A A A

Valmynd

Fréttir

Skólastarf

Byggingar-, umferđar- og skipulagsnefnd - 11. mars 2008

Fundur haldinn í Byggingar-, umferðar- og skipulagsnefnd Strandabyggðar þriðjudaginn 11. mars 2008 kl. 20:00 á skrifstofu sveitarfélagsins. Mættir voru Jóhann L. Jónsson formaður, Gunnlaugur Sighvatsson, Þórólfur Guðjónsson og varamennirnir Röfn Friðriksdóttir og Snorri Jónsson. 

Eftirfarandi dagskrá lá fyrir fundinum:


1. Erindi frá Birki Þór Stefánssyni Tröllatungu um að rífa geymslu.
2. Erindi frá Guðfinnu M. Sævarsdóttur um að opna aðrar dyr á Höfðagötu 1
3. Erindi frá Bjarnveigu ehf. um að breyta nýtingu á fiskvinnsluhúsnæði við Fiskislóð 1.
4. Erindi frá Guðjóni Jónssyni og Margréti Vagnsdóttur um að sameina lóðir í landi Óspakseyrar.
5. Erindi frá Og fjarskipti ehf. um leigulóð úr landi Nauteyrar og heimild til byggingar á henni.
6. Yfirlýsing v/vinnustofubyggingar Lækjartúns 23.
7. Erindi frá íbúum Víkurtúns um breytingu á götuheiti.
8. Önnur mál.


Þá var gengið til dagskrár.


1. Erindi frá Birki Þór Stefánssyni Tröllatungu um að rífa geymslu.
Erindi samþykkt.


2. Erindi frá Guðfinnu M. Sævarsdóttur um að opna aðrar dyr á Höfðagötu 1.
Erindi samþykkt.


3. Erindi frá Bjarnveigu ehf. um að breyta nýtingu á fiskvinnsluhúsnæði við Fiskislóð 1.
Nefndin vill lýsa yfir ánægju með áform um uppbyggingu aukins gistirýmis á Hólmavík, en getur ekki samþykkt erindi Bjarnveigar ehf. þar sem svæðið er skipulagt sem iðnaðarsvæði. Fyrir dyrum er vinna við nýtt aðalskipulag og því tækifæri til að skoða í tengslum við það hvort ástæða sé til að breyta notkun svæðisins.


4. Erindi frá Guðjóni Jónssyni og Margréti Vagnsdóttur um að sameina lóðir í landi Óspakseyrar.
Jóhann L. Jónsson tók ekki þátt í afgreiðslu málsins. Erindið samþykkt.


5. Erindi frá Og fjarskipti ehf. um leigulóð úr landi Nauteyrar og heimild til byggingar á henni.
Erindi um byggingu tækjaskýlis og masturs samkvæmt fyrirliggjandi teikningum samþykkt.


6. Yfirlýsing v/vinnustofubyggingar Lækjartúns 23.
Stækkun lóðarinnar var samþykkt á fundi nefndarinnar þann 19. september 2007. Fullnægjandi teikningar og samþykki nágranna liggur fyrir og því öllum fyrirvörum aflétt.


7. Erindi frá íbúum Víkurtúns um breytingu á götuheiti.
Erindi hafnað. Nafngiftin sem óskað er eftir lýsir vonleysi íbúa og ekki nægilega bjartsýnt að mati nefndarmanna. Vonarstræti þótti koma til greina, en niðurstaðan sú að hafa heiti götunnar óbreytt.


8. Önnur mál.
Lagt var fram bréf frá Skipulagsstofnun varðandi byggingarleyfi fyrir frístundahús í landi Undralands í Kollafirði. Skipulagsstofnun gerir ekki athugasemd við að sveitarstjórn veiti leyfi fyrir staðsetningu ofangreindrar byggingar á þessum stað, enda verði framkvæmdin áður kynnt hugsanlegum hagsmunaaðilum í nágrenninu. Nefndin samþykkir fyrir sitt leyti erindi um bygginguna, en áður en framkvæmdir hefjast þarf umsækjandi að skila inn nýjum aðalteikningum þar sem fram komi stærð og staðsetning björgunaropa, staðsetning slökkvitækis og reykskynjara, byggingarlýsing og betri málsetning á sniði. Einnig vantar skráningartöflu.

Tillögur að lóðarblöðum fyrir Kópnesbraut 17 og Kópnes lagðar fram til kynningar. Nefndin sér ekkert því til fyrirstöðu að eftir þeim tillögum verði farið.

Lögð fram fyrirspurn frá Hlyni Torfasyni um hvort lagfærðra gagna sé að vænta svo Skipulagsstofnun geti afgreitt erindi varðandi íbúðar og gestahús í landi Kálfaness. Nefndin beinir því til byggingarfulltrúa að flýta vinnu við nauðsynleg gögn.

Af gefnu tilefni var rætt um nauðsyn þess að við vinnu við snjómokstur á vegum sveitarfélagsins sé gætt ítrustu varúðar þannig að ekki skapist hætta fyrir íbúa eða hljótist tjón á mannvirkjum. Nokkuð hefur verið kvartað um hrun snjóköggla og grjóts við vinnu við snjóruðning og vitað um nýlegt tjón á Hafnarbraut 17.

Einnig rætt um nauðsyn þess að undirbúningur vegna vinnu við aðalskipulag tefjist ekki frekar og að vinna við það fari af stað fyrir vorið. Óskað er eftir því nefndin fái fréttir af framgangi þess máls.


Fleira var ekki tekið fyrir, fundargerð lesin upp og hún samþykkt. Fundi slitið kl. 21:30.

Könnun

Facebook

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón