A A A

Valmynd

Fréttir

Skólastarf

Tilnefningar til Menningarverđlauna Strandabyggđar 2011

| 05. júlí 2011
Kolbeinn Skagfjörđ Jósteinsson og Kristjana Eysteinsdóttir fulltrúar í dómnefnd áriđ 2011. Á myndina vantar Ingibjörgu Emilsdóttur sem var á lokasprettinum í Hamingjuhlaupinu ţegar myndin var tekin. Mynd JG.
Kolbeinn Skagfjörđ Jósteinsson og Kristjana Eysteinsdóttir fulltrúar í dómnefnd áriđ 2011. Á myndina vantar Ingibjörgu Emilsdóttur sem var á lokasprettinum í Hamingjuhlaupinu ţegar myndin var tekin. Mynd JG.
Menningarverðlaun Strandabyggðar eru veitt sem árleg hvatning til einstaklings, félags, stofnunar, fyrirtækis eða hóps fyrir eftirtektarvert framtak á sviði menningar og lista í sveitarfélaginu á líðandi ári. Ákvörðun um handhafa verðlaunanna er tekin af dómnefnd sem velur úr tilnefningum frá íbúum auk þess sem nefndin hefur heimild til að bæta við tilnefningum. Dómnefndin í ár var skipuð þremur fulltrúum úr Tómstunda-, íþrótta- og menningarnefnd, þeim Kristjönu Eysteinsdóttur, Kolbeini Skagfjörð Jósteinssyni og Ingibjörgu Emilsdóttur.

Eftirtaldir aðilar fengu tilnefningar árið 2011:
 
  • Áhorfandinn hlýtur tilnefningu vegna þess að hann er kjarni öflugs menningarlífs og lykillinn að lifandi samfélagi.
  • Einar Hákonarson myndlistarmaður hlýtur tilnefningu vegna framlags til menningar og lista.
  • Félag eldri borgara á Hólmavík hlýtur tilnefningu fyrir einstaklega gefandi félagsstarf og þjónustu við samborgara sína á sjúkrahúsinu á Hólmavík.
  • Félagsmiðstöðin Ózon hlýtur tilnefningu fyrir framlag sitt til menningarmála með samspilstónleikum í maí.
  • Hafþór Ragnar Þórhallsson hlýtur tilnefningu fyrir einstakt handverk.
  • Handverksmarkaðurinn Strandakúnst hlýtur tilnefningu fyrir sölu á minjagripum og handverki frá Ströndum.
  • Kaldalónstónar hljóta tilnefningu fyrir einstaka dagskrá um Sigvalda Kaldalóns í samvinnu kórs Hólmavíkurkirkju, Þjóðfærðistofu og Snjáfjallaseturs.
  • Leikfélag Hólmavíkur hlýtur tilnefningu fyrir leikrit, leikferðir, hátíðir, búninga, ljósameistara, brellur og hlátur og fyrir að auðga mannlíf á Ströndum undanfarin 30 ár.
  • Strandir.is hlýtur tilnefningu fyrir öfluga fréttamennsku af menningarstarf undanfarin ár.
  • Sævar Benediktsson og Elísabet Pálsdóttir hljóta tilnefningu fyrir vinnu og endurbætur við Steinhúsið þar sem elsta steinsteypta húsið á Hólmavík er hafið til vegsemdar og virðingar á ný.
  • Tónskólinn á Hólmavík fyrir frábært framlag til menningarstarfs
  • Þjóðfræðistofa fyrir Skelina, Lista og fræðimannadvöl á Ströndum. Verkefnið er viðamikið innlegg í menningarlíf sveitarfélagsins og er jákvætt fyrir svæðið.

Könnun

Facebook

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón