A A A

Valmynd

Fréttir

Skólastarf

Sveitarstjórnarfundur 1295 í Strandabyggð, 8.10.19

Sveitarstjórnarfundur 1295 í Strandabyggð

Fundur nr.  1295 í sveitarstjórn Strandabyggðar var haldinn þriðjudaginn 8. október 2019 í Hnyðju, Höfðagötu 3. Fundurinn hófst kl. 16:00. Eftirtaldir sveitarstjórnarmenn sátu fundinn:  Aðalbjörg S. Sigurvaldadóttir, Ásta Þórisdóttir, Guðfinna Lára Hávarðardóttir, Jón Gísli Jónsson og Jón Jónsson.  Gestur á hluta fundar var Kristján Jónasson, KPMG.  Fundarritari Þorgeir Pálsson.

 

Fundardagskrá er svohljóðandi:

  1. Málefni hugsanlegrar Hitaveitu – TRÚNAÐARMÁL
  2. Samþykkt viðauka nr 2. 2019
  3. Lántaka hjá Lánasjóði Sveitarfélaga
  4. Fundargerðir
    1. Fræðslunefnd, 3.10.19
    2. Ungmennaráð, 3.10.19
    3. Umhverfis- og skipulagsnefnd, 7.10.19
  5. Forstöðumannaskýrslur
  6. Vegagerðin, niðurlagning Hvítuhlíðarvegar – til kynningar
  7. Stjórn Sambands íslenskra sveitarfélaga, fundur nr. 874 – til kynningar.

 

Þá var gengið til dagskrár.  Oddviti setti fundinn kl 16.02  og bauð fundarmenn velkomna.

 

Oddviti boðar afbrigði vegna fundargerðar Velferðarnefndar, 24.9.19. sem verður liður 8 í fundargerð.

 

  1. Málefni hugsanlegrar Hitaveitu – TRÚNAÐARMÁL

Farið var yfir málið með fulltrúa KPMG.  Að umræðu lokinni yfirgaf Kristján Jónasson fundinn.

 

  1. Samþykkt viðauka nr 2. 2019

Sveitarstjóri fór yfir tillögu að viðaukum. Rætt var um einstaka framkvæmdir og frestun þeirra auk áhrifa á lánsþörf.

 

Viðauki nr. 2, 2019 var lagður fram:

              



Sveitarstjórn samþykkir viðaukann samhljóða.  Sveitarstjóra falið að gera íbúum grein fyrir forsendum viðaukans.

  1. Lántaka hjá Lánasjóði sveitarfélaga

Ákvörðun um að taka lán hjá Lánasjóði sveitarfélaga sem tryggt er með veði í tekjum sveitarfélagsins.

 

Sveitarstjórn Strandabyggðar samþykkir hér með á sveitarstjórnarfundi að taka lán hjá Lánasjóði sveitarfélaga að höfuðstól kr. 22.000.000- í samræmi við lánsloforð Lánasjóðs sveitarfélaga.

 

Sveitarstjórn Strandabyggðar samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.

 

Er lánið tekið til að fjármagna framkvæmdir við viðhald grunnskóla, leikskóla, viðhald og viðgerðir í íþróttamiðstöð, gatnaframkvæmdir, framkvæmdir við höfnina ofl.  sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

 

Jafnframt er sveitarstjóra Þorgeiri Pálssyni kt: 100463-5989, veitt fullt og ótakmarkað umboð til þess f.h. sveitarfélagsins Strandabyggðar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

 

Sveitarstjórn samþykkir samhljóða.

  1. Fundargerðir
    1. Fræðslunefnd, 3.10.19

Formaður nefndarinnar rakti efni fundarins.  Rætt um sérkennslumál og atriði sem munu fara inn í fjárhagsáætlanagerð.  Rætt um nauðsyn þess að setja vegrið á Borgabraut fyrir ofan leikskólann, auk mikilvægis þess að fá ljósleiðara í leikskólann.  Fram kom mikilvægi þess að ljósleiðaravæða allar stofnanir sveitarfélagsins.  Rætt var um sameiningarferli leik- og grunnskóla. Tekið fyrir trúnaðarmál í fundargerð.  Jón Gísli Jónsson og Jón Jónsson viku af fundi. Að umræðu lokinni tóku Jón Gísli Jónsson og Jón Jónsson sæti á fundinum að nýju. 

    1. Ungmennaráð, 3.10.19

Fundargerðin var rædd.  Sveitarstjórnin samþykkti fundargerðina samhljóma.

    1. Umhverfis- og       skipulagsnefnd, 7.10.19

Formaður rakti umræðu á fundinum.  Varðandi lið 1 í fundargerð, samþykkir sveitarstjórn tillögu nefndarinnar.  Varðandi lið 4 í fundargerð, frestar sveitarstjórn ákvörðun og óskar frekari gagna.  Byggingafulltrúa er falið að afla frekari gagna.  Varðandi lið 5 a, frestar sveitarstjórn ákvörðun og óskar frekari gagna. Byggingarfulltrúa falið að afla frekari gagna.  Varðandi lið 5 c, samþykkir sveitarstjórn tillögu nefndarinnar.

 

Sveitarstjórn samþykkir að öðru leyti fundargerðina.

  1. Forstöðumannaskýrslur

Lýst var ánægju með samantekt frá íþróttamiðstöð.  Rætt var um einstök atriði í skýrslu byggingarfulltrúa þar sem rætt var m.a. um skilgreiningar á lóðum vegna afsals eigna. 

  1. Vegagerðin, niðurlagning      Hvítuhlíðarvegar – til kynningar

Lagt fram til kynningar.

  1. Stjórn Sambands íslenskra sveitarfélaga,      fundur nr. 874 – til kynningar.

Lagt fram til kynningar.

 
   8.  Fundargerð Velferðarnefndar frá 24.9.2919

Fundargerðin samþykkt samhljóma.

 

 

Fundargerð lesin yfir, og ekki fleira tekið fyrir.  Fundi slitið kl. 19.55.

 

Aðalbjörg Signý Sigurvaldadóttir

Ásta Þórisdóttir

Guðfinna Lára Hávarðardóttir

Jón Gísli Jónsson

Jón Jónsson.

Könnun

Facebook

Atburðadagatal

Næstu atburðir

Vefumsjón