A A A

Valmynd

Fréttir

Skólastarf

Velferđarnefnd Stranda og Reykhóla fundur 7. júní 2023

Velferðarnefnd Stranda og Reykhóla, 7. júní 2023
51. fundur í Velferðarnefnd Stranda og Reykhólahrepps. Haldinn miðvikudaginn 7. júní 2023. Fundurinn hófst kl. 16 og var haldinn sem fjarfundur og staðarfundur. Fundi slitið kl. 16.53.
Á fundinn mættu; Hlíf Hrólfsdóttir (Strandabyggð), Ingibjörg Sigurðardóttir (Strandabyggð), Hildur Aradóttir (Kaldrananeshreppi), Oddný Snjólaug Þórðardóttir (Árneshreppi) og Hrefna Jónsdóttir (Reykhólahreppi) á TEAMS. Að auki sat fundinn Soffía Guðrún Guðmundsdóttir, félagsmálastjóri sem jafnframt ritar fundargerð. Hlíf Hrólfsdóttir formaður nefndarinnar stýrði fundi.

Dagskrá:

1. Afgreiðsla félagsmálastjóra frá síðasta fundi.
Engar afgreiðslur frá síðasta fundi.

2. Care-On.
Hjördís er búin að prufa kerfið og ætlunin var að annar starfsmaður Félagsþjónustunnar prufaði það en því miður var það ekki hægt þar sem Care-On appið er ekki komið í iphone og umræddur starfsmaður notar Iphone. Ákveðið að salta þetta fram á haustið.

3. Breytingar á Barnaverndarþjónustu og þjónustu við fatlað fólk.
Strandabyggð verður í samstarfi með Vestfjörðum um þessi málefni og verður aðili að velferðarþjónustu Vestfirðinga, öll önnur sveitarfélög hafa samþykkt samninginn. Samningurinn er í barna- og menntamálaráðuneytinu og ætti að vera tilbúin í júní. Þegar það er komið þá er hægt að gera viðauka um að bæta Strandabyggð við í samninginn. Þetta verður hugsanlega ekki tilbúið fyrr en i ágúst. Á meðan þetta er ekki inni þá er félagsþjónustan ábyrg fyrir því að það komi upp barnaverndarmál, það eru engar bakvaktir eins og er í barnaverndarþjónustunni. Hlíf verður á landinu mestallan júlí. Nefndin samþykkir að félagsmálastjóri og Hlíf skoði lausn á þessu i sameiningu.

4. Önnur mál
Heimasíða Strandabyggðar og félagsþjónustunnar
Þyrfti að uppfæra, format úrelt. Þetta verður rætt í sveitarstjórn Strandabyggðar en nær öll önnur sveitarfélög hafa uppfært sínar síður.

Starfsmannamál félagsþjónustunnar
Búið að manna liðveislustörf í sumar, vantar hugsanlega í heimaþjónustu seinna í sumar. Starfsmaður atvinnu með stuðningi býr í Ozon, spurning hvort það sé löglegt, t.d. í sambandi við brunavarnir. Félagsmálastjóri kannar þetta.

Bréf frá Lögreglunni vegna beiðni um samstarf í málum sem varða heimilisofbeldi Dagsett 13. Mars 2023, sjá meðfylgjandi bréf.
Velferðarnefnd tekur vel í erindi bréfsins, sveitarstjórnir Reykhólahrepps og Kaldrananeshrepps hafa staðfest samstarfið Hlíf kemur erindinu á framfæri við sveitarstjórn Strandabyggðar og Oddný kemur þessu á framfæri við sveitarstjórn Árneshrepps.

Næsti fundur áætlaður í lok september.
Ekki var fleira tekið fyrir og fundi slitið kl. 16.53.

Hlíf Hrólfsdóttir, sími 690-3516
Ingibjörg Sigurðardóttir 847-4415 
Oddný Snjólaug Þórðardóttir, sími 661-3477
Hildur Aradóttir, 848-4641
Hrefna Jónsdóttir 845-5751

Könnun

Facebook

Atburđadagatal

Nćstu atburđir

Vefumsjón