A A A

Valmynd

Fréttir

Skólastarf

Sveitarstjórnarfundur 1292 í Strandabyggđ, 27.8.2019

Sveitarstjórnarfundur 1292 í Strandabyggð

Fundur nr.  1292 í sveitarstjórn Strandabyggðar var haldinn þriðjudaginn 27. ágúst 2019 í Hnyðju, Höfðagötu 3. Fundurinn hófst kl. 16:02. Eftirtaldir sveitarstjórnarmenn sátu fundinn:  Aðalbjörg S. Sigurvaldadóttir, Ásta Þórisdóttir, Guðfinna Lára Hávarðardóttir, Jón Gísli Jónsson og Jón Jónsson. Fundarritari Þorgeir Pálsson.

 

Fundardagskrá er svohljóðandi:

  1. Fjárhagsáætlun 2019 – samanburður áætlunar og raunkostnaðar
  2. Hitaveita í Hveravík; samningsdrög - TRÚNAÐARMÁL
  3. Fjallskilaseðill 2019 – til staðfestingar
  4. Tillaga Jóns Jónssonar um upptökur af sveitarstjórnarfundum – póstur 23.8.19
  5. Þvinguð sameining sveitarfélaga – þingsályktunartillaga, aukaþing Sambands íslenskra sveitarfélaga, 6.9. n.k. – póstur frá Þresti Friðfinnssyni, sveitarstjóra Grýtubakkahrepps, 22.08.19
  6. Staðfesting kjörbréfs landsþingsfulltrúa með atkvæðisrétt
  7. Fundargerð TÍM nefndar frá 26.8.19
  8. Skipan í nefndir.

 

Oddviti bauð fundarmenn velkomna og setti fundinn kl 16:02.

  1. Fjárhagsáætlun 2019 – samanburður áætlunar og raunkostnaðar

Sveitarstjóri fór yfir helstu tölur úr 6 mánaða uppgjöri og rauntölur verkefna.  Umræða varð um verkefnastjórnun og mikilvægi aðhalds og vandaðrar áætlanagerðar. 

  1. Hitaveita í Hveravík; samningsdrög – TRÚNAÐARMÁL

Fundinum var lokað við umræðu um þennan lið þar sem um trúnaðarmál er að ræða. Að umræðu lokinni var fundurinn opnaður að nýju.

  1. Fjallskilaseðill 2019 – til staðfestingar

Sveitarstjórn ræddi seðilinn og staðfesti með fjórum atkvæðum.  Guðfinna Lára Hávarðardóttir sat hjá.

  1. Tillaga Jóns Jónssonar um upptökur af sveitarstjórnarfundum – póstur 23.8.19

Jón Jónsson gerði grein fyrir tillögunni og taldi að fagmennska og gagnsæi myndi aukast og að ákvörðunartaka yrði markvissari. Umræða spannst um hvort þessi breyting gæti haft áhrif á eðli umræðu á fundum.  Sveitarstjórn felldi tillöguna með þremur atkvæðum.  Samþykkir tillögunni voru Jón Jónsson og Ásta Þórisdóttir.

  1. Þvinguð sameining sveitarfélaga – þingsályktunartillaga, aukaþing Sambands íslenskra sveitarfélaga, 6.9. n.k. – póstur frá Þresti Friðfinnssyni, sveitarstjóra Grýtubakkahrepps, 22.08.19

Umræða fór fram um hugmyndir stjórnvalda um takmarkanir á íbúafjölda við sameiningar og hvort ekki þyrfti að skoða sérstaklega landfræðilega þætti.  Rætt var um möguleika sveitarfélags sem byggði á sameiningu margra lítilla og oft veikburða sveitarfélaga. Einnig komu fram sjónarmið með sameiningum sveitarfélaga. Eins var rætt um rétt íbúa til faglegrar þjónustu og afgreiðslu mála sveitarfélaga óháð staðsetningu á landinu.

  1. Staðfesting kjörbréfs landsþingsfulltrúa með atkvæðisrétt

Sveitarstjórn er sammála því að gengið sé frá kjörbréfi þannig að oddviti sé aðalfulltrúi á landsfundi og varaoddviti varafulltrúi.  Var sveitarstjóra falið að ganga frá kjörbréfi.

  1. Fundargerð TÍM nefndar frá 26.8.19

Formaður gerði grein fyrir efni fundarins. Fram kom m.a. að erindisbréf TÍM þarf formlega afgreiðslu í sveitarstjórn til að taka gildi. Sveitarstjórn samþykkti erindisbréfið með lítilsháttar breytingum.

 

Sveitarstjórn tekur sérstaklega fyrir eftirfarandi tillögur nefndarinnar:

  • Að bæjarhátíðin Hamingjudagar á Hólmavík verði haldin 26.-28. júní 2020. Sveitarstjórn samþykkti tillöguna.
  • Að tómstundafulltrúa verði falið að leita eftir samvinnu við félögin um opinn félagadag. Sveitarstjórn samþykkti tillöguna.
  • Að hafist verði handa við undirbúningsvinnu fyrir ærslabelg. Sveitarstjórn samþykkti tillöguna. Samráð verði haft við US nefnd og byggingarfulltrúa.
  • Að nafnasamkeppni fyrir íþróttamiðstöð og félagsheimili verði með þeim hætti sem lýst er í fundargerðinni. Sveitarstjórn samþykkti tillöguna.
  • Að umsóknarfrestur um smærri styrki verði framlengdur til 6. sept. og þeir kynntir vandlega. Sveitarstjórn samþykkti tillöguna og felur tómstundafulltrúa að ganga frá tilkynningu þar að lútandi.

 

Sveitarstjórn tekur eindregið undir þakkir til Lions vegna bekkja þeirra sem klúbburinn hefur gefið sveitarfélaginu.

 

Sveitarstjórn samþykkir fundargerðina að öðru leyti.

  1. Skipan í nefndir.

Oddviti rakti stöðuna. Í Atvinnu-, dreifbýlis- og hafnarnefnd vantar aðalmann og varamann. Í Umhverfis- og skipulagsnefnd vantar aðalmann. Skipan í nefndir er frestað til næsta fundar.

 

Fundargerð lesin yfir, og ekki fleira tekið fyrir. Fundi slitið kl.19.27.

 

Aðalbjörg Signý Sigurvaldadóttir

Ásta Þórisdóttir

Guðfinna Lára Hávarðardóttir

Jón Gísli Jónsson

Jón Jónsson.

 

Könnun

Facebook

Atburđadagatal

« Nóvember 2019 »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nćstu atburđir

Vefumsjón