A A A

Valmynd

Fréttir

Skólastarf

Frćđslunefnd 6. nóvember 2012

Fundur haldinn hjá fræðslunefnd 6. nóvember kl. 16 á skrifstofu Strandabyggðar í Þróunarsetrinu. Boðuð voru: Viðar Guðmundsson, Steinunn Þorsteinsdóttir, Ragnar Bragason, Ingibjörg Benediktsdóttir sem einnig ritar fundargerð, Ingibjörg Sigurðardóttir forfallaðist og í hennar stað mætir Ester Sigfúsdóttir. Viðar Guðmundsson formaður nefndarinnar býður fundarmenn velkomna og kynnir dagskrá sem er eftirfarandi:

Málefni fræðslunefndar:
1. Stjórnendamál Grunn- og tónskóla Hólmavíkur

Málefni leikskóla:
Boðuð kl. 16:30: Ingibjörg Alma Benjamínsdóttir leikskólastjóri, Hlíf Hrólfsdóttir deildarstjóri og fulltrúi starfsmanna, og Ragnheiður Birna Guðmundsdóttir fulltrúi foreldra.
1. Umræður um málefni leikskóla

Málefni grunnskóla: 
Boðuð kl. 17:00: Hulda Ingibjörg Rafnarsdóttir aðstoðarskólastjóri, Ingibjörg Emilsdóttir fulltrúi kennara, Kristjana Eysteinsdóttir fulltrúi foreldra
1. Erindi frá nemendum Grunn- og tónskóla Hólmavíkur varðandi tölvumál
2. Skólastefna


Þá var snúið til dagskrár.


Málefni fræðslunefndar:
1. Stjórnendamál Grunn- og tónskóla Hólmavíkur
Viðar leggur til að Hulda Ingibjörg Rafnarsdóttir verði ráðin skólastjóri til loka þessa skólaárs. Fræðslunefnd samþykkir samhljóða. Fræðslunefnd vill þakka Hildi Guðjónsdóttur fyrir vel unnin störf og óskar henni alls hins besta í framtíðinni.


2. Ákveðið var að fela Huldu Ingibjörgu Rafnarsdóttur að ráða aðstoðarskólastjóra.

3. Fræðslunefnd óskar eftir upplýsingum frá Sveitarstjórn um stöðu mála vegna framhaldsdeildar.


Málefni leikskóla:
Mættar kl. 16:30: Ingibjörg Alma Benjamínsdóttir leikskólastjóri, Hlíf Hrólfsdóttir deildarstjóri og fulltrúi starfsmanna og Ragnheiður Birna Guðmundsdóttir fulltrúi foreldra.

1. Umræður um málefni leikskólans Lækjarbrekku
a) Ingibjörg Alma kynnir skóladagatal skólaársins 2012-2013
Fræðslunefnd samþykkir skóladagatal leikskólans 2012-2013
b) Ingibjörg Alma kynnir samanburð leikskólagjalda yfir landið. Leikskólinn Lækjarbrekka er mjög ofarlega á lista yfir gjaldlægstu leikskóla landsins.
c) Ingibjörg Alma vill koma því á framfæri við Sveitarstjórn að brýnt er að ráðin verði fræðslustjóri fyrir Sveitarfélagið. Fræðslunefnd tekur undir það.
d) Fræðslunefnd vill ítreka að Sveitarstjórn vinni í húsnæðismálum leikskólans og taki til athugunar minnislista Ingibjargar Ölmu um húsnæði Leikskólans Lækjarbrekku sem var færður Sveitarstjórn 29. Mars 2012.


Fulltrúar leikskólans víkja af fundi kl 17:00


Málefni grunnskóla:
Mætt kl. 17:00 eru: Hulda Ingibjörg Rafnarsdóttir aðstoðarskólastjóri og Ingibjörg Emilsdóttir fulltrúi kennara.
1. Erindi frá nemendum Grunn- og tónskóla Hólmavíkur varðandi tölvumál
Fræðslunefnd þakkar nemendum fyrir erindið. Hulda hefur hafið vinnu við að kanna möguleika og kostnað við að endurnýja tölvubúnað fyrir nemendur. Hún hefur fengið mismunandi tilboð frá einum aðila. Fræðslunefnd leggur til að sveitarstjórn skoði þessi tilboð og athugi einnig tölvumál leikskólans.

2. Skólastefna
Hulda bendir á að skólastefna Strandabyggðar sé ekki til staðar. Afar mikilvægt er að slík stefna sé til og sé opinber, enda er það skylda samkvæmt lögum. Fræðslunefnd leggur til að ráða fræðslustjóra fyrir Strandabyggð og að skoðaðir verði möguleikar á samstarfi við nágrannasveitarfélög í þeim efnum.

3. Önnur mál
a) Nú í haust hefur verið hafragrautur á boðstólum fyrir alla nemendur og starfsfólk Grunnskólans og ákveðið hefur verið að grauturinn verði í boði fram til áramóta. Þá verður þörf og eftirspurn endurskoðuð. Fræðslunefnd fagnar þessari ákvörðun og hvetur sem flesta sem starfa í Grunnskólanum að njóta.
b) Ingibjörg upplýsti nefndina um það að skólinn muni flagga Grænfánanum næstu tvö árin. Grænfánin er afhentur til tveggja ára í senn og fagnar Fræðslunefnd þessu verðuga verkefni.


Fulltrúar Grunnskólans víkja af fundi kl 18:00


Fundargerð lesin upp og samþykkt samhljóða. Fundi slitið kl. 19:00

 

Könnun

Facebook

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón