Sveitarstjórn Strandabyggðar. Mynd Brian Berg.

Helgina 27. - 28. ágúst n.k. verða haldnir starfsdagar sveitarstjórnar Strandabyggðar þar sem litið verður yfir farinn veg og stefna mótuð til framtíðar. Horft verður til næstu 10 ára og í framhaldi af því sett niður skýr markmið til næstu þriggja ára. Sveitarstjórnarfólk af J-lista og V-lista Vinstri grænna tekur þátt í stefnumótunarvinnu laugardaginn 27. ágúst. 
 
Sveitarstjórnarfundur 1187 verður haldinn í sveitarstjórn Strandabyggðar þriðjudaginn 30. ágúst 2011 og hefst hann kl. 17:00 á skrifstofu sveitarstjóra. Fræðslunefnd hélt fund 18. ágúst s.l., Landbúnaðar- og dreifbýlisnefnd mun halda fund fimmtudaginn 25. ágúst og Velferðarnefnd mánudaginn 29. ágúst 2011.