A A A

Valmynd

Fréttir

Skólastarf

Sveitarstjórnarfundur 1311 í Strandabyggđ, 10.11.20

Sveitarstjórnarfundur 1311 í Strandabyggð

Fundur nr.  1311 í sveitarstjórn Strandabyggðar var haldinn þriðjudaginn 10. nóvember 2020 í Hnyðju, Höfðagötu 3. Fundurinn hófst kl. 16:04. Eftirtaldir sveitarstjórnarmenn sátu fundinn:  Jón Gísli Jónsson, Ásta Þórisdóttir, Eiríkur Valdimarsson, Guðfinna Lára Hávarðardóttir og Jón Jónsson.  Pétur Matthíasson boðaði forföll.  Gestur á fundinum: Salbjörg Engilbertsdóttir.  Þorgeir Pálsson ritaði fundargerð.

 

Fundardagskrá er svohljóðandi:

 

  1. Ákvörðun um notkun fjarfunda sveitarstjórnar og nefnda sveitarfélagsins
  2. Fjárhagsáætlun 2021 og 3ja ára áætlun 2022-2024, 1. umræða
  3. Ákvörðun um útsvarsprósentu 2021
  4. Hitaveita - TRÚNAÐARMÁL
  5. Viðauki við fjárhagsáætlun 2020 – skerðing framlaga Jöfnunarsjóðs
  6. Fundargerðir nefnda
    1. Velferðarnefnd frá 15.10.20
    2. Ungmennaráð frá 09.11.20
  7. Forstöðumannaskýrslur
  8. Strandir.is, tilboð um upplýsingamiðlun
  9. Erindi Jóns Jónssonar – umsókn til Húsafriðunarsjóðs
  10. Brothættar byggðir, fundargerð frá 16.10.20
  11. Umsókn um skólavist í öðru sveitarfélagi
  12. Áfangastaðaáætlun Vestfjarða 2020, drög
  13. Ályktun Dalabyggðar, Reykhólahrepps, Húnaþings Vestra og Strandabyggðar um afurðaverð í sauðfjárrækt
  14. Heilbrigðiseftirlit Vestfjarða, fundur 130 frá 15.10.20
  15. Stjórn Sambands íslenskra sveitarfélaga, fundir 889 og 890 – til kynningar
  16. Hafnarsamband Íslands, fundir nr. 427 – til kynningar
  17. Stjórn Vestfjarðastofu, fundur 30 – til kynningar
  18. Stytting vinnuviku – kynning
  19. Boðun landsþings Sambands íslenskra sveitarfélaga

 

Þá var gengið til dagskrár.  Oddviti setti fundinn kl. 16.04 og bauð fundarmenn velkomna.

 

Því næst boðaði oddviti afbrigði sem er: erindi Strandagaldurs frá 09.11.20 þar sem óskað er eftir samstarfi við Strandabyggð, sem verður liður 20 í fundardagskrá.  Sveitarstjórn samþykkti afbrigðið.

 

  1. Ákvörðun um notkun fjarfunda sveitarstjórnar og nefnda sveitarfélagsins

Með vísan í heimild sveitarstjórna til að víkja frá tilteknum ákvæðum sveitarstjórnarlaga til að tryggja starfshæfi sitt og auðvelda ákvarðanatöku við stjórn sveitarfélags, á grundvelli VI. bráðabirgðarákvæðis sveitarstjórnarlaga, sem hefur verið framlengd til 10. mars 2021, leggur sveitarstjórn Strandabyggðar hér með til að nýta þessa heimild og skipuleggja sveitarstjórnarfundi sem og nefndarfundi í fjarfundi, ef afstæður krefjast þess.

 

Tilvísun í auglýsinguna: https://www.samband.is/frettir/heimild-til-ad-vikja-fra-tilteknum-akvaedum-sveitarstjornarlaga-framlengd-til-10-mars/

 

Sveitarstjórn samþykkir að nýta heimildina.

 

  1. Fjárhagsáætlun 2021 og 3ja ára áætlun 2022-2024, 1. umræða

Salbjörg Engilbertsdóttir, skrifstofustjóri, tók sæti á fundinum.  Farið var yfir reiknilíkan, skýrslu KPMG og framkvæmdaáætlun sem og almenna umræðu um stöðu sveitarfélagsins og horfur í framlögum Jöfnunarsjóðs.

 

Oddviti lagði til að fjárhagsáætlun verði vísað til annarar umræðu og að áfram verði unnið í henni milli funda.  Sveitarstjórn samþykkti tillöguna.  Sveitarstjóra falið að koma með tillögu að dagsetningu vinnufunda.  Salbjörg Engilbertsdóttir yfirgefur fundinn.

 

  1. Ákvörðun um útsvarsprósentu 2021

Oddviti lagði til að útsvarsprósenta ársins 2021 verði 14,52%.  Sveitarstjórn samþykkti tillöguna.

 

  1. Hitaveita – TRÚNAÐARMÁL

Umræða og afgreiðsla færð í trúnaðarbók.

 

  1. Viðauki við fjárhagsáætlun 2020 – skerðing framlaga Jöfnunarsjóðs

Afgreiðslu frestað til annarar umræðu.

 

  1. Fundargerðir nefnda
    1. Velferðarnefnd frá 15.10.20

Formaður rakti efni fundarins.  Rætt var um þörfina fyrir endurbætur á eyðublöðum.  Sveitarstjórn samþykkti fundargerðina.  Sveitarstjórn þakkar fráfarandi félagsmálastjóra, Guðrúnu Elínu Benónýsdóttur fyrir vel unnin störf og óskar henni velfarnaðar í framtíðinni.

 

    1. Ungmennaráð frá 09.11.20

Oddviti rakti efni fundarins.  Sveitarstjórn samþykkti fundargerðina.

 

  1. Forstöðumannaskýrslur

Engar athugasemdir komu fram.  Sveitarstjórn þakkar fyrir skýrslurnar.

 

  1. Strandir.is, tilboð um upplýsingamiðlun

Ásta Þórisdóttir vék af fundi.  Oddviti rakti eðli tilboðsins og lagði til að farið verði í viðræður við Sýslið verkstöð ehf um verkefnið.  Sveitarstjórn samþykkti tillöguna.  Umræða spannst um þörfina fyrir stöðu markaðs- og ferðamálafulltrúa á Ströndum og var eining um að vinna áfram að mótun þess stöðugildis í samvinnu við nærliggjandi sveitarfélög og hagsmunaaðila. Sveitarstjóra falið að ræða við fulltrúa fyrirtækisins.  Ásta Þórisdóttir tók sæti að nýju á fundinum.

 

  1. Erindi Jóns Jónssonar – umsókn til Húsafriðunarsjóðs

Rætt var um umfang verkefnis og umsóknargerðina.  Einnig var bent á tengingu verkefnisins við aðalskipulagsgerð.  Sveitarstjórn samþykkti tillöguna.  Sveitarstjóra falið að undirbúa gerð umsóknar.

 

  1. Brothættar byggðir, fundargerð frá 16.10.20

Rætt var um mikilvægi íbúafundarins og þátttöku íbúa.  Lagt fram til kynningar.

 

  1. Umsókn um skólavist í öðru sveitarfélagi

Sveitarstjórn hafnar umsóknunum með fjórum atkvæðum. Jón Jónsson situr hjá. Vegna tafa við málsmeðferð og afgreiðslu þess, tekur sveitarfélagið á sig kostnað við skólavist fram að áramótum 2020.  Sveitarstjóra falið að tilkynna afgreiðslu málsins.

 

  1. Áfangastaðaáætlun Vestfjarða 2020, drög

Samþykkt var að senda athugasemdir og ábendingar til sveitarstjóra sem kemur þeim til Vestfjarðastofu fyrir vikulokin.

 

  1. Ályktun Dalabyggðar, Reykhólahrepps, Húnaþings Vestra og Strandabyggðar um afurðaverð í sauðfjárrækt

Sveitarstjórn tekur heilshugar undir ályktunina.

 

  1. Heilbrigðiseftirlit Vestfjarða, fundur 130 frá 15.10.20

Lögð fram til kynningar.

 

  1. Stjórn Sambands íslenskra sveitarfélaga, fundir 889 og 890 – til kynningar

Lagt fram til kynningar.

 

  1. Hafnarsamband Íslands, fundir nr. 427 – til kynningar

Lagt fram til kynningar.

 

  1. Stjórn Vestfjarðastofu, fundur 30 – til kynningar

Rætt var um áherslur Vestfjarðastofu hvað varðar það fjármagn sem kemur inn í Sóknaráætlun Vestfjarða.  Þar er bent á þá þróun sem snýr að skiptingu fjármagns milli áhersluverkefna og Uppbyggingarsjóðs, þar sem of hátt hlutfall virðist fara í áhersluverkefni á kostnað Uppbyggingarsjóðs.  Kallar sveitarstjórn eftir skýringum og nánari upplýsingum hvað þessa þróun varðar.

 

  1. Stytting vinnuviku – kynning

Lagt fram til kynningar.

 

  1. Boðun landsþings Sambands íslenskra sveitarfélaga

Lagt fram til kynningar.

 

  1. Erindi Strandagaldurs, samstarf við Strandabyggð 2021 – 2023.

Jón Jónsson víkur af fundi.  Ákveðið að fresta afgreiðslu til annarar umræðu um fjárhagsáætlun 2021.  Jón Jónsson tekur sæti á fundinum að nýju.

 

Fundargerð lesin yfir og ekki fleira tekið fyrir.  Fundi slitið kl. 19.33.

 

Ásta Þórisdóttir

Eiríkur Valdimarsson

Guðfinna Lára Hávarðardóttir

Jón Gísli Jónsson

Jón Jónsson

 

Könnun

Facebook

Atburđadagatal

« Nóvember 2020 »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Nćstu atburđir

Vefumsjón