A A A

Valmynd

Fréttir

Skólastarf

Sveitarstjórnarfundur 1300 í Strandabyggđ, 11.02.20

Sveitarstjórnarfundur 1300 í Strandabyggð

Fundur nr.  1300 í sveitarstjórn Strandabyggðar var haldinn þriðjudaginn 11. febrúar 2020 í Hnyðju, Höfðagötu 3. Fundurinn hófst kl. 16:00. Eftirtaldir sveitarstjórnarmenn sátu fundinn:  Jón Gísli Jónsson, Ásta Þórisdóttir, Aðalbjörg Signý Sigurvaldadóttir, Guðfinna Lára Hávarðardóttir og Pétur Matthíasson. Þorgeir Pálsson ritaði fundargerð.

 

Fundardagskrá er svohljóðandi:

  1. Lántaka hjá Lánasjóði Sveitarfélag vegna framkvæmda 2020
  2. Forstöðumannaskýrslur
  3. Fundargerðir nefnda
    1. Fræðslunefnd frá 06.02.20
  4. Fundargerðir Brunavarna Dala, Reykhóla og Stranda frá 21.01.20 og 05.02.20
  5. Skipan varamanns í stjórn Brunavarna Dala, Reykhóla og Stranda
  6. Skipan í verkefnastjórn Brothættra byggða
  7. Skipan í svæðisskipulagsnefnd vegna Svæðisskipulags Dala, Reykhóla og Stranda
  8. Umsóknir um smástyrki - fyrri úthlutun 2020
  9. Endurnýjun styrktarsamnings við Strandagaldur ses.
  10. Hugsanlegur niðurskurður í vetrarþjónustu Vegagerðarinnar, tölvupóstur sveitarstjóra Dalabyggðar frá 23.01.20
  11. Heimsmarkmið Sameinuðu þjóðanna
  12. Samband íslenskra sveitarfélaga, fundur 878
  13. Hafnarsamband Íslands, fundargerð 419
  14. Hafnarsamband Íslands - Upplýsingar um Kórónasmit og sóttvarnaráætlun
  15. Siglingarráð Íslands, fundargerð frá 7. nóvember 2019
  16. Hvalárvirkjun – skipulags- og matslýsing
  17. Capacent – kynning á verkefnishugmynd vegna sameiningar sveitarfélaga.

 

 

Þá var gengið til dagskrár.  Oddviti setti fundinn kl. 16:00 og bauð fundarmenn velkomna.

 

  1. Lántaka hjá Lánasjóði Sveitarfélag vegna framkvæmda 2020

Afgreiðslu frestað til næsta fundar en sveitarstjóra falið að undirbúa lántöku.  Samþykkt samhljóma.

  1. Forstöðumannaskýrslur

Rætt um orðalag einstakra nefnda.  Gott að fá upplýsingar um stöðu verkefna.

  1. Fundargerðir nefnda
    1. Fræðslunefnd frá 06.02.20

Formaður rakti umræðu fundarins.  Rætt um lokanir skóla og fæðiskostnað.  Einnig rætt um nafnasamkeppni á nýjan, sameinaðan skóla.  Hugsanlega mætti tengja nafnsamkeppni við Skólaþing, sem er fyrirhugað á næstunni.  Lagt er til að vinningsnafnið hljóti verðlaun sveitarfélagsins. 

 

Talsverð umræða spannst um skipulag skólamála í kjölfar sameiningar.

 

Varðandi lið 8.  samþykkir sveitarstjórn tillögu nefndarinnar um niðurfellingu fæðisgjalda og að skólastjóri fastmóti viðmiðunarreglur um niðurfellingu skóla í samráði við sveitarstjóra

Varðandi lið 9 um nafnasamkeppni samþykkir sveitarstjórn tillögu nefndarinnar.  Tómstunda- og íþróttafulltrúa falið að undirbúa samkeppnina.

 

Sveitarstjórn samþykkir fundargerðina að öðru leyti.

  1. Fundargerðir Brunavarna Dala, Reykhóla og Stranda frá 21.01.20 og 05.02.20

Sveitarstjórn gerir ekki athugasemdir við fundargerðirnar en áréttar mikilvægi þess að ganga frá ráðningu varðstjóra á Hólmavík.

  1. Skipan varamanns í stjórn Brunavarna Dala, Reykhóla og Stranda

Oddviti leggur til að Pétur Matthíasson verði varamaður. Sveitarstjórn samþykkir tillöguna.

  1. Skipan í verkefnastjórn Brothættra byggða

Sveitarstjórn þakkar öllum þeim sem komu með framboð, ábendingar og tillögur. Oddviti leggur til að Jón Jónsson verði skipaður í verkefnastjórnina sem fulltrúi sveitarstjórnar. Sveitarstjórn samþykkir tillöguna.  Oddvita er falið að koma með tillögu að einstaklingum í verkefnastjórn fyrir hönd íbúa.  Þeir fulltrúar yrðu formlega samþykktir á næsta fundi sveitarstjórnar, en myndu hefja störf strax.

 

Oddviti lagði til að nefndarmenn fengju greidd nefndarlaun fyrir vinnu sína í verkefnastjórninni.  Sveitarstjórn samþykkir tillöguna.

  1. Skipan í svæðisskipulagsnefnd vegna Svæðisskipulags Dala, Reykhóla og Stranda.

Oddviti lagði til að Aðalbjörg Signý Sigurvaldadóttir taki sæti í nefndinni og að varamaður verði Pétur Matthíasson.  Sveitarstjórn samþykkir tillöguna.

  1. Umsóknir um smástyrki - fyrri úthlutun 2020

Sveitarstjórn samþykkir að úthluta styrkjum til umsækjenda, sem voru:  Strandagaldur kr. 100.000.- fyrir verkefnið Galdur og skrímsli og Össusetrið ehf. kr. 70.000.- til undirbúnings listviðburða í Strandabyggð. Sveitarstjóra falið að tilkynna úthlutun formlega og boða til viðburðar þar sem verkefnin verða kynnt.

  1. Endurnýjun styrktarsamnings við Strandagaldur ses.

Umræða spannst um eðli upplýsingamiðstöðvar og hlutverk Galdrasafnsins. Sveitarstjóra falið að ræða áfram við Strandagaldur um þróun samningsins. Einnig rætt um skiptingu fjármagns eftir áherslum og eðli starfseminnar, t.d. upplýsingamiðlunar og uppbyggingu safnsins.

  1. Hugsanlegur niðurskurður í vetrarþjónustu Vegagerðarinnar, tölvupóstur sveitarstjóra Dalabyggðar frá 23.01.20

Sveitarstjórn felur sveitarstjóra að ræða við Vegagerðina.

  1. Heimsmarkmið Sameinuðu þjóðanna

Í tengslum við fyrirhugaða aðalskipulagsgerð er mælt með því að sveitarfélög skilgreini þau heimsmarkmið sem þau vilja vinna að.  Aðalbjörg Signý sagði frá þessari umræðu í tengslum við umræðu um aðalskipulagsmál og kallar eftir vinnufundi sveitarstjórnar um val á markmiðum, í tengslum við næsta fund Umhverfis- og skipulagsnefndar.

  1. Samband íslenskra sveitarfélaga, fundur 878

Lagt fram til kynningar.

  1. Hafnarsamband Íslands, fundargerð 419

Lagt fram til kynningar.

  1. Hafnarsamband Íslands - Upplýsingar um Kórónasmit og sóttvarnaráætlun

Lagt fram til kynningar.

  1. Siglingarráð Íslands, fundargerð frá 7. nóvember 2019

Lagt fram til kynningar.

  1. Hvalárvirkjun – skipulags- og matslýsing

Sveitarstjórn frestar ákvörðun um umsögn.

  1. Capacent – kynning á verkefnishugmynd vegna sameiningar sveitarfélaga

Lagt fram til kynningar.

 

Fundargerð lesin yfir, og ekki fleira tekið fyrir.  Fundi slitið kl. 18.31.

Aðalbjörg Signý Sigurvaldadóttir

Ásta Þórisdóttir

Guðfinna Lára Hávarðardóttir

Jón Gísli Jónsson

Pétur Matthíasson.

Könnun

Facebook

Atburđadagatal

« Febrúar 2020 »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29

Nćstu atburđir

Vefumsjón