Þann 30. apríl var haldinn fundur sveitarstjórnarmanna og fulltrúa ríkisvaldsins á Vestfjörðum um fjarskipta- og samgönguáætlanir til næstu tólf ára. Á fundinum upplýsti Hreinn Haraldsson vegamálastjóri að frá og með næsta hausti yrði mokstursdögum fjölgað á Djúpvegi nr. 61 þannig að mokað verður alla sjö daga vikunnar, m.a. um Arnkötludal og Steingrímsfjarðarheiði.