A A A

Valmynd

Fréttir

Skólastarf

Frćđslunefndarfundur 7. apríl 2022

Fundur var haldinn í fræðslunefnd fimmtudaginn 7. apríl kl. 17.00 í Hnyðju. Eftirtaldir nefndarmenn mættu: Steinunn Þorsteinsdóttir, Guðfinna Lára Hávarðardóttir og Vignir Rúnar Vignisson.

Fulltrúar skólans mættu kl. 17:00 en það eru Hrafnhildur Guðbjörnsdóttir skólastjóri og Vala Friðriksdóttir fulltrúi kennara grunn- og tónskóladeildar.

Fulltrúi ungmennaráðs mætti ekki.


Dagskrá

1. Skimanir MMS – kynning skólastjóra
Skólastjóri fer yfir þær skimanir sem gerðar eru á hverjum áragangi fyrir sig. Skimanirnar taka á misjöfnum þáttum og er markmið þeirra að barn bæti sig milli skimana.
Viðbragðsáætlanir eru til staðar greinist vandi eða áhyggjur og haft er samband við foreldra. Skimanir eru einnig lagðar fyrir í leikskóla.
Vegna þess hve fáir nemendur eru í hverjum bekk er ekki hægt að birta niðurstöður.
Samræmd próf verða ekki haldin aftur á því formi sem verið hefur en Menntamálastofnun (MMS) er að vinna að nýjum könnunum.


2. Skóladagatal 2022-2023 drög
Vegna veikinda náðist ekki að leggja fram drög að skóladagatali 2022-2023 og verður það lagt fram á næsta fundi fræðslunefndar í júní.
Taka þarf tillit til kjarasamninga grunnskólakennara en nýjir kjarasamningar voru samþykktir í mars 2022. Skóladagatal þarf að samþykkja fyrir 1. ágúst.
Umræða fór fram um vetrarfrí bæði fyrir og eftir áramót. Þegar páskarnir eru seint er tímabilið frá jólum að páskum mjög langt. Könnun verður send út til foreldra, starfsfólks og nemenda þar sem spurt verður út í vetrarfrí m.a.


3. Áætlað kennslumagn skólaárið 2022-2023
Skólastjóri leggur fram drög að áætluðu kennslumagni í samræmi við aðalnámskrá grunnskóla. Miðað er við nemendafjölda eins og staðan er í byrjun apríl 2022. Kennslumagnið tekur breytingum eftir nemendafjölda á hverju stigi og gæti því breyst til haustsins.
Áætlað er að 4,5 stöðugildi verði í kennslu í grunnskóla og 6 í leikskóla. Önnur störf fyrir utan kennslu eru fyrir utan þessar tölur.


4. Áætlun um innra mat
Skólastjóri kynnir langtímaáætlun um innra mat fyrir grunn- og leikskóla 2021-2025
Hluti af langtímaáætluninni er matsáætlun fyrir skólaárið 2021-2022 sem unnið er eftir núna. Niðurstöður verða teknar saman í skýrslu innra mats sem lögð verður fyrir fræðslunefndarfund í júní nk.


5. Ósk um breytingu á skóladagatali leiskóladeildar
Skólastjóri kynnir tillögu að breytingu að skóladagatali. Breytingin felst í að stytta lokunartíma leikskólans í fimm vikur þannig að síðasti dagur fyrir sumarleyfi verði föstudagur 1. júlí klukkan 12:00 og fyrsti dagur að loknu sumarleyfi verði 8. ágúst klukkan 11:00.
Fræðslunefnd samþykkir tillöguna.


Fundi slitið kl. 18.20

Guðfinna Hávarðardóttir
Steinunn Þorsteinsdóttir
Vignir Rúnar Vignisson

 

 

Könnun

Facebook

Atburđadagatal

Nćstu atburđir

Vefumsjón