóknareyðublöð má finna á www.strandabyggd.is (neðst í hægra horninu undir liðnum „Umsóknir“).

---------------------------------------------------------------------------------------------- 

Reglur um útleigu á íbúðarhúsnæði í eigu sveitarfélagsins Strandabyggðar

Samþykktar í sveitarstjórn Strandabyggðar 21. júní 2011

  1. Strandabyggð getur leigt út íbúðarhúsnæði í eigu sveitarfélagsins, bæði tímabundið og ótímabundið. Gerðir eru skriflegir samningar við leigutaka og er miðað við þriggja mánaða uppsagnarfrest af beggja hálfu. Heimilt er að tengja leigugjald við vísitölu. Leigugjald skal taka mið af verði á almennum markaði á svæðinu og jafnframt stærð, aldri, gerð og ástandi húsnæðis.
  2. Sveitarfélagið áskilur sér rétt til að breyta leiguverði samkvæmt ákvörðun sveitarstjórnar. Tilkynna skal leigutökum um slíkt áður en breytingin tekur gildi með þriggja mánaða fyrirvara.
  3. Sveitarstjórn getur tekið ákvörðun um að selja leiguíbúðir og íbúðarhús í eigu sveitarfélagsins. Skylt er að tilkynna leigutaka um slíka ákvörðun þegar hún liggur fyrir.
  4. Þegar íbúðarhúsnæði losnar er meginregla að það tiltekna húsnæði skuli auglýst opinberlega til leigu og óskað eftir umsóknum. Þeir sem þegar hafa lýst yfir áhuga á leiguhúsnæði í eigu sveitarfélagsins þurfa að endurnýja umsókn sínar hverju sinni. Miða skal við að auglýsing sé uppi á viðteknum stöðum í sveitarfélaginu og jafnframt birt á vef Strandabyggðar í að minnsta kosti 10 daga áður en umsóknarfrestur rennur út. Í einstökum tilfellum getur sveitarstjórn vegna sérstakra aðstæðna tekið formlega ákvörðun um að fyrirkomulag sé annað.
  5. Áður en íbúðarhúsnæði í eigu sveitarfélagsins er úthlutað til leigu skal leita eftir umsögn félagsmálastjóra Stranda og Reykhólahrepps um hvort þörf sé fyrir úthlutun þess á grundvelli félagslegra aðstæðna og sjónarmiða.
  6. Sveitarstjórn skal á fundi sínum fjalla um og úthluta leiguíbúðum samkvæmt fyrirliggjandi umsóknum með hliðsjón af aðstæðum umsækjenda.
  7. Fara skal með umsóknir sem trúnaðarmál

Könnun

Facebook

Atburðadagatal

Næstu atburðir

Vefumsjón