A A A

Valmynd

Fréttir

Skólastarf

Sveitarstjórn Strandabyggðar 1184 - 21. júní 2011

Fundur nr. 1184 var haldinn í sveitarstjórn Strandabyggðar þriðjudaginn 21. júní 2011 á skrifstofu sveitarfélagsins að Höfðagötu 3 á Hólmavík. Fundurinn hófst kl. 18:00. Jón Gísli Jónsson oddviti sveitarstjórnar, setti fundinn og bauð fundarmenn velkomna. Einnig sátu fundinn Jón Jónsson varaoddviti, Katla Kjartansdóttir, Ásta Þórisdóttir, Ingibjörg Benediktsdóttir varamaður og Ingibjörg Valgeirsdóttir sveitarstjóri sem ritaði fundargerð. 


Jón Gísli Jónsson oddviti hóf fundinn á að leita afbrigða frá boðaðri dagskrá og óskaði eftir að bæta við tveimur málum:

- Erindi um Parkour aðstöðu, erindi frá Arnóri Jónssyni, Emil Sigurbjörnssyni, Darra Hrannari Björnssyni, Einari Friðfinni Alfreðssyni og Guðmundi Ara Magnússyni.

- 20 milljóna króna lánveiting sveitarfélagsins Strandabyggðar, erindi frá sveitarstjóra Strandabyggðar.

Á dagskrá fundarins var eftirfarandi:

1. Kosningar
2. Reglur um námsleyfi starfsmanna Strandabyggðar
3. Reglur um úthlutun íbúðarhúsnæðis til leigu
4. Reglur um umgengni á geymslusvæði við Hnitbjörg
5. Hundrað ára símastaur, erindi frá Engilbert S. Ingvarssyni, í maí 2011
6. Fundargerð Byggingar-, umferðar- og skipulagsnefndar, dags. 9. júní 2011
7. Fundargerð Byggingar-, umferðar og skipulagsnefndar, dags. 20. júní 2011
8. Fundargerð Atvinnumála- og hafnarnefnd, dags. 20. júní 2011
9. Fundargerð Tómstunda-, íþrótta- og menningarnefndar, dags. 20. júní 2011
10. Fundargerð Velferðarnefndar Stranda og Reykhólahrepps, dags. 6. júní 2011


Þá var gengið til dagskrár


1. Kosningar


Lögð var fram eftirfarandi tillaga og samykkt samhljóða:

Oddviti: Jón Gísli Jónsson

Varaoddviti: Jón Jónsson

Kjörstjórn: Bryndís Sigurðardóttir, Guðmundur Björgvin Magnússon, Hrafnhildur Guðbjörnsdóttir

Til vara: Signý Ólafsdóttir, Jón Kristinsson, Birna Richardsdóttir

Endurskoðandi: Kristján Jónasson hjá KPMG

Skoðunarmenn reikninga: Jóhann Björn Arngrímsson, Signý Ólafsdóttir

Til vara: Jón Alfreðsson, Elfa Björk Bragadóttir

 

2. Reglur um námsleyfi starfsmanna Strandabyggðar


Reglur um námsleyfi starfsmanna Strandabyggðar samþykktar samhljóða með lítilsháttar breytingum(sjá hér).

 

3. Reglur um úthlutun íbúðarhúsnæðis til leigu

Reglur um úthlutun íbúðarhúsnæðis til leigu samþykktar samhljóða með lítilsháttar breytingum.

 

4. Reglur um umgengni á geymslusvæði við Hnitbjörg


Ákveðið að geymslusvæðið verði kennt við land Víðidalsár. Reglur samþykktar samhljóða(sjá hér).

 

5. Hundrað ára símastaur, erindi frá Engilbert S. Ingvarssyni, í maí 2011

Lagt fram til kynningar. Engilbert S. Ingvarssyni þakkað kærlega fyrir að vekja athygli á þessum merkilegu minjum.

 

6. Fundargerð Byggingar-, umferðar- og skipulagsnefndar, dags. 9. júní 2011


Varðandi lið nr. 2 þá tekur sveitarfélagið ekki þátt í kostnaði við niðursetningu á rotþróm, vísað er til reglna um fráveitu, rotþrær, siturlagnir og meðhöndlun seyru í Strandabyggð sem samþykktar voru á fundi sveitarstjórnar 12. apríl 2011.

 

Varðandi lið 8a þá gerir sveitarstjórn eftirfarandi bókun:  Tekin var fyrir tillaga að deiliskipulagi  fyrir urðunarsvæði í Skeljavíkurlandi. Fyrir lágu umsagnir frá Umhverfisstofnun dags. 9. nóvember 2010, Heilbrigðiseftirliti Vestfjarða, dags. 28. september 2010 og Veiðimálastofnun dags. 28. september 2010 og fjallað var um þær áður en tillagan var auglýst. Fyrir lá athugasemd frá Skipulagsstofnun 25. mars 2011. Tillagan var auglýst frá 24. febrúar 2011 til 31. mars 2011 með athugasemdarfresti til 14. apríl 2011. Engar athugasemdir bárust við auglýsta tillögu. Sveitarstjórn beinir því til sveitarstjóra  að afgreiða tillöguna til Skipulagsstofnunar til yfirferðar skv. 3. mgr. 25. gr. skipulags- og byggingarlaga nr. 73/1997.

 

Varðandi lið 8c þá er átt við stækkun á vélageymslu á Stað í Steingrímsfirði, erindi frá Magnúsi Steingrímssyni.   

Fundargerð samþykkt samhljóða.

 

7. Fundargerð Byggingar-, umferðar og skipulagsnefndar, dags. 20. júní 2011


Fundargerðin samþykkt samhljóða.  

 

8. Fundargerð Atvinnumála- og hafnarnefndar, dags. 20. júní 2011


Fundargerð samþykkt samhljóða.

 

9. Fundargerð Tómstunda-, íþrótta- og menningarnefndar, dags. 20. júní 2011


Fundi  Tómstunda-, íþrótta- og mennignarnefndar var frestað.

 

10.   Fundargerð Velferðarnefndar Stranda og Reykhólahrepps, dags. 6. júní 2011


Fundargerð samþykkt samhljóða.


11. Erindi um Parkour aðstöðu, erindi frá Arnóri Jónssyni, Emil Sigurbjörnssyni, Darra Hrannari Björnssyni, Einari Friðfinni Alfreðssyni og Guðmundi Ara Magnússyni.

Jón Jónsson víkur af fundi.

Sveitarfélagið Strandabyggð tekur vel í erindið og felur sveitarstjóra að kanna hvort og þá hvaða reglur gilda um slíka aðstöðu. Verði umsækjendum úthlutað svæði er sett sem skilyrði að úthlutun verði tímabundin í sumar.

Jón Jónsson kemur aftur inn á fundinn.

 

12. Bókun vegna 20 milljóna króna lánveitingu, erindi frá sveitarstjóra Strandabyggðar.

Sveitarstjórn Strandabyggðar samþykkir hér með að taka lán hjá Lánasjóði sveitarfélaga ohf. að fjárhæð 20.000.000 kr.  til 23 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 3. mgr. 73. gr. sveitarstjórnarlaga nr. 45/1998. Er lánið tekið til að fjármagna viðhald á félagslegum íbúðum, Þróunarsetri og öðru húsnæði í eigu sveitarfélagsins auk gatnagerðar, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Ingibjörgu Valgeirsdóttur, kt. 130673-5979, veitt fullt og ótakmarkað umboð til þess f.h. sveitarfélagsins Strandabyggðar að undirrita lánssamning við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

 

Fundargerð lesin upp og samþykkt samhljóða. Fundi slitið kl. 20:27.

 

Jón Gísli Jónsson, oddviti (sign)
Jón Jónsson, varaoddviti (sign)
Ásta Þórisdóttir (sign)
Ingibjörg Benediktsdóttir (sign)
Katla Kjartansdóttir (sign)

Könnun

Facebook

Atburðadagatal

Næstu atburðir

Vefumsjón