A A A

Valmynd

Fréttir

Skólastarf

Skemmtileg söfnun fyrir bćđi ungmenni og eldri borgara

| 19. nóvember 2011
Mynd frá Kolaporti á Hólmavík.
Mynd frá Kolaporti á Hólmavík.
Kolaport verður haldið í Félagsheimilinu á Hólmavík sunnudaginn 20. nóvember milli kl. 12:00 - 16:00. Það eru öflugir nemendur í 8.-9. bekk í Grunn- og Tónskólanum á Hólmavík sem standa fyrir viðburðinum sem er liður í fjáröflun fyrir ferð þeirra til Danmerkur sem verður án efa lærdómsrík, þroskandi og skemmtileg.

Viðar Guðmundsson organisti og kórstjóri í Hólmavíkurkirkju með meiru hefur ýtt af stað söfnun til að kaupa og setja upp varanlegan útsendingarbúnað úr Hólmavíkurkirkju yfir í Heilbrigðisstofnunina á Hólmavík með möguleika á útsendingum í Bragganum. Með þessu gefst eldri íbúum tækifæri til að fylgjast bæði með athöfnum og þeim fjölmörgu viðburðum sem fram fara í Hólmavíkurkirkju á flatskjá í setustofunni á Heilbrigðisstofnuninni. Lionsklúbbur Hólmavíkur er einn af þeim aðilum sem munu leigja borð af Danmerkurförum í Kolaportinu og selja muni til styrktar söfnun Viðars. Opnaður verður reikningur í Sparisjóði Strandamanna vegna söfnunarinnar og eru félagasamtök, fyrirtæki, stofnanir og einstaklingar sem hafa áhuga á að taka þátt í þessu góða verkefni hvattir til að hafa samband við Viðar Guðmundsson organista eða Ingibjörgu Valgeirsdóttur sveitarstjóra.

Í Kolaportinu verður líf og fjör. Á boðstólum verður súpa, kaffi, kakó og kökur sem fólk getur notið undir lifandi tónlistarflutningi í góðri stemmningu. Þeir sem hafa áhuga á að koma með varning til að selja geta haft samband við Arnar Jónsson í s. 894-1941 eða sent tölvupóst í netfangið addibro@jonsson.is .  Aðstandendur vonast til að sjá sem flesta, bæði við sölustörf og í viðskiptahugleiðingum.

Könnun

Facebook

Atburđadagatal

« Nóvember 2017 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón