A A A

Valmynd

Fréttir

Skólastarf

www.samtakamattur.is

Andrea Kristín Jónsdóttir | 15. mars 2016

Opnaður hefur verið vefurinn www.samtakamattur.is sem er upplýsingavefur vegna sameiginlegs verkefnis Strandabyggðar, Reykhólahrepps og Dalabyggðar um gerð svæðisskipulags með aðstoð ráðgjafafyrirtækisins Alta. Inn á þessum vef verða allar helstu upplýsingar um verkefnið, stöðu þess  og framgang en jafnframt má koma á framfæri upplýsingum og fyrirspurnum í gegnum vefinn.

Með gerð svæðisskipulags fyrir Dalabyggð, Reykhólahreppur og Strandabyggð vilja sveitarfélögin festa í sessi sameiginlega framtíðarsýn á þróun svæðisins. Með því að greina tækifæri sem búa í auðlindum og sérkennum svæðisins og móta á þeim grunni markmið í atvinnumálum, samfélagsmálum og umhverfismálum og síðan skipulagsstefnu sem styður við þau, eru væntingar um að ná meiri árangri en ella þegar tekist er á við sameiginlegar áskoranir sem við blasa í byggðamálum.

Markmiðið er að með tíð og tíma leiði starfið til:

  • Aukinnar samvinnu sveitarfélaganna um eflingu atvinnulífs og byggðar – með því að móta sameiginlega framtíðarsýn og markmið til að vinna eftir og forgangsraða samstarfsverkefnum og verkefnum sveitarfélaganna á þeim grunni.
  • Sterkari sjálfsmyndar samfélaga á svæðinu og aukin samheldni þeirra – með því að greina tengsl íbúa við sitt svæði og draga þau fram í stefnumótuninni.
  • Skýrari ímyndar svæðisins og aukins aðdráttarafls gagnvart ferðamönnum, nýjum íbúum, fyrirtækjum og fjárfestum – með því að skýra sérkenni svæðisins og marka stefnu sem styrkir þau og nýtist jafnframt fyrirtækjum í ferðaþjónustu og öðrum atvinnugreinum til vöruþróunar og markaðssetningar. 
  • Nýrra fyrirtækja, þjónustu og vöru sem byggja á sérkennum og auðlindum svæðisins – með því að draga fram, ræða og gera aðgengilegar upplýsingar um auðlegð svæðisins og tækifæri sem í henni búa.
  • Aukins fjármagns til svæðisbundinna verkefna og annarra verkefna sem falla að sameiginlegri langtímasýn svæðisins í svæðisskipulaginu – með því að setja einstök verkefni í stærra samhengi í tíma og rúmi.

Könnun

Facebook

Atburđadagatal

« Október 2017 »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Nćstu atburđir

Vefumsjón