A A A

Valmynd

Fréttir

Skólastarf

Umhverfis- og skipulagsnefnda - 7. febrúar 2018

 

Fundur var haldinn í Umhverfis- og skipulagsnefnd Strandabyggðar  miðvikudaginn          7. febrúar  2018,  kl. 17:00 á skrifstofu sveitarfélagsins.

Fundinn sátu:  Jón Gísli Jónsson formaður,  Hafdís Sturlaugsdóttir, Hrafnhildur Þorsteinsdóttir, Már Ólafsson, Jóhann Björn Arngrímsson, Júlíana Sverrisdóttir, Einar Indriðason slökkviliðsstjóri og Gísli Gunnlaugsson byggingarfulltrúi sem ritaði fundargerð.

 

Á dagskrá fundarins var eftirfarandi:

 

  1. Skeiði 3
    Erindi frá Rauðakrossdeild Strandasýslu, undirrituð af Valgeiri Kristjánssyni, þar sem óskað er eftir leyfi til að staðsetja 20 feta gám, nytjagám, á lóð Sorpsamlags Strandasýslu á Skeiði 3.  Leyfi lóðarhafa liggur fyrir.
    Erindið samþykkt. 
     
  2. Grund
    Umsókn frá Vigni Pálssyni þar sem hann óskar eftir skráningu á nýrri lóð fyrir matshluta 04, Grund lóð 1, út úr jörðinni Grund.
    Umhverfis- skipulagsnefnd samþykkir stofnun lóðarinnar.
     
  3. Hafnarbraut 17
    Erindi frá Röfn Friðriksdóttir þar sem óskað er eftir að gerð verði breyting á aðalskipulagi vegna Hafnarbrautar 17 á Hólmavík svo eignin falli undir verslunar- og þjónustusvæði.

    Hafnargata 17 stendur við aðalaðkomuleiðina inn í plássið, við hlið lóðarinnar, við Hafnarbraut 19, er skilgreindur reitur fyrir þjónustustofnanir (Sparisjóðurinn), einnig eru bílastæði fram við lóðina. 

    Umhverfis- og skipulagsnefnd leggur því til við sveitarstjórn að unnin verði óveruleg breyting á aðalskipulagi, samkvæmt 2. mgr. 36 greinar skipulagslaga, á þann veg að nýr reitur, verslunar- og þjónustusvæði, verði skilgreindur fyrir lóðin að Hafnarbraut 17.  
     
  4. Hafnarbraut 14
    Umsókn frá Nesver ehf. um stöðuleyfi fyrir 40 feta gám við húsnæði Hlakkar ehf.

    Erindið samþykkt með því skilyrði að lóðarhafi gefi skriflegt samþykki fyrir staðsetningu gámsins.
     
  5. Fiskislóð 1
    Erindi frá Viðgerðum Vignis ehf., undirritað af Vigni Rúnari Vignissyni, þar sem óskað er eftir heimild til að fjölga gluggum og hurðum á húsnæðinu að Fiskislóð 1. Ástæða breytinganna er að fyrirhugað er að hefja rekstur á þjónustu fyrir bifreiðar og báta í húsnæðinu.  Umsækjandi óskar jafnframt eftir að gerð verði breyting á aðalskipulagi fyrir lóðina samrýmist fyrirhugaður rekstur ekki gildandi aðalskipulagi.

    Umhverfis- og skipulagsnefnd samþykkir umbeðnar breytingar á húsnæðinu.  Nefndin áréttar að umsækjandi gæti þess að umhverfi hússins verði ávallt snyrtilegt.

    Fiskislóð 1 er byggt á árunum 1996 til 1998 sem iðnaðarhúsnæði og hefur lengst af verið notað fyrir fiskvinnslu og aðra starfsemi tengda útgerð.  Við gildistöku nýs aðalskipulags árið 2010 breyttist skilgreining svæðisins í verslunar- og þjónustusvæði. Þar sem starfsemi iðnfyrirtækis samræmist ekki núgildandi skipulagi leggur umhverfis- og skipulagsnefnd til við sveitarstjórn að unnin verði óveruleg breyting á aðalskipulagi, samkvæmt 2. mgr. 36 greinar skipulagslaga, á þann veg að nýr reitur, athafnasvæði, verði skilgreindur fyrir lóðina að   Fiskislóð 1. 
     
  6. Hafnarbraut 22
    Lagðar fram teikningar af Hafnarbraut 22 sem borist hafa frá húseiganda og sýna þær breytingar sem standa yfir á húsinu. 

    Teikningar lagðar fram til kynningar.  Umhverfis- og skipulagsnefnd áréttar að húseigandi ljúki við teikningar af þeim breytingum sem fram fara á húsinu sem séu í samræmi við ákvæði byggingarreglugerðar.  Með endanlegum teikningum þarf að berast formleg umsókn um breytta notkun hússins og skráning byggingar-stjóra fyrir verkið. 

  7. Önnur mál
    a.      Borgabraut 37
    Grennarkynningu vegna erindis frá Þorkeli Jóhannssyni, þar sem hann sækir um lóð við Borgabraut 37, lauk þann 5. febrúar s.l.  Engar athugasemdir bárust.

    Umhverfis- og skipulagsnefnd leggur til við sveitarstjórn að tillaga að óverulegri breytingu á deiliskipulagi, í samræmi við 2. mgr. 43. gr. skipulagslaga, fyrir frístundabyggð (smáhúsasvæði) við Borgabraut í Strandabyggð, samkvæmt uppdræti dagsettum í desember 2018, verði samþykkt. Gildandi deiliskipulag sem staðfest var 13. maí 1991 gerir ráð fyrir 9 frístundahúsum (smáhúsum) við Borgabraut og hafa 8 þeirra þegar verið byggð.  Breytingin gerir ráð fyrir breyttri staðsetningu 9. lóðarinnar, ný staðsetning lóðarinnar rúmast innan frístundareits F1í gildandi aðalskipulags.  Tillaga að breytingu hefur verið kynnt eigendum annarra frístundhúsa á svæði í grenndarkynningu án athugasemda.

    b.      Snjómokstursreglur
    Umhverfis- og skipulagsnefnd hvetur sveitarstjórn til að ljúka við gerð snjómokstursreglna fyrir sveitarfélagið og ítrekar að því tilefni bókun sína varðandi málið á fundi þann 12. desember 2016.

    Jafnfram skorar nefndin á sveitarstjórn að fá yfirmenn Vegagerðarinnar til fundar um snjómokstur á þjóðvegum í sveitarfélaginu. 

 

 

 

 

Jón Gísli Jónsson

Hafdís Sturlaugsdóttir

Hrafnhildur Þorsteinsdóttir

Már Ólafsson

Jóhann Björn Arngrímsson

Júlíana Sverrisdóttir

Einar Indriðason

Gísli Gunnlaugsson

Könnun

Facebook

Atburđadagatal

« Febrúar 2018 »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Nćstu atburđir

Vefumsjón