A A A

Valmynd

Fréttir

Skólastarf

Menningarmálanefnd - 23. feb. 2009

Fundur var haldinn í Menningarmálanefnd, mánudaginn 23. febrúar 2009, á skrifstofu sveitarfélagsins og hófst hann klukkan 17:00.  Mætt voru: Arnar S. Jónsson formaður, Rúna Stína Ásgrímsdóttir, Jón Halldórsson, Kristín Sigurrós Einarsdóttir og Jóhanna Ása Einarsdóttir. Kristín Sigurrós Einarsdóttir ritaði fundargerð. 

Formaður setti fundinn og gengið var til dagskrár.


1. Norrænt vinabæjarmót í Hole í ágúst 2008 - greinargerð.
2. Erindi um formlegt vinabæjarsamstarf við sveitarfélagið Faborg-Midtfyn.
3. Skýrsla um Hamingjudaga 2008.
4. Hamingjudagar 2009.
5. Verkefni um söguskilti á Hólmavík.


1. Norrænt vinabæjarmót í Hole í ágúst 2008 - greinargerð.
Rúna Stína las upp greinargerð vegna vinabæjarmótsins sem hún sótti ásamt fjórum öðrum fulltrúum Strandabyggðar. Fram kom í því samhengi að undirbúningur norræna samspilsdaga sem haldnir verða á Hólmavík um miðjan maí stendur sem hæst. Fimm manna nefnd starfar að málinu en hana skipa skólastjórar Grunnskólans, starfsmenn Tónskólans ásamt Rúnu Stínu sem er fulltrúi sveitarstjórnar.


2. Erindi um formlegt vinabæjarsamstarf við sveitarfélagið Faborg-Midtfyn.
Rúna Stína hafði áður gert grein fyrir þessu máli í tölvupósti til nefndarmanna, en borist hafði erindi frá Nils Kronvold þar sem hann óskaði eftir formlegu erindi frá sveitarfélaginu um vilja til áframhaldandi vinabæjarsamskipta. Vinabærinn Arslev hefur nú sameinast viðkomandi sveitarfélagi. Nefndarmenn hafa skipst á skoðunum í tölvupósti og fram kom eindreginn vilji til að halda áfram samskiptum, en Strandabyggð hefur þegar brugðist við erindi Nils.


3. Skýrsla um Hamingjudaga 2008.
Rætt var um skýrslu Brynju Bjarnfjörð Magnúsdóttur framkvæmdastjóra Hamingjudaga 2008. Í skýrslunni er rakið hvernig hver og einn dagskrárliður gekk fyrir sig, ásamt undirbúningi hátíðarinnar og fjármálahlið. Er vísað í skýrsluna í því samhengi. Nefndarmenn ræddu síðan um hátíðina almennt. M.a. kom fram að funda þyrfti eigi síðar en að hálfum mánuði eftir að hátíðinni lýkur. Þá var rætt um veðrið, ósanngjarna   fjölmiðlaumræðu og breytingar sem urðu á dagskrá á síðustu stundu, þannig að sumir auglýstir dagskrárliðir voru ekki. Þá var rætt um fylgifiska þess að þurfa að halda hátíðina innan dyra. Þar má m.a. nefna að hljóðmálin voru afleit bæði á skemmtun að deginum og kvöldinu. Sala á merktum vörum (bolir og sundpokar) var með minna móti og e.t.v. er sá markaður að verða mettur.


4. Hamingudagar 2009.

Nú liggur fyrir að hátíðin fékk milljón króna framlag á fjárhagsáætlun. Lýsir nefndin yfir ánægju sinni með þá ákvörðun. Arnar hefur rætt við sveitarstjóra um að ráðning á framkvæmdastjóra Hamingjudaga færist yfir til sveitarstjórnar. Telur nefndin eðlilegt að svo sé, líkt og með aðrar ráðningar hjá sveitarfélaginu. Ítrekar nefndin þó að auglýsa þurfi stöðuna sem allra fyrst þannig að hægt verði að ganga frá ráðningu upp úr miðjum marsmánuði. Nefndin leggur til að hátíðin verði haldin helgina 3.-5. júlí í sumar.


5. Verkefni um söguskilti á Hólmavík.
Fengist hafa styrkir til þessa verkefnis og nefndin hefur lokið undirbúningsvinnu. Lagði Arnar til að verkefninu, ásamt öllum gögnum sem það varðar, verði vísað áfram til sveitarstjórnar. Arnar tekur að sér að koma gögnunum áleiðis. Ónýtt af fjármagni í þetta verkefni eru 900.000 krónur og þarf að hrinda verkefninu í framkvæmd.


Fleira ekki gert, fundi slitið kl. 18:55.

Kristín Sigurrós Einarsdóttir (sign)   
Jón Halldórsson (sign)
Jóhanna Ása Einarsdóttir (sign)        
Arnar Snæberg Jónsson (sign)
Rúna Stína Ásgrímsdóttir (sign)       

Könnun

Facebook

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón