Fundur nr.  1221 var haldinn í sveitarstjórn Strandabyggðar þriðjudaginn 23. apríl  2014 í Hnyðju, Höfðagötu 3. Fundurinn hófst kl. 16:00. Jón Gísli Jónsson oddviti sveitarstjórnar, bauð fundarmenn velkomna og setti fundinn. Einnig sátu fundinn Jón Jónsson, Ásta Þórisdóttir og Bryndís Sveinsdóttir.  Viðar Guðmundsson boðaði forföll  og varamenn höfðu ekki tök á að mæta. Andrea Kristín Jónsdóttir sveitarstjóri ritaði fundargerð. 

Fundardagskrá er svohljóðandi:

1. Ársreikningur Strandabyggðar 2013 – fyrri umræða
2. Ályktun ungmenna frá ráðstefnunni Ungt fólk og lýðræði, dagsett 14/04/2014
3. Fundargerð Velferðarnefndar frá 27/03/2014

Þá var gengið til dagskrár.

1. Ársreikningur Strandabyggðar 2013 – fyrri umræða
   
   Salbjörg Engilbertsdóttir og Kristján Jónasson  koma til fundar.
   
   Kristján endurskoðandi hjá KPMG fór yfir ársreikning Strandabyggðar ásamt skýringum með honum með sveitarstjórnarmönnum og svaraði spurningum. Ársreikningi fyrir árið 2013 er vísað til annarrar umræðu. Kristján og Salbjörg viku af fundi kl. 18:22.
2. Ályktun ungmenna frá ráðstefnunni Ungt fólk og lýðræði, dagsett 14/04/2014
   
   Ályktun ungmenna frá ráðstefnunni Ungt fólk og lýðræði lögð fram til kynningar. Sveitarstjórn fagnar mjög framkominni ályktun og mun hafa hana til hliðsjónar í málefnum sem snerta ungt fólk sérstaklega. Sveitartjórn vill jafnframt nota tækifærið og hvetja ungt fólk til að láta í sér heyra um málefni samfélagsins.
3. Fundargerð Velferðarnefndar frá 27/03/2014

Fundargerð Velferðarnefndar lög fram til samþykktar. Sveitarstjórn samþykkir fundargerðina.

Fundargerð yfirfarin og undirrituð og fundi slitið kl. 18:48

Jón Gísli Jónsson                                                                      Jón Jónsson

Ásta Þórisdóttir                                                                        Bryndís Sveinsdóttir

23. apríl 2014
Andrea Kristín Jónsdóttir
sveitarstjóri Strandabyggðar