Strandabyggð hefur gert samning við Magnús Baldursson sálfræðing  um sálfræðiþjónustu á vegum félags- og skólaþjónustu í sveitarfélaginu. Samhliða þessu býðst íbúum Strandabyggðar að nýta sér þjónustu Magnúsar í heimabyggð en auk þess er hægt að sækja tíma hjá Magnúsi í Reykjavík.

Þeir íbúar sem vilja óska eftir tíma hjá Magnúsi er bent á að hafa samband við Maríu Játvarðardóttur félagsmálastjóra Stranda og Reykhólahrepps á skrifstofutíma í síma 451-3521 eða að senda á hana póst í netfangið felagsmalastjori@strandabyggd.is . 

Magnús verður á Hólmavík mánudaginn 28. október næstkomandi. Tímapantanir þurfa að hafa borist til félagsmálastjóra fyrir kl. 14:00 þriðjudaginn 22. október til að unnt sé að fá tíma í þeirri komu. Gert er ráð fyrir því að Magnús verði á Hólmavík á u.þ.b. fimm vikna fresti.