Fundargerð

Fundur var haldinn í Umhverfis- og skipulagsnefnd Strandabyggðar  mánudaginn 9.sept. 2019,  kl. 17:00  í Hnyðju.

Fundinn sátu:  Aðalbjörg S. Sigurvaldadóttir, Jóhann Björn Arngrímsson, Júlíana Ágústsdóttir, Röfn Friðriksdóttir, Grettir Örn Ásmundarson byggingarfulltrúi og Þórður Már Sigfússon, skipulagsfulltrúi, sem ritaði fundargerð.

Á dagskrá fundarins var eftirfarandi:

1.     Lækjartún 9. Fyrirhuguð bygging á lóð númer 9 í Lækjartúni. Tekið til umræðu.

Umhverfis- og skipulagsnefnd leggur til við sveitarstjórn að samþykkja erindið en bendir á að fyrirhuguð grenndarkynning verði stytt niður í tvær vikur. Nefndin fagnar erindinu.

2.     Gröf í Bitrufirði. skipting lóðar og lausn úr landbúnaðarnotkun.

Umhverfis- og skipulagsnefnd leggur til við sveitarstjórn að erindið verði samþykkt og að sótt verði um breytingu til Atvinnuvega- og nýsköpunarráðuneytið um lausn úr landbúnaðarnotkun.

3.     Þórhildur Hinriksdóttir sótt um leyfi fyrir framkvæmdum í landi Kálfaness.

Lagt fram til kynningar. Byggingafulltrúi óskar eftir frekari og ítarlegri gögnum.

4.     Strandakúnst sótt um endurnýjun á stöðuleyfi.

Umhverfis- og skipulagsnefnd leggur til við sveitarstjórn að erindið verði samþykkt. Nefndin leggur til að stöðuleyfið gildi í eitt ár.

5.     Skeljavík ósk um lóð í Skeljavík, til umræðu.

Umhverfis- og skipulagsnefnd leggur til að skoðað verði eignarhald á umræddu svæði áður en hægt er að taka afstöðu til erindisins.

6.     Skeljavík athugun á breytingu sumarhúss í íbúðarhús.

Umhverfis- og skipulagsnefnd leggur til að það komi formlegt erindi um málið.

7.     Minnisblað um fegrun Hólmavíkur. Minnisblað sveitarstjóra til US nefndar um fegrun Hólmavíkur.

Umhverfis- og skipulagsnefnd fagnar erindinu.

8.     Örnefnanefnd. Bréf frá nefndinni um „ensk nöfn á íslenskum stöðum“, til umræðu.

Umhverfis- og skipulagsnefnd tekur undir erindið.

9.     N1 staðsetning tækjaskúrs.

Umhverfis- og skipulagsnefnd felur formanni að athuga með stöðu mála á næsta sveitarstjórnarfundi.

10.   Undirbúningur vegna aðalskipulagsgerðar til umræðu.

Skipulagsfulltrúi kynnti fyrir nefndinni fyrirhugaðan undirbúning við gerð nýs aðalskipulags.

11 Skilti og umferðarsamþykkt umræða.

Umhverfis- og skipulagsnefnd leggur til að þessu máli verði frestað til næsta fundar nefndarinnar.

12.  Önnur mál

Íbúi við Hafnarbraut óskar eftir lagfæringu á hættulegum grjótkanti við Vitabraut þar sem grjót veltur niður á íbúðarhús við Hafnarbraut.

Fundi slitið kl. 19:05.