#Bókavík er nú afstaðin og vakti hún heldur betur lukku.
Allir opnir viðburðir fóru fram í gegn um Facebook, má þar nefna höfundakynningar, vísubotnun og upplestra á fjölbreyttu efni fyrir allan aldur og á fjölmörgum tungumálum. Auk þess veitti Bókavík innblástur í hin ýmsu verkefni í skólum og frístundastarfi sveitarfélagsins.
Uppátækið vakti sannarlega athygli  á samfélaginu okkar, margbreytileika þess og þeim innblæstri sem Strandir hafa verið höfundum í gegn um tíðina.
Enn er hægt að skrá sig í bókaklúbb, senda inn myndir af sér með sína uppáhalds barnabók, rita dagbókarfærslu eða bæta við okkar sameiginlegu sögu. 
Hlekki á allt þetta má finna á Facebooksíðunni Bókavík ásamt upptökum frá flestum viðburðum. 
Enn fremur mun koma nýtt efni inn á síðunni endrum og sinnum og því um að gera að fylgjast vel með og bera fram hugmyndir ef einhverjar kvikna.