Grunnskólinn á Hólmavík verður settur mánudag 25. ágúst klukkan 8:30. Að setningu lokinni bjóða umsjónarkennarar til stofu þar sem afhentar verða ýmsar upplýsingar um skólastarfið og kennsla hefst síðan samkvæmt stundaskrá.
Fyrsta vikan einkennist af útkennslu og hópefli.
Foreldrar eru velkomnir með nemendum á skólasetningu og nýjum nemendum er velkomið að koma í heimsókn í skólann og skoða sig um á fimmtudag og föstudag. 
Starfsfólk Grunnskólans á Hólmavík hlakkar til samstarfsins.

Félagsþjónusta Stranda og Reykhólahrepps minnir á að foreldrar/forsjáraðilar 15-17 ára barna sem stunda nám við framhaldsskóla fjarri lögheimili eiga rétt á sérstökum húsnæðisstuðningi.
Sjá reglur um sérstakan húsnæðisstuðning 

Umsóknir berist til Hlífar Hrólfsdóttur félagsmálastjóra á tölvupóstfangið felagsmalastjori@strandabyggd.is, fylla þarf út umsóknareyðublað og senda með afrit af húsaleigusamningi ásamt staðfestingu á skólavist.

Kynningarfundur um tillögu Rannsóknarseturs Háskóla Íslands í þjóðfræði/Þjóðfræðistofa um Verndarsvæði í byggð á Hólmavík verður haldinn miðvikudaginn 20. ágúst nk. í Hnyðju. 

Fundurinn verður kl 19:30 og munu Jón Jónsson og Eiríkur Valdimarsson kynna tillögu Þjóðfræðistofu um Verndarsvæði í byggð á Hólmavík. 

Athugið að um breytta dagsetningu er um að ræða frá fyrri auglýsingu um væntanlegan kynningarfund. 

Við hvetjum sem flest að mæta og kynna sér þetta verkefni. 

Hér er slóð á tillögu Rannsóknarseturs Háskóla Íslands í þjóðfræði: strandabyggd.is/stjornsysla/tilkynningar/skra/4718/

Kæru íbúar Strandabyggðar,

Nú er unnið af kappi við að klára leikskólalóðina. Og það er ljóst að hér er um byltingu að ræða fyrir leikskólabörnin okkar.  Látum myndirnar tala sínu máli, en það er bjart framundan fyrir leikskólabörn í Strandabyggð!

kveðja
Þorgeir Pálsson
Oddviti

Grunnskólinn á Hólmavík auglýsir lausa stöðu kennara í 50% tímabundið starf til eins árs skólaárið 2025-2026
Nánar um starfið og fleiri störf sem laus eru til umsóknar hér: http://www.strandabyggd.is/laus_storf/

Strandabyggð gerir hér með verðfyrirspurn varðandi skólaakstur fyrir skólaárið 2025-2026.

Um er að ræða akstur með skólabörn leik- og grunnskóla í dreifbýli í Strandabyggð.  Tilboðsgjafi skal veita upplýsingar um bílakost, mönnun, bakgrunn, reynslu og þekkingu á staðháttum.  Tilboðsgjafi skal hafa hreina sakaskrá.  Bílstjóri og varabílstjóri, skulu hafa réttindi til aksturs skólabifreiðar.

Allar nánari upplýsingar veitir sveitarstjóri, Þorgeir Pálsson í síma 899-0020.  Einnig má senda fyrirspurn á netfangið strandabyggd@strandabyggd.is 

Frestur til að skila inn tilboðum er til loka dags 20. ágúst 2025.  Skólaakstur hefst 25. ágúst 2025.

Strandabyggð áskilur sér rétt til að taka því tilboði sem sveitarfélagið metur hagstæðast, eða hafna öllum.